სანაღვლე გზების კიბოში იმუნოთერაპია ნივოლუმაბით დაავადების კონტროლის მაღალი მაჩვენებლები

იმუნური სისტემის კიბოს წინააღმდეგ გასააქტიურებლად გამოყენებული ახალი თაობის იმუნოთერაპიები (იმუნური საკონტროლო წერტილების ინჰიბიტორები)პირველი დამტკიცების, 2011 წლიდან, 15 ძირითად კიბოს ტიპში ეფექტიანობითა და გამოყენების თანხმობით გამოირჩევა; თუმცა სანაღვლე გზების კიბო მათ შორის არ არის. ერთ-ერთი ყველაზე ცნობილი იმუნოთერაპიის, ნივოლუმაბის(Opdivo) ეფექტიანობის გასაზომად შორსწასულ და მკურნალობისადმი რეზისტენტულ სანაღვლე გზების კიბოში მულტიცენტრული II ფაზის კვლევა ჩატარდა და შედეგები 30 აპრილს JAMA Oncology-ში გამოქვეყნდა.
ამჟამად შორსწასული სტადიის სანაღვლე გზების კიბოსთვის მეორე ხაზის დამტკიცებული სისტემური მკურნალობა არ არსებობს. თუმცა ლაბორატორიული კვლევები აჩვენებს სიმსივნეში შეჭრილი CD8-დადებითი T-უჯრედებისა და PD-L1-დადებითი სიმსივნური უჯრედების არსებობას სანაღვლე გზების კიბოს სიმსივნის მიკროგარემოში, რაც ამ კიბოში ანტი-PD-1 ბლოკადის იმუნოთერაპიის (მაგალითად ნივოლუმაბის) გამოყენების ლოგიკას ამყარებს.
კვლევის შედეგითავიდანვე წარმოვადგინოთ და შემდეგ დეტალებს შევეხოთ: შორსწასული, მკურნალობისადმი რეზისტენტული სანაღვლე გზების კიბოს 54 პაციენტის მულტიცენტრულ II ფაზის კვლევაში მკვლევართა შეფასებით 10 პაციენტში ობიექტური პასუხი და % 59 დაავადების კონტროლი დაფიქსირდა. დამოუკიდებელი რადიოლოგიური განხილვით 5 პაციენტში ობიექტური პასუხი და % 50 დაავადების კონტროლი აღირიცხა. ეს ნიშნავს, რომშორსწასული და მკურნალობისადმი რეზისტენტული სანაღვლე გზების კიბოს პაციენტებში ნივოლუმაბი შეიძლება ეფექტიანი იყოს და III ფაზის კვლევით შემდგომი შესწავლაა საჭირო.

ამ ერთჯგუფიან მულტიცენტრულ 2 ფაზის ნივოლუმაბის კვლევაში მანამდე სულ მცირე 1, მაქსიმუმ 3 ხაზით ნამკურნალები 54 პაციენტი ჩართეს. მათ 16 კვირის განმავლობაში ყოველ 2 კვირაში ინტრავენურად 240 mg ნივოლუმაბს აძლევდნენ, შემდეგ კი პროგრესირებამდე ან მიუღებელ გვერდით მოვლენებამდე ყოველ 4 კვირაში ინტრავენურად 480 mg-ით აგრძელებდნენ.
პირველადი საბოლოო წერტილი მკვლევრის შეფასებული ობიექტური პასუხი იყო, მეორეული კი პროგრესირების გარეშე გადარჩენა, საერთო გადარჩენა და გვერდითი მოვლენების სიხშირე.
მიგნებები
- სულ 54 პაციენტი (27 მამაკაცი და 27 ქალი; ასაკის მედიანა 65 წელი) რადიოლოგიური ვიზუალიზაციით ობიექტურ პასუხზე შეაფასეს.
- მკვლევრის შეფასებით ობიექტური პასუხი % 22 იყო (46-დან 10), ხოლო დაავადების კონტროლი % 59 (46-დან 27).
- ცენტრალური დამოუკიდებელი განხილვის გუნდის გაზომილი ობიექტური პასუხი % 11 იყო (46-დან 5), დაავადების კონტროლი % 50 (% 46-დან 23); დაავადების კონტროლის მაჩვენებელთან ერთად ობიექტური პასუხი % 11 (46-დან 5) აღმოაჩინა.
- მკურნალობაზე პასუხის მქონე ყველა პაციენტს dMMR (დნმ-ის შეუსაბამობის რეპარაციის დეფექტის) სიმსივნეები ჰქონდა.
- პასუხის მქონე პაციენტების ნახევარში პასუხი უმეტესად გრძელდებოდა, ამიტომ მისი ხანგრძლივობის მედიანას ვერ მიაღწიეს; დაკვირვების მედიანა 12.4 თვე იყო.
- პროგრესირების გარეშე გადარჩენის მედიანა 3.7 თვე, საერთო გადარჩენის მედიანა კი 14.2 თვე იყო.
- აღმოჩნდა, რომ PD-L1 დადებითობა პაციენტთა პროგრესირების რისკს % 77-ით ამცირებდა.
- მკურნალობასთან დაკავშირებული ყველაზე ხშირი მძიმე (3 ან 4 ხარისხის) გვერდითი მოვლენები იყო ჰიპონატრიემია (54 პაციენტიდან 3 [% 6]) და ტუტე ფოსფატაზის მატება (54-დან 2 [% 4]).
დასკვნა
კვლევამ აჩვენა ნივოლუმაბის კარგი ამტანობა შორსწასული და მკურნალობისადმი რეზისტენტული სანაღვლე გზების კიბოში და ზოგი პაციენტისთვის ხანგრძლივი ეფექტიანობა. მიგნებების დასადასტურებლად, მკურნალობის უკეთ ასარჩევად და იმუნოთერაპიის პასუხის განმსაზღვრელი ბიომარკერების შესაფასებლად მეტი კვლევაა საჭირო.
წყაროები
A Phase 2 Multi-institutional Study of Nivolumab for Patients With Advanced Refractory Biliary Tract Cancer.
JAMA Oncology, 30 April 2020.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.