Mənfi düşüncələrin xərçəng yaratdığını iddia edən televiziya aparıcısı üzr istədi

Televiziya aparıcısı Noel Edmonds “mənfi münasibəti” səbəbindən xərçəngə tutulmuş ola biləcəyini irəli sürdüyü xərçəng xəstəsindən üzr istədi.

Vaun Norman adlı xəstə Edmondsun elektromaqnit sahələrdən istifadə edən cihazın müxtəlif xəstəlikləri müalicə edə biləcəyi iddiasını sorğulamışdı. Bunun ardınca Edmonds cavab olaraq bu tviti yazmışdı: "Xəstəliklər mənfi enerjidən yaranır. Xəstəliyinizin mənfi münasibətinizdən yaranması mümkündürmü?"

Norman bu ifadənin onu çox əsəbiləşdirdiyini söylədi və Edmondsdan şikayətçi oldu.

Edmonds əvvəlcə İyun 2016 tarixində BBC-nin Victoria Derbyshire Show proqramındakı açıqlamalarını müdafiə etdi. Lakin sonra BBC-nin yerli radio stansiyasında “səbəb olduğu hər hansı kədər” üçün üzr istədi.

"İnsanların həyatlarını kiçik görmə"

Edmonds açıqlamasında sualının “xoş niyyətli və marağını oyatmaq məqsədli” olduğunu söylədi. Artıq üzr istədiyini və “Bunun qarşılığında Norman haqqımda etdiyi – bir şəkildə xərçəngdən qazanc əldə etdiyim – ittihamını geri götürəcək qədər nəzakətli ola bilər." dedi.

Twitterdəki bu dialoq barədə danışan cənab Norman Edmondsun "mübarizə aparan insanların həyatlarını kiçik gördüyünü” bildirdi.

Norman “Xərçəngdən yalnız çox yaxşı təhsil almış, çox təcrübəli tibbi şəxslərlə və öz böyük səylərimlə qurtuldum – xərçəng olmaq çox çətindir.” dedi.

Bu hadisə vasitəsilə mətbuatın başda xərçəng olmaqla tibbi vəziyyətlərdən danışarkən ciddi məsuliyyət daşıdığını xatırlatmaq istədik. “Xərçəng xəstəlik deyil”, “Kimyaterapiya öldürür”, “… bitkisinin möcüzəsi xərçəngi bitirdi” kimi cümlələr yazılı və ya vizual mediada ictimai mesaj kimi verilmək istəndikdə elmi əsası soruşulmalıdır. Elmi sübutu olmayan və cəmiyyətdə hiddət yarada bilən bu iddialar inkişaf etmiş ölkələrdə ciddi sorğulanır və lazım gəlsə, onları deyənlər üzr istəməli olurlar. Mətbuatın ictimai məsuliyyətinə çox yaxşı nümunə olan bu hadisənin ölkəmizdə də qarşılıq tapacağına ümid edirik.

ƏLAQƏLİ MÖVZULAR

• Xərçəng stress yaratsa da, stress xərçəng yaratmır!
• Xərçəng barədə bilinən 10 yanlış və doğruları
• Stressin sağlamlığa təsirləri – Stressin öhdəsindən gəlmə yolları