პროსტატის კიბოში ძუძუს კიბოს მსგავსი მემკვიდრეობითი გადაცემა გამოვლინდა

ახალი კვლევით შორსწასულ, მეტასტაზურ პროსტატის კიბოში DNA-ს აღმდგენი ცილების გენებში „BRCA2 , ATM და CHEK2“ მემკვიდრეობითი მუტაციები გამოვლინდა. პაციენტების დაახლოებით %12-ში აღმოჩენილი ეს მუტაციები მემკვიდრეობითი გადაცემის გამომწვევ გენებშია, რომლებსაც ძუძუს, საკვერცხისა და პანკრეასის კიბოდან ვიცნობთ.

ავტორიტეტულ სამედიცინო ჟურნალ New Englan Jornal of Medicine-ში გამოქვეყნებულ კვლევაში 692 პაციენტის 16 აღმდგენი გენი მუტაციებზე შეამოწმეს და 82-ში (%11.8) DNA-ს აღდგენის გენის მუტაცია აღმოაჩინეს. ცნობილია, რომ ნორმალური, მუტაციის (მუდმივი გენეტიკური ცვლილების) არმქონე აღდგენის გენები უჯრედში გენეტიკურ დაზიანებას ასწორებს და კიბოდ გარდაქმნას აფერხებს. მათში ასეთი მუტაციები კი ადამიანის სიცოცხლის განმავლობაში კიბოს ძალიან მაღალ ალბათობას იწვევს. ადრეული პროსტატის კიბოს სხვა კვლევაში მათი სიხშირე დაახლოებით %4 იყო. თუმცა განსაკუთრებით 4. სტადიის, ანუ მეტასტაზური პაციენტების ამ კვლევაში აღმდგენი გენების მუტაციის მაჩვენებელი ადრეულ პროსტატის კიბოსთან შედარებით თითქმის 3-ჯერ მაღალი აღმოჩნდა.

ეს ახალი ცოდნა მნიშვნელოვანი წინსვლის საფუძველი იქნება პროსტატის კიბოს ზოგი ჯგუფის წარმოქმნის მექანიზმების გაგებასა და მკურნალობაში. ასევე გზამკვლევი გახდება გენეტიკური გადაცემის მქონე პაციენტებისა და მათი ახლობლების მეთვალყურეობისა და ადრეული დიაგნოსტიკის ახალ მიდგომებში. ამ კვლევაში 72 პაციენტიდან 51-ის (%71) პირველი ხარისხის ნათესავს კიბო ჰქონდა, რაც გენეტიკური მუტაციის არმქონე ჯგუფზე მნიშვნელოვნად მაღალია.

DNA-ს აღმდგენი გენის მუტაციით განვითარებულ საკვერცხის კიბოში PARP ინჰიბიტორის (მოქმედების დამბლოკავის) სახელით ცნობილი წამლები ეფექტიანი იყო. მსგავსი მუტაციებით განვითარებულ ძუძუს კიბოშიც ეფექტიანი აღმოჩნდა პლატინებად წოდებული ქიმიოთერაპია. მსგავსი წამლები პროსტატის კიბოს ამ ტიპშიც შეიძლება იმედისმომცემი იყოს.

ცხადია, რომ პროსტატის კიბოში ეს მნიშვნელოვანი აღმოჩენა მომავალში პაციენტებისთვის მნიშვნელოვან სარგებელს მოიტანს. ჩვენც ამ სფეროს სიახლეებს ყურადღებით დავაკვირდებით.