შეიძლება თუ არა მამოგრაფიით გულის სისხლძარღვების დახშობის პროგნოზირება?
ამ სტატიაში
სათაური შეიძლება უცნაურად მოგეჩვენოთ, მაგრამ შეცდომა არ არის. ამერიკის კარდიოლოგიის კოლეჯის 65. ყოველწლიურ შეხვედრაზე წარდგენილმა კვლევამ აჩვენა, რომ ძუძუს კიბოს დიაგნოსტიკის ერთ-ერთი მეთოდით, მამოგრაფიით, გულის დაავადების რისკის პროგნოზირება შეიძლება.
გულის დაავადება, რომელსაც კორონარული სისხლძარღვების დახშობასაც უწოდებენ, ყველა სიკვდილის %20-ზე მეტზეა პასუხისმგებელი. კიბოსაც სიკვდილიანობის მსგავსი მაჩვენებელი აქვს, ძუძუს კიბო კი ქალებში ყველაზე ხშირი კიბოა.
მსოფლიოში ყოველწლიურად მილიონობით მამოგრაფია ტარდება, უმეტესად ძუძუს კიბოს სკრინინგისთვის (მხოლოდ ამერიკაში წელიწადში 37 მილიონი). ამერიკის კიბოს საზოგადოების ბოლო რეკომენდაციებით, 40-54 წლის ქალებს ყოველწლიური, 55 წლის ზემოთ კი ყოველ 2 წელიწადში მამოგრაფია უნდა ჩაუტარდეთ.
როგორ შეიძლება მამოგრაფიამ გულის დაავადების პროგნოზირება?
მამოგრაფიის სურათებს, განსაკუთრებით ციფრულს, ჩაკირვის,სამედიცინო სახელწოდებით, კალციფიკაციისგამოვლენა შეუძლია (დღევანდელი აპარატების უმეტესობა ციფრულია). მამოგრაფია ძუძუს არტერიების კალციფიკაციას აჩვენებს, რაც გულის მკვებავი კორონარული არტერიების კალციფიკაციის მნიშვნელოვანი მაჩვენებელი შეიძლება იყოს.
კორონარული არტერიების კალციფიკაცია კორონარული არტერიული დაავადების ძალიან ადრეული ნიშანია. ახლახან სხვა კვლევამ აჩვენა, რომ ძუძუს არტერიული და კორონარული კალციფიკაცია ინფარქტსა და ინსულტად ცნობილ ტვინის სისხლძარღვების დახშობას უკავშირდება.
კვლევის შედეგები მიანიშნებს, რომ მომავალი გულის დაავადების პროგნოზირებაში ძუძუს არტერიული კალციფიკაცია მაღალ ქოლესტერინზე, მაღალ არტერიულ წნევაზე (ჰიპერტენზიაზე) და დიაბეტზეუკეთესი მაჩვენებელი შეიძლება იყოს.
კვლევაში გულის დაავადების ცნობილი ისტორიის არმქონე 292 ქალის მამოგრაფიები ძუძუს არტერიულ კალციფიკაციაზე შეფასდა. შედეგები ასე შეიძლება შევაჯამოთ:
- დაკვირვების ქვეშ მყოფი ქალების %42,5-ში ძუძუს არტერიული კალციფიკაცია (ძაკ) აღმოჩნდა და სიხშირე ასაკთან ერთად იზრდებოდა.
- ძაკ-ის მქონეებში ჰიპერტენზია და თირკმლის ქრონიკული დაავადება მნიშვნელოვნად ხშირი იყო.
- ძაკ-ის მქონეებში არმქონეებთან შედარებით კორონარული არტერიული კალციფიკაციის რისკი 3-ჯერ მეტი იყო.
საბოლოოდ, მამოგრაფია ქალებზე ყველაზე მეტად მოქმედ ამ ორ დაავადებაზე (ძუძუს კიბოსა და გულის დაავადებაზე) ღირებულ ინფორმაციას გვპირდება. თუმცა ერთი კვლევის შედეგი დამატებითი დიდი კვლევებით უნდა დადასტურდეს, რათა ძუძუს არტერიული კალციფიკაცია გულის დაავადების რისკის პროგნოზირების სტანდარტულ მეთოდად იქცეს. მეცნიერებმა მუშაობა უკვე დაიწყეს: ნიდერლანდებში დაახლოებით 39 ათასი მონაწილის კვლევა დაწყებულია.
წყაროები
Digital Mammography and Screening for Coronary Artery Disease.
J Am Coll Cardiol Img. 2016;():. doi:10.1016/j.jcmg.2015.10.022
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.