İdman etməyə İSTƏKLİ OLMAQ ən azı idman etmək qədər vacibdir

Bir tədqiqata görə, idmana müsbət münasibət bəsləyənlər mənfi münasibətli və istəksiz olanlarla müqayisədə xüsusilə psixoloji baxımdan daha çox faydalanırlar. Bəli, idmanın faydalı olduğunu hər kəs bilir. Lakin bir çox insan bunu çətin və ağrılı hesab edir, hətta bəzən boş yerə avar çəkmək kimi görənlər olur. Bəs fiziki və zehni sağlamlığımız üçün idmana həqiqətən müsbət münasibət bəsləmək bu qədər vacibdirmi?

Journal of Behavioral Medicine jurnalında psixoloq Hendrik Mothes və komandasının tədqiqatı dərc olundu. İdman elmləri şöbəsi ilə birlikdə aparılan bu tədqiqatda bunu sübut etməyə çalışdılar: ediləcək fəaliyyətə müsbət münasibətlə idmana başlayan şəxslər neyrofizioloji və psixoloji baxımdan fayda görürlər.

Tədqiqata 18 ilə 32 yaş arasında ümumilikdə 76 qadın və kişi 30 dəqiqə velosiped sürmək üçün qatıldı. İdmandan əvvəl velosiped sürməyin sağlamlığa faydalarını izah edən və sağlamlıq baxımından müsbət təsiri olmadığını izah edən iki müxtəlif qısametrajlı filmdən biri qrupun yarısına, digəri isə qrupun digər yarısına göstərildi. Həmçinin tədqiqatdan dərhal əvvəl şəxslərdən fiziki fəaliyyətin faydalı olduğuna inanıb-inanmadıqları soruşuldu. Tədqiqatdan əvvəl və sonra iştirakçıların fiziki və psixoloji vəziyyətləri haqqında sorğu aparıldı. Son olaraq isə tədqiqatçı mütəxəssis iştirakçıların beyin fəaliyyətini EEG (beynin əsas bioelektrik fəaliyyətinin öyrənilməsi) ilə ölçdü.

Nəticə

Məşqdən əvvəl velosiped məşqinin özləri üçün faydalı olduğunu düşünənlər daha çox əyləndilər, əhvalları yaxşılaşdı və narahatlıqları azaldı. Tədqiqat həmçinin beyin fəaliyyətinin ölçülməsinə əsasən iştirakçılar arasındakı neyrofizioloji fərqləri üzə çıxardı; idmandan gözləntiləri yüksək olan və velosiped sürməyin sağlamlığa faydaları haqqında qısametrajlı filmə baxan iştirakçıların neyron səviyyəsində daha çox rahatladıqları və boşaldıqları müəyyənləşdi.

Müsbət vərdişə və ya sağlam həyat tərzinə başlamaq və onu davam etdirmək asan olmaya bilər; sağlam həyat , qidalanma və məşq yazılarımızla bu mövzuda istəyinizin artmasını ümid edirik. İdman, düzgün qidalanma və müsbət vərdişlərə sahib sosial mühit həm həyatdan daha çox zövq almağınıza, həm də bədən və ruh sağlamlığınıza ciddi töhfə verəcək.