Alkoqolun zərərləri və faydaları arasındakı həssas tarazlıq

14 avqustda American Collage of Cardiologydə dərc edilən yeni tədqiqatda az miqdarda qəbul edilən alkoqolun ölüm riskini azaltdığı, əksinə, yüksək miqdarda qəbul edilən alkoqolun isə ölüm riskini artırdığı vurğulandı.

Amerikada 1997-2009-cu illər arasında aparılan və 333 min insanın iştirak etdiyi tədqiqatda alkoqol qəbulu ilə ölüm riski arasındakı əlaqə araşdırılmışdır. Tədqiqat iştirakçılarının alkoqol qəbulu vəziyyəti və istifadə formaları 6 müxtəlif kateqoriyada izlənmişdir. İlk 3 kateqoriya ömründə heç içməyən, arabir içən və əvvəllər içmiş insanlardan yaradılmışdır. Digər 3 kateqoriya da hazırda içki içənlərdən yaradılmış və içdikləri standart miqdarda alkoqol qəbuluna görə müqayisə edilmişdir. Buna əsasən, digər qrupda həftədə 3-dən az içənlər “az içənlər”; həftədə 3-14 arası içən kişilər və həftədə 7-dən az içən qadınlar “mötədil içənlər”; həftədə 14-dən çox içən kişilər və 7-dən çox içən qadınlar isə “çox içənlər” kimi kateqoriyalara ayrılmışdır.

Tədqiqatçılar çox içki içən kişilərdə bütün səbəblərdən həyat itkisi riskinin %25, xərçəngə bağlı həyat itkisi riskinin isə %67 artdığını müəyyən etmişlər. Lakin qadınlarda bu artım müşahidə edilməmişdir.

Mötədil (orta) dərəcədə içki içən kişilərdə və qadınlarda bütün səbəblərdən həyat itkisi riski müvafiq olaraq %13 və %25; ürək-damar xəstəliklərindən həyat itkisi riski isə %21 və %34 azalmışdır. Hər iki cinsdə az miqdarda içki qəbulu üçün oxşar nəticələr müşahidə edilmişdir. Çox gənc insanlarda mötədil içməyin sağlamlıq baxımından faydaları müşahidə edilməmişdir.

Yaşlı insanlarda isə “az miqdarda içməyin” ürək-damar xəstəliyi riskini azaltdığı və xərçəngə bağlı həyat itkisi ilə müqayisədə faydasının daha çox ola biləcəyi kimi şərh edilmişdir.

Alkoqol istifadəsinin azaldılması sağlam həyat çərçivəsində onsuz da olar deyə biləcəyimiz mövqedədir. Bu tədqiqatda aydın şəkildə ortaya qoyulmasa da, daha əvvəlki bir tədqiqatda, məsələn, hətta az alkoqol qəbulunun belə qadınlarda süd vəzi xərçəngi riskini artırdığı göstərilmişdir. Xərçəng diaqnozu qoyulan xəstələrimiz də müalicənin sonunda nə qədər alkoqol qəbul edə bilərəm şəklində suallar verirlər. Buna cavabımız “həftədə ən çox 1 qədəh alkoqol qəbul edə bilərsiniz, lakin heç qəbul etməmək daha yaxşıdır” şəklindədir. Sağlam həyat üçün siqaret çəkməmək, idman etmək, sağlam qidalanmaq və mümkünsə alkoqol qəbul etməmək ən idealıdır. Lakin alkoqol qəbul edənlər də az və orta miqdarda qəbul etməli, yüksək miqdarda alkoqol qəbulundan çəkinməlidirlər.