შემოქმედებითი ხელოვნების აქტივობების დიდი სარგებელი ფსიქიკური და ფიზიკური ჯანმრთელობისთვის

შემოქმედებითი ხელოვნების ისეთი დისციპლინები, როგორიცაა წერა, ხატვა ან ცეკვა, სიამოვნებასთან ერთად ჯანმრთელობის სარგებელსაც გვთავაზობს. ხელოვნების უსარგებლოდ ან მხოლოდ "სამკაულად" მიჩნევა არასწორია; მედიცინის მრავალი კვლევა აჩვენებს, რომ ხელოვნება, უფრო კონკრეტულად შემოქმედებითობა, ფსიქიკური და ფიზიკური ცნობიერებისა და გამდიდრებისთვის საკმაოდ სასარგებლოა.
ქვემოთ გთავაზობთ შემოქმედებითი ძალისხმევის ზოგი სარგებლის განხილვას, წერიდან ხატვასა და ცეკვამდე, და გირჩევთ თქვენს ცხოვრებას მეტი შემოქმედებითობა შესძინოთ.
ზოგს შემოქმედებითი აქტივობები ჰობად გვიყვარს, ზოგი კი არჩეულ ჰობის ემოციების თავისუფლად გამოხატვის გზის პოვნის სიხარულით აგრძელებს. თუმცა ფაქტია; ახლის შექმნა და კომუნიკაციის განსხვავებული ფორმის ძიება ადამიანური ბუნების ნაწილია. ამის გაგება რთული არ არის ჩვენი წინაპრებისგან, რომლებმაც 39.900 წლის წინ გამოქვაბულის ნახატები შექმნეს.
დღემდე ახლის შექმნით, აღმოჩენითა და ცდით მოვედით. ასე ვიპოვეთ ცეცხლი, დავიწყეთ საჭმლის მომზადება, ასე გამოვცადეთ იარაღებიც და ყოველ ჯერზე ახალი რამ აღმოვაჩინეთ. ანუ შექმნის ჩვენი ბუნების ნაწილად ყოფნა უდავო ფაქტია და ამ მხრივ ხელოვნების აქტივობებს მრავალი ფსიქიკური და ფიზიკური სარგებელი აქვს.
რა სარგებელი აქვს ხელოვნებას ფსიქიკური ჯანმრთელობისთვის?
თიხის მსგავს მასალებთან სამგანზომილებიანი მუშაობა, ხატვა და შეღებვა მეცნიერულად დადასტურებულად ეხმარება ადამიანებს სხვადასხვა ტრავმასთან გამკლავებაში. Heather L. Stuckey და Jeremy Nobel თავიანთ ვრცელ სტატიაში "კავშირი ხელოვნებას, განკურნებასა და საზოგადოებრივ ჯანმრთელობას შორის" შემოქმედებით ხელოვნებაზე; "ეხმარება ადამიანებს კიბოს დიაგნოზის მსგავსი, სიტყვებით რთულად გადმოსაცემი გამოცდილების გამოხატვაში" ამბობენ.
კვლევების სერიამ ასევე აჩვენა, რომ მოვლენისა და მისი გავლენის აღსაწერად წერამ ადამიანებს ტრავმის დაძლევასა და უარყოფითი ემოციების მართვაში შეიძლება დაეხმაროს. ვიზუალური გამოხატვა ან ასეთი წერა ადამიანებს ეხმარება უცვლელი უარყოფითი მდგომარეობების მიღებასა და ცხოვრებაში გამოსავლისკენ სვლაში.
მდგომარეობის გამომხატველი თხზულებები მხოლოდ ტრავმასა და უარყოფით ემოციებს არ ეხმარება; ადამიანების მიერ დადებით გამოცდილებებსა და მომავალში სასურველ საკუთარ თავზე წერამ ფსიქოლოგიურ კეთილდღეობაში წვლილი შეიტანა. შემდგომ კვლევაშიც მონაწილეებში, რომლებსაც დადებით გამოცდილებაზე წერა სთხოვეს, მსგავსი შედეგები დაფიქსირდა.
ტვინისთვის სასარგებლო აქტივობებში წერა და მუსიკაც შედის
წერის კვლევებმა ასევე აჩვენა რომ წერას სწავლაში დახმარება შეუძლია. ამასთან, დასამახსოვრებელი იდეების კალმით ქაღალდზე ჩაწერა ძალიან სასარგებლოა. წერის გარდა მუსიკაც უკეთ ყოფნაში მნიშვნელოვან როლს ასრულებს. ალბერტ აინშტაინმა თქვა, რომ მუსიკა მისი ცხოვრების ძალიან მნიშვნელოვანი ნაწილი იყო და ფიზიკოსი რომ არ ყოფილიყო, აუცილებლად მუსიკოსი იქნებოდა. ამის მიზეზი მუსიკით მიღებული დადებითი ემოციებია.
მუსიკის შექმნამ შეიძლება მნიშვნელოვანი გავლენა მოახდინოს ტვინის სხვადასხვა ნაწილის კარგ ურთიერთკომუნიკაციაზე. 2014-ში გამოქვეყნებული მიმოხილვით მუსიკალურად განათლებულთა, მაგალითად ინსტრუმენტზე დაკვრის მცოდნეთა ტვინის ორ ნაწილს შორის უკეთესი კავშირებია.
