სპეციალური იმუნოთერაპიით ეფექტიანი შედეგები რეციდივული და მეტასტაზური საშვილოსნოს ყელის კიბოს მკურნალობაში

რეციდივული, მეტასტაზური (4-ე სტადიის) ან მკურნალობისადმი რეზისტენტული საშვილოსნოს ყელის კიბოს მქონე პაციენტებისთვის ეფექტიანი მკურნალობების სერიოზული და დაუკმაყოფილებელი საჭიროება არსებობს — რადგან პაციენტების უმრავლესობა ახალგაზრდაა და ამ სტადიის საშვილოსნოს ყელის კიბოში გადარჩენის მაჩვენებლები დაბალია. სიმსივნეში შეღწეულ ლიმფოციტებს (TIL) გამომყენებელმა ადოპტიურმა უჯრედულმა გადატანამ რეციდივული საშვილოსნოს ყელის კიბოს მქონე ზოგ პაციენტში მნიშვნელოვანი და მდგრადი პასუხები აჩვენა. ამ მკურნალობის შემსწავლელი ფაზა 2 კლინიკური კვლევის, innovaTIL-04მონაცემები Jazaeri-მ და კოლეგებმა 2019 წლის ASCO კონგრესზეწარადგინეს.
innovaTIL-04 კვლევის დიზაინი
ეს ჯერ მიმდინარე, ღია, მრავალცენტრული კლინიკური კვლევა ადრე ქიმიოთერაპიის სულ მცირე ერთი ხაზით ნამკურნალებ საშვილოსნოს ყელის კიბოს მქონე პაციენტებში LN-145 TIL მკურნალობის უსაფრთხოებასა და ეფექტიანობას აფასებს. ამ კვლევისთვის პაციენტებს ადრე იმუნური საკონტროლო წერტილის ინჰიბიტორის კლასის იმუნოთერაპია მიღებული არ უნდა ჰქონდეთ.
კვლევის პირველადი საბოლოო წერტილი ობიექტური პასუხის მაჩვენებლად განისაზღვრა. მეორეული საბოლოო წერტილები მოიცავს პასუხის ხანგრძლივობას, დაავადების კონტროლის მაჩვენებელსა და უსაფრთხოებას. პაციენტთა საავადმყოფოებში ქირურგიულად შეგროვებული სიმსივნეები 22-დღიანი წარმოების პროცესისთვის TIL საწარმოო ცენტრში გაიგზავნა. საბოლოო უჯრედული იმუნოთერაპიის პროდუქტი LN-145 TIL იყინება და პაციენტების ცენტრებში იგზავნება. უჯრედული იმუნოთერაპიის მკურნალობამდე 1 კვირით ადრე პაციენტებს ციკლოფოსფამიდისა და ფლუდარაბინის ქიმიოთერაპიებით ლიმფოდეპლეცია ჩაუტარდათ, რათა ძვლის ტვინი მსუბუქად დათრგუნულიყო და ახალი T ლიმფოციტებისთვის ადგილი გათავისუფლებულიყო. ძირითად იმუნოთერაპიად პაციენტებს LN-145 TIL უჯრედული იმუნოთერაპიის ერთჯერადი ინფუზია, შემდეგ კი 6 დოზა ინტერლეიკინ-2 (IL-2) მიეცათ.
2019 წლის თებერვლისთვის 27 პაციენტს 2-ე თაობის TIL მკურნალობა მიეცა, მათი საშუალო ასაკი 47 წელი იყო და მანამდე საშუალოდ 2.6 ხაზის მკურნალობა ჰქონდათ მიღებული.
შედეგები
- 14 მაისისთვის, 2019 წელს, 27 პაციენტმა ობიექტური პასუხის % 44 მაჩვენებელი აჩვენა (3 სრული და 9 ნაწილობრივი პასუხი) და კიბოს კონტროლის მაჩვენებელი % 85 იყო.
- საშუალოდ 7.4-თვიანი დაკვირვებისას 10 პაციენტი კვლავ პასუხობდა მკურნალობას და დაავადების კონტროლის მედიანურ მაჩვენებელს ჯერ ვერ მიაღწიეს.
- გვერდითი ეფექტების უმრავლესობა კიბოს გვიან სტადიას, ლიმფოდეპლეციასა და IL-2 გამოყენებას უკავშირდებოდა.
მკვლევრებმა, „LN-145-მა ადრე ნამკურნალებ საშვილოსნოს ყელის კიბოს მქონე პაციენტებში მისაღები უსაფრთხოებისა და ეფექტიანობის პროფილით ობიექტური პასუხის % 44 მაჩვენებელი გამოიწვია. LN-145 პაციენტებს მკურნალობის განხორციელებად არჩევანს სთავაზობს, რაც შემდგომ კვლევას ამართლებს.“ თქვეს.
კომენტარი
ASCO 2019 კონგრესზე წარდგენილი უჯრედული იმუნოთერაპიის ეს კვლევა საშვილოსნოს ყელის კიბოსა და, შესაძლოა, სხვა სოლიდური (ორგანული, მყარი) სიმსივნეების მკურნალობისთვის იმედისმომცემი, საინტერესო ახალი ტექნოლოგიაა. სიმსივნეში შეღწეული ლიმფოციტები (TIL) მრავალი ტიპის სიმსივნეში გვხვდება და შესაძლოა დაავადების დადებით მიმდინარეობას უკავშირდებოდეს; რადგან, სავარაუდოდ, ცხელ ან იმუნოთერაპიაზე შესაძლო პასუხის მქონე ანთებით სიმსივნეებს აღნიშნავს. როგორც აქ გაკეთდა, სიმსივნის მიკროგარემოში TIL-ის მქონე პაციენტებისთვის TIL-ების შეგროვება, გამრავლება და პაციენტისთვის ხელახლა შეყვანა ერთ-ერთ ეფექტიან სტრატეგიად ჩანს, რომელმაც იმუნური სისტემის კიბოსადმი სიბრმავე შეიძლება გადალახოს.
*
ქვემოთ შეგიძლიათ იხილოთ კიბოში გამოყენებული იმუნოთერაპიის ტიპები:

წყაროები
Safety and efficacy of adoptive cell transfer using autologous tumor infiltrating lymphocytes (LN-145) for treatment of recurrent, metastatic, or persistent cervical carcinoma.
ASCO 2019 Presented Saturday, June 1, 2019
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.