ტელეწამყვანმა, რომელიც ამტკიცებდა, რომ უარყოფითი ფიქრები კიბოს იწვევს, ბოდიში მოიხადა

ტელეწამყვანმა ნოელ ედმონდსმა ბოდიში მოუხადა კიბოს მქონე პაციენტს, რომელსაც უთხრა, რომ კიბო შესაძლოა “უარყოფითი დამოკიდებულების” გამო განუვითარდა.

პაციენტმა ვონ ნორმანმა ეჭვქვეშ დააყენა ედმონდსის მტკიცება, რომ ელექტრომაგნიტური ველების გამომყენებელ მოწყობილობას სხვადასხვა დაავადების მკურნალობა შეუძლია. პასუხად ედმონდსმა ასეთი ტვიტი დაწერა: "დაავადებები უარყოფითი ენერგიისგან წარმოიქმნება. შესაძლებელია, თქვენი დაავადება თქვენი უარყოფითი დამოკიდებულებიდან მოდიოდეს?"

ნორმანმა თქვა, რომ ამ განცხადებამ ძალიან გააბრაზა და ედმონდსზე საჩივარი შეიტანა.

თავდაპირველად ედმონდსმა დაიცვა BBC-ის Victoria Derbyshire Show-ში ივნისში 2016-ში გაკეთებული განცხადებები. თუმცა მოგვიანებით BBC-ის ადგილობრივ რადიოსადგურში ბოდიში მოიხადა “ნებისმიერი გამოწვეული წყენისთვის”.

"ადამიანების სიცოცხლეს მსუბუქად ნუ უყურებ"

განცხადებაში ედმონდსმა თქვა, რომ მისი კითხვა “კეთილგანწყობილი და ცნობისმოყვარეობის აღძვრის მიზნით” იყო დასმული. თქვა, რომ ახლა ბოდიში მოიხადა და “სანაცვლოდ ნორმანს შეუძლია იმდენად თავაზიანი იყოს, რომ ჩემზე გამოთქმული - თითქოს კიბოთი რაღაცნაირად სარგებელს ვიღებ - ბრალდება უკან წაიღოს." თქვა.

Twitter-ზე ამ დიალოგზე საუბრისას ბატონმა ნორმანმა განაცხადა, რომ ედმონდსი "მებრძოლი ადამიანების სიცოცხლეს მსუბუქად უყურებს”.

ნორმანმა, “კიბოს მხოლოდ ძალიან განათლებული, გამოცდილი მედიკოსებითა და საკუთარი დიდი ძალისხმევით დავაღწიე თავი - კიბოს ქონა ძალიან რთულია.” თქვა.

ამ შემთხვევით გვინდოდა შეგვეხსენებინა, რომ მედიას სამედიცინო მდგომარეობების, განსაკუთრებით კიბოს გაშუქებისას სერიოზული პასუხისმგებლობა აქვს. როდესაც ბეჭდურ ან ვიზუალურ მედიაში ისეთ წინადადებებს, როგორიცაა “კიბო დაავადება არ არის”, “ქიმიოთერაპია კლავს”, “… მცენარის სასწაულმა კიბო დაასრულა” საზოგადოებრივი გზავნილის მნიშვნელობა ენიჭება, უნდა დაისვას კითხვა მათი მეცნიერული საფუძვლის შესახებ. მეცნიერული მტკიცებულების არმქონე და საზოგადოების აღშფოთების გამომწვევი ეს მტკიცებები განვითარებულ ქვეყნებში სერიოზულად მოწმდება და საჭიროებისას შესაბამის პირებს ბოდიშის მოხდა უწევთ. იმედი გვაქვს, მედიის სოციალური პასუხისმგებლობის ეს შესანიშნავი მაგალითი ჩვენს ქვეყანაშიც ჰპოვებს გამოძახილს.

დაკავშირებული თემები

• მიუხედავად იმისა, რომ კიბო სტრესს იწვევს, სტრესი კიბოს არ იწვევს!
• კიბოს შესახებ ცნობილი 10 მცდარი წარმოდგენა და სიმართლე
• სტრესის გავლენა ჯანმრთელობაზე – სტრესთან გამკლავების გზები