ალკოჰოლის ზიანსა და სარგებელს შორის ფაქიზი წონასწორობა

14 აგვისტოს American Collage of Cardiology-ში გამოქვეყნებულ ახალ კვლევაში ხაზგასმულია, რომ მცირე რაოდენობით ალკოჰოლის მიღება სიკვდილის რისკს ამცირებს, ხოლო დიდი რაოდენობით მიღება, პირიქით, ზრდის.

ამერიკაში 1997-2009 წლებში ჩატარებულ კვლევაში, რომელშიც 333 ათასი ადამიანი მონაწილეობდა, შეისწავლეს ალკოჰოლის მოხმარებისა და სიკვდილის რისკის კავშირი. მონაწილეთა მოხმარების სტატუსსა და ფორმას 6 კატეგორიად აკვირდებოდნენ. პირველი 3 კატეგორია მოიცავდა არასდროს მსმელებს, პერიოდულად მსმელებსა და ყოფილ მსმელებს. დანარჩენი 3 კატეგორია აქტიური მომხმარებლებისგან შედგებოდა და მათ მიღებული ალკოჰოლის სტანდარტული რაოდენობის მიხედვით ადარებდნენ. შესაბამისად, კვირაში 3-ზე ნაკლები სასმელის მომხმარებლები „ცოტას მსმელებად“, კვირაში 3-14 სასმელის მომხმარებელი მამაკაცები და კვირაში 7-ზე ნაკლების მომხმარებელი ქალები „ზომიერად მსმელებად“, ხოლო კვირაში 14-ზე მეტის მომხმარებელი მამაკაცები და 7-ზე მეტის მომხმარებელი ქალები „დიდი რაოდენობით მსმელებად“ დაყვეს.

მკვლევრებმა დიდი რაოდენობით მსმელ მამაკაცებში ყველა მიზეზით სიკვდილის რისკის %25 ზრდა და კიბოთი სიკვდილის რისკის %67 ზრდა დაადგინეს. ქალებში ეს ზრდა არ გამოვლინდა.

ზომიერად მსმელ მამაკაცებსა და ქალებში ყველა მიზეზით სიკვდილის რისკი შესაბამისად %13 და %25-ით, ხოლო გულ-სისხლძარღვთა დაავადებით სიკვდილის რისკი %21 და % 34-ით შემცირდა. მცირე რაოდენობით მოხმარებისას ორივე სქესში მსგავსი შედეგი გამოვლინდა. ძალიან ახალგაზრდებში ზომიერი სმის ჯანმრთელობის სარგებელი არ დაფიქსირდა.

ხანდაზმულებში შედეგი ასე განმარტეს: „მცირე რაოდენობით სმამ“ შეიძლება გულ-სისხლძარღვთა დაავადების რისკი შეამციროს და სარგებელი კიბოთი სიკვდილის რისკთან შედარებით მეტი იყოს.

ჯანსაღ ცხოვრებაში ალკოჰოლის მოხმარების შემცირებას ისეთი ადგილი უჭირავს, რომლის გარეშეც შეიძლება ცხოვრება. მართალია, ამ კვლევამ ნათლად ვერ აჩვენა, მაგრამ უფრო ადრეულმა კვლევამ, მაგალითად, აჩვენა, რომ ქალებში მცირე რაოდენობით ალკოჰოლის მიღებაც კი ძუძუს კიბოს რისკს ზრდის. კიბოს დიაგნოზის მქონე ჩვენი პაციენტებიც გვეკითხებიან, რამდენი ალკოჰოლის მიღება შეუძლიათ მკურნალობის დასრულების შემდეგ. ჩვენი პასუხია: „კვირაში მაქსიმუმ 1 ჭიქა ალკოჰოლი შეგიძლიათ მიიღოთ, თუმცა საერთოდ არმიღება უკეთესია“ . ჯანსაღი ცხოვრებისთვის მოწევისგან თავის შეკავება, ვარჯიში, ჯანსაღი კვება და, თუ შესაძლებელია, ალკოჰოლის არმიღება იდეალურია. თუმცა მომხმარებლებმა მცირე ან ზომიერი რაოდენობა უნდა მიიღონ და დიდი რაოდენობით სმას მოერიდონ.