სპორტის სურვილი სულ მცირე ისეთივე მნიშვნელოვანია, როგორც თავად სპორტი

კვლევით სპორტისადმი დადებითად განწყობილები უარყოფითად და უხალისოდ განწყობილებზე მეტ, განსაკუთრებით ფსიქოლოგიურ სარგებელს იღებენ. ყველამ იცის, რომ სპორტი სასარგებლოა, მაგრამ ბევრს რთულად, მტკივნეულად ან უშედეგო შრომადაც ეჩვენება. მართლაც ასე მნიშვნელოვანია დადებითი დამოკიდებულება ფიზიკური და გონებრივი ჯანმრთელობისთვის?

Journal of Behavioral Medicine -ში ფსიქოლოგ Hendrik Mothes-ისა და გუნდის კვლევა გამოქვეყნდა. სპორტის დეპარტამენტთან ერთად ცდილობდნენ დაემტკიცებინათ, რომ აქტივობის მიმართ დადებითი დამოკიდებულებით დაწყება ნეიროფიზიოლოგიურ და ფსიქოლოგიურ სარგებელს იძლევა.

18-დან 32 წლამდე სულ 76 ქალი და მამაკაცი 30-წუთიან ველოვარჯიშში ჩაერთო. ნახევარმა წინასწარ სარგებლის, მეორემ კი სარგებლის არქონის მოკლე ფილმი ნახა. მანამდე ფიზიკური აქტივობის სარგებლობის რწმენაც ჰკითხეს. წინ და შემდეგ ფიზიკურ და ფსიქოლოგიურ მდგომარეობაზე კითხვარი შეავსეს; ბოლოს სპეციალისტმა EEG-ით, ტვინის ძირითადი ბიოელექტრული აქტივობის კვლევით, ტვინის მოქმედება გაზომა.

შედეგი

სარგებლის მორწმუნეებმა მეტად ისიამოვნეს, განწყობა გაუუმჯობესდათ და შფოთვა შეუმცირდათ. ტვინის გაზომვამ ნეიროფიზიოლოგიური განსხვავებაც აჩვენა: მაღალი მოლოდინისა და სასარგებლო ფილმის მნახველებში ნერვულ დონეზე მეტი მოდუნება იყო.

დადებითი ჩვევის ან ჯანსაღი ცხოვრების დაწყება და გაგრძელება შეიძლება ადვილი არ იყოს; ჯანსაღი ცხოვრების , კვების და ვარჯიშის სტატიებით თქვენი სურვილის გაზრდას ვიმედოვნებთ. სპორტი, სწორი კვება და დადებითი ჩვევების სოციალური გარემო ცხოვრების სიამოვნებასა და ფიზიკურ-სულიერ ჯანმრთელობას მნიშვნელოვან სარგებელს მისცემს.