Xüsusi immunoterapiya ilə təkrarlamış və metastatik serviks (uşaqlıq boynu) xərçəngində təsirli nəticələr

Təkrarlayan, metastatik (4-cü mərhələ) və ya müalicəyə davamlı serviks (uşaqlıq boynu) xərçəngi xəstələrində effektiv müalicəyə ciddi, qarşılanmamış ehtiyac var: əksəriyyət gəncdir və bu mərhələdə sağqalım aşağıdır. Şişə infiltrasiya edən limfositlərdən (TIL) istifadə edən adoptiv hüceyrə köçürülməsi bəzi təkrarlayan uşaqlıq boynu xərçənglərində güclü və davamlı cavab göstərdi. Bu müalicəni araşdıran faza 2 klinik tədqiqatın – innovaTIL-04– məlumatları Jazaeri və həmkarları tərəfindən 2019 ASCO Konqresindətəqdim edildi.
innovaTIL-04 tədqiqatının quruluşu
Davam edən açıq etiketli, çoxmərkəzli tədqiqat ən az bir xətt kimyaterapiya almış uşaqlıq boynu xərçəngi xəstələrində LN-145 TIL müalicəsinin təhlükəsizliyini və effektivliyini qiymətləndirir. Xəstələr əvvəllər immun nəzarət nöqtəsi inhibitoru sinfindən immunoterapiya almamış olmalıdır.
Əsas sonlanım obyektiv cavab göstəricisi idi. İkincili sonlanımlara cavab müddəti, xəstəliyə nəzarət və təhlükəsizlik daxil idi. Xəstəxanalarda cərrahi toplanan şişlər 22 günlük istehsal prosesi üçün TIL müəssisəsinə göndərildi. Son hüceyrəvi immunoterapiya məhsulu LN-145 TIL dondurularaq xəstələrin mərkəzlərinə göndərilir. Hüceyrəvi müalicədən 1 həftə əvvəl yüngül sümük iliyi basqısı və yeni T limfositlərə yer açmaq üçün siklofosfamid və fludarabinlə limfodeplesiya aparıldı. Əsas müalicə olaraq tək doza LN-145 TIL infuziyası, sonra 6 doza interleykin-2 (IL-2) verildi.
Fevral 2019-a qədər 27 xəstəyə 2-ci nəsil TIL verildi. Orta yaş 47 idi və əvvəllər orta 2.6 xətt müalicə almışdılar.
Nəticələr
- 14 may 2019-a görə 27 xəstədə obyektiv cavab % 44 idi (3 tam və 9 qismən cavab), xərçəngə nəzarət % 85 idi.
- Orta 7.4 aylıq izləmədə 10 xəstə cavab verməyə davam etdi; median xəstəliyə nəzarət göstəricisinə hələ çatılmamışdı.
- Yan təsirlərin çoxu irəli xərçəng, limfodeplesiya və IL-2 ilə bağlı idi.
Tədqiqatçılar, «LN-145 əvvəllər müalicə olunmuş uşaqlıq boynu xərçəngində qəbuledilən təhlükəsizlik və effektivlik profili ilə % 44 obyektiv cavab verdi. LN-145 əlavə araşdırmaya əsas verən, tətbiqi mümkün müalicə seçimi təklif edir», dedilər.
Şərh
ASCO 2019-da təqdim edilən hüceyrəvi immunoterapiya uşaqlıq boynu və ehtimalən digər solid (orqan, bərk) şişlərin müalicəsində ümidverən, həyəcanlı yeni texnologiyadır. Şişə infiltrasiya edən limfositlər (TIL) çox şiş növündə olur və ehtimalən yaxşı gedişlə əlaqəlidir; çünki yəqin ki, isti və ya immunoterapiyaya cavab verə biləcək iltihablı şişləri göstərirlər. Burada olduğu kimi, şiş mikromühitində TIL olanlarda onları toplamaq, çoxaltmaq və yenidən xəstəyə vermək immun sisteminin xərçəngə korluğunu aşa bilən təsirli strategiyalardan biri görünür.
*
Aşağıda xərçəngdə işlədilən immunoterapiya növləri görünür:

Mənbələr
Safety and efficacy of adoptive cell transfer using autologous tumor infiltrating lymphocytes (LN-145) for treatment of recurrent, metastatic, or persistent cervical carcinoma.
ASCO 2019 Presented Saturday, June 1, 2019
Bu məqalə sizə faydalı oldu?
Rəyiniz məzmunumuzu yaxşılaşdırmağa kömək edir.





Oxucu şərhləri
Şərhinizi paylaşın
Adınız və şərhiniz yalnız administrator təsdiqindən sonra dərc olunur. E-poçt ünvanınız ziyarətçilərə heç vaxt göstərilmir.
İlk şərhi siz yazın.