შემოქმედებითი ხელოვნების კიდევ ერთ სახეობად თეატრალური სპექტაკლები კოგნიტური ფუნქციების გამაუმჯობესებლად მიიჩნევა. 2004 წლის კვლევამ აჩვენა, რომ სპექტაკლებში მონაწილეობისთვის წახალისებულმა ხანდაზმულებმა 4 კვირის შემდეგ ფსიქოლოგიურად დადებითი გაუმჯობესება განიცადეს. უკეთესი კოგნიტური ფუნქციონირებაც გამოავლინეს. მონაწილეებმა უკეთ მოსმენასა და დამახსოვრებასთან ერთად პრობლემების გადაჭრის უნარიც გააუმჯობესეს.
რა სარგებელი აქვს ხელოვნებას ფიზიკური ჯანმრთელობისთვის?
ამ საკითხის მკვლევარი სპეციალისტები აღნიშნავენ, რომ კვლევებით საკუთარი ტრავმული გამოცდილების აღმწერი ადამიანები ფიზიკური ჩივილებით ექიმთან ნაკლებად მიდიოდნენ და იმუნური სისტემის ფუნქციები გაუუმჯობესდათ.
HIV მკურნალობის მიმღებთა მონაწილეობით ჩატარებულ კლინიკურ კვლევაშიხელოვნება მონაწილეთა იმუნური სისტემის დარეგულირებას ეხმარებოდა. CD4+ T ლიმფოციტები იმუნური ფუნქციის საკვანძო ელემენტები და იმუნოდეფიციტის ვირუსის ერთ-ერთი ძირითადი სამიზნეა. ამ კვლევაში შემოქმედებითი ხელოვნებით დაკავებულთა სისხლში CD4+ T ლიმფოციტების რაოდენობა გაიზარდა. შემოქმედებითი ხელოვნების თერაპია ქრონიკული ტკივილის მართვაშიც დამხმარე აღმოჩნდა.
მუსიკათერაპიის იმუნური სისტემის გამაძლიერებელ ეფექტებსაც აღნიშნავენ. მუსიკა ტვინის ლიმბურ სისტემას ასტიმულირებს და სტრესულ გამღიზიანებლებზე რეაქციას ამსუბუქებს. მკვლევრების მიხედვით მუსიკის მოსმენა ნაწილობრივ ამიგდალასა და ჰიპოთალამუსის მოქმედებით იმუნურ სისტემას ეფექტიან ფუნქციონირებაში შეიძლება დაეხმაროს. მათ მიაჩნიათ, რომ ეს უბნები განწყობისა და ჰორმონული პროცესების რეგულირებასთან ერთად სხეულის ანთებით პასუხშიც მონაწილეობს.
შემოქმედება ძალიან მოძრავიც შეიძლება იყოს და ამ მოძრაობას განსხვავებული სარგებელი ახლავს. მაგალითად ძუძუს კიბოს მკურნალობაგავლილებზე კვლევამ აჩვენა, რომ ცეკვა მხრის ფუნქციის გაუმჯობესებას ეხმარებოდა და სხეულის გარეგნობაზე დადებითად მოქმედებდა. ასევე გართობისა და ფორმის შენარჩუნების სასიამოვნო გზაა.
შემოქმედებითი ხელოვნების სარგებელს მკურნალობის დროს და შემდეგ ჩვენს პაციენტებსა და ახლობლებშიც ვაკვირდებით. ამიტომ ყოველდღიურად ქაღალდზე სხვადასხვა ფერის ლაქების დატანით ან გიტარაზე დაკვრის სწავლით ფსიქიკურ თუ ფიზიკურ მდგომარეობაში გარკვეული წესრიგის შეტანით ცხოვრებაში მეტი ხელოვნება შეგვიძლია შემოვიტანოთ.
შეიძლება დაგაინტერესოთ:
წყაროები
The Connection Between Art, Healing, and Public Health: A Review of Current Literature.
Am J Public Health, 2010.
2. Karen A. Baikie and Kay Wilhelm.
Emotional and physical health benefits of expressive writing.
Access Advances in Psychiatric Treatment, 2005.
3. Laura A. King.
The Health Benefits of Writing about Life Goals.
Personality and Social Psychology Bulletin, 2001.
4. Chad MBurton, Laura A. King.
The health benefits of writing about intensely positive.
Journal of Research in Personality, 2004.
5. Emma Moore ve ark.
Can Musical Training Influence Brain Connectivity? Evidence from Diffusion Tensor MRI.
Brain Sci, 2014.
6. Helga Noice ve ark.
A Short-Term Intervention to Enhance Cognitive and Affective Functioning in Older Adults.
Journal of Aging and Health, 2004.
7. Petrie KJ, Fontanilla I, Thomas MG, Booth RJ, Pennebaker JW.
Effect of written emotional expression on immune function in patients with human immunodeficiency virus infection: a randomized trial.
Psychosom Med, 2004.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.