ტვინის იმუნიტეტსა და ღამით ალკოჰოლის სურვილს შორის კავშირი იპოვეს

ადელაიდის უნივერსიტეტის მკვლევრებმა ტვინის იმუნიტეტსა და ალკოჰოლის სურვილს შორის კავშირი აღმოაჩინეს. Brain, Behavior, and Immunity -ში გამოქვეყნებული ეს ერთ-ერთი პირველი კვლევაა ღამის სურვილისა და იმუნიტეტის კავშირზე.

ლაბორატორიულ თაგვებზე ჩატარებულ კვლევაში მკვლევრებმა ტვინის იმუნური სისტემის კონკრეტული პასუხის დამბლოკავი წამლის მიცემით ალკოჰოლის მიღების სურვილის შეჩერება შეძლეს.

ეს მსოფლიოში ყველაზე მოხმარებული დამოკიდებულების გამომწვევის მიღების ბიოლოგიური მექანიზმის გასაგებად მნიშვნელოვანია.

სიბნელეში სურვილი მეტია

ცირკადული რიტმი ტვინის ჯილდოსა და იმუნურ სისტემაზე მოქმედებს. ჯილდოს ქცევა და იმუნური პასუხი სიბნელეში აქტიურია. საერთო ელემენტია Toll-like რეცეპტორი 4 (TLR4)!

Toll-like რეცეპტორი 4 მემბრანის ცილაა, TLR4 გენით კოდირებული. ამ ცილოვანი რეცეპტორის მთავარი საქმეა მავნე მიკრობის ამოცნობა, იმუნიტეტის გააქტიურება და ანთების დაწყება. ასევე ცნობილია წითელი და მწვანე რეცეპტით გაყიდული ოპიოიდური ტკივილგამაყუჩებლების, მაგალითად მორფინის, ეფექტსა და ტოლერანტობაში როლი. ამიტომ ზედოზირებისას TLR4-ის დამბლოკავ ანტაგონისტებს იყენებენ. მაგალითია naloxone, ვენური TLR4 ბლოკატორი. მსგავსი naltrexone-ის ტაბლეტი Ethylex ალკოჰოლისა და ნივთიერებებზე დამოკიდებულებაში გამოიყენება.

საინტერესოა TLR4-ის სიამოვნებასა და იმუნიტეტთან კავშირი. შეიძლება განვმარტოთ: ზედმეტი სტიმულაცია ქრონიკულ ანთებასა და პრობლემებს, მცირე სტიმულაცია კი იმუნურ სისუსტეს, მაგალითად ზოსტერს, იწვევდეს.

კვლევაში ტვინის იმუნიტეტის როლისა და ჯილდოს მექანიზმის გასათიშად სხვა TLR4 ანტაგონისტი გამოიყენეს: “(+) - Naltrekson”

პირველად იმუნიტეტსა და ღამის მოტივაციას შორის კავშირი იპოვეს. (+)-Naltrexone-ის შემდეგ თაგვების სმა განსაკუთრებით ღამით მნიშვნელოვნად შემცირდა. ანუ ტვინის იმუნიტეტის ნაწილის დაბლოკვა საღამოს მოტივაციას ამცირებდა. ეს დამოკიდებულების პრევენციისა და ჯანმრთელობისთვის იმედისმომცემია.

შეიძლება დაგაინტერესოთ:

• ალკოჰოლის ზიანსა და სარგებელს შორის ნატიფი ბალანსი