რა არის ამინომჟავა?

ამინომჟავები ცილების ძირითადი სამშენებლო ერთეულებია.

ქიმიაში ამინომჟავა არის როგორც „ამინის“, ისე „კარბოქსილის“ შემცველი მოლეკულა. მათი ერთმანეთზე მიმდევრობით დამატებით წარმოქმნილ მოკლე პოლიმერულ ჯაჭვებს „პეპტიდი“, გრძელებს კი „პოლიპეპტიდი“ ან ცილა ეწოდება. უჯრედში რიბოსომები mRNA მოლეკულებს შაბლონად იყენებს და ამინომჟავების მიმდევრობით შეერთებით ცილებს ასინთეზებს. ამ პროცესს ტრანსლაცია (თარგმანი) ეწოდება.

რომელიმე ცილის შემადგენლობაში ყველა ამინომჟავის ერთდროულად ყოფნა საჭირო არ არის. მათი რაოდენობაც თანაბარი არ არის. ცილებში მათგან მეტად განსხვავებული ამინომჟავებიც შეიძლება იყოს. ორგანიზმში ამინომჟავები 20 ძირითადი ამინომჟავით შედგენილი პოლიპეპტიდების შემდგომი „დიფერენცირებით“ წარმოიქმნება.

ცილის სინთეზის საერთო შეცდომის მაჩვენებელი დაახლოებით 10−4-ია (ყოველი 10000 ამინომჟავიდან ერთი არასწორად თავსდება). ზოგი ანტიბიოტიკი პირდაპირ, ზოგი ქიმიოთერაპიული წამალი კი არაპირდაპირ ცილის სინთეზში ჩარევით მოქმედებს.