შორსწასული BRAF V600 მუტაციური მელანომისთვის atezolizumab იმუნოთერაპიამ FDA-ს დამტკიცება მიიღო

BRAF V600 მუტაციის დადებითი, ოპერაციით მოუცილებელი ან მეტასტაზების მქონე მელანომის მქონე პაციენტებისთვის კობიმეტინიბსა და ვემურაფენიბთან ერთად atezolizumab (Tecentriq) სახელწოდების იმუნოთერაპია30 ივლისს 2020 წელს აშშ-ის სურსათისა და წამლების ადმინისტრაციამ (FDA) დაამტკიცა. ეს BRAF ინჰიბიტორებისა და იმუნოთერაპიის პირველი დამტკიცებული კომბინაციაა.
IMspire150 კლინიკური კვლევა
კობიმეტინიბის, ვემურაფენიბისა და atezolizumab-ის ეფექტი ორმაგად ბრმა, რანდომიზებულ (1:1), პლაცებოკონტროლირებად მრავალცენტრულ IMspire150-ში 514 პაციენტში შეაფასეს. 28-დღიანი პირველი ორი წამლის ციკლის შემდეგ დღეში ერთხელ 60 mg კობიმეტინიბი, ორჯერ 720 mg ვემურაფენიბი პერორალურად და ყოველ 2 კვირაში 840 mg atezolizumab ინფუზიით ან პლაცებო მისცეს. პლაცებოს ჯგუფში კომიმეტინიბი ერთხელ 60 mg (21 დღე, 7 დღე შესვენება) და ვემურაფენიბი 960 დღეში 2-ჯერ იყო.
ეფექტიანობის მთავარი მაჩვენებელი პროგრესირების გარეშე გადარჩენა (PFS) იყო.
მედიანური PFS atezolizumab-ის ჯგუფში 15.1 თვე და პლაცებოს ჯგუფში 10 თვე იყო. იმუნოთერაპიამ პროგრესირების რისკი %22-ით შეამცირა.
მელანომის პაციენტებში კობიმეტინიბ-ვემურაფენიბთან კომბინირებული atezolizumab-ის ყველაზე ხშირი (%20) გვერდითი ეფექტები გამონაყარი, კუნთ-სახსროვანი ტკივილი, გულისრევა, დაღლილობა, ღვიძლის დაზიანება, პირექსია (ცხელება), გულისრევა, შეშუპება, სტომატიტი (პირის წყლული), ჰიპოთირეოზი (ფარისებრი ჯირკვლის ფუნქციის დარღვევა) და ფოტომგრძნობელობა (მზისადმი ჭარბი მგრძნობელობა) იყო.
კობიმეტინიბისა და ვემურაფენიბის 28-დღიანი ციკლის შემდეგ atezolizumab-ის რეკომენდებული დოზაარის ყოველ 2 კვირაში 840 mg. ამავდროულად პერორალურად დღეში ერთხელ 60 mg კობიმეტინიბი (21 დღე და 7 დღე შესვენება) და დღეში ორჯერ 720 mg ვემურაფენიბი მიიღება.
*
წყაროები
fda.gov - 30 July 2020
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.