ზრდის თუ არა მოწევა ძუძუს კიბოს რისკს?

ამერიკის კიბოს საზოგადოების მიერსაზოგადოებისთვის გაზიარებულმა ახალმა კვლევამ დაადგინა, რომ ახალგაზრდა ასაკში მწეველ ქალებს შორის ძუძუს კიბოს ზოგიერთი გავრცელებული ტიპით დაავადების რისკი გაზრდილია.

ჩვენს ქვეყანაში ძუძუს კიბო, რომელიც ქალებში კიბოს ყველაზე გავრცელებული სახეობაა, ქალებზე როგორც ფიზიკურად, ისე ფსიქოლოგიურად მოქმედებს. ძუძუს კიბო განკურნებადი დაავადებაა, თუ ის ადრეულ ეტაპზე გამოვლინდა. ძუძუს კიბო ძირითადად ოთხ სხვადასხვა ქვეტიპად იყოფა. დაავადების გავრცელების ხარისხი (სტადია) და მისი ქვეტიპები ის უმნიშვნელოვანესი ფაქტორებია, რომლებიც მომავალში რეციდივის რისკსა და მკურნალობის ვარიანტებს განსაზღვრავს.

როგორც ცნობილია, მოწევა მრავალი სახეობის კიბოს, პირველ რიგში კი ფილტვის კიბოს, რისკ-ფაქტორად ითვლება. დღემდე ჩატარებული მრავალი კვლევის მონაცემები, რომლებიც მოწევასა და ძუძუს კიბოს შორის კავშირს იკვლევდა, ურთიერთსაწინააღმდეგო აღმოჩნდა. ამერიკის კიბოს საზოგადოების მიერ საზოგადოებისთვის გაზიარებულმა ახალმა კვლევამ დაადგინა, რომ ახალგაზრდა ასაკში მწეველ ქალებს შორის ძუძუს კიბოს ზოგიერთი გავრცელებული ტიპით დაავადების რისკი გაზრდილია, რაც მეცნიერულად პირველი ასეთი შედეგია. მკვლევართა მიერ ჩატარებული კვლევისას დადგინდა, რომ 20-დან -44 წლამდე ასაკის ქალებში, რომლებიც მინიმუმ 10 წლის განმავლობაში დღეში ერთ კოლოფ სიგარეტს ეწეოდნენ, ქალის ჰორმონის (ესტროგენის) რეცეპტორის მქონე, ანუ ქალის ჰორმონის მიმართ მგრძნობიარე ტიპის ძუძუს კიბოს განვითარების სიხშირე, ნაკლებად მწეველ ქალებთან შედარებით, %60-ით მეტი იყო. მწეველ ქალებში უფრო იშვიათი და აგრესიული სამმაგად უარყოფითი ძუძუს კიბოს განვითარების რისკი კი ნაკლები აღმოჩნდა. ამ მონაცემების მიხედვით, ძუძუს კიბო მოწევის მიერ ჩვენი ჯანმრთელობისთვის მიყენებულ კიდევ ერთ ზიანად გვევლინება.

ამ მიმართულებით ჩატარებულ კვლევაში გაანალიზდა იმ ახალგაზრდა ქალთა მონაცემები, რომლებსაც ძუძუს კიბოს დიაგნოზი 2004-დან -2010 წლამდე პერიოდში დაუსვეს. დადგინდა, რომ ამ ქალთაგან 778-ს შორსწასული ER-დადებითი (ესტროგენის რეცეპტორ-დადებითი) ძუძუს კიბო ჰქონდა, ხოლო 182-ს — შორსწასული სამმაგად უარყოფითი ძუძუს კიბო. ამ კვლევაში კიბოს არმქონე 938 ქალი საკონტროლო ჯგუფში მონაწილეობდა.

კვლევის შედეგების მიხედვით, ახალგაზრდა მწეველ ქალებში ძუძუს კიბოს ერთ-ერთი ტიპის განვითარების სიხშირე არასოდეს მწეველ ქალებთან შედარებით დაახლოებით %30-ით მეტი აღმოჩნდა. გარდა ამისა, ძუძუს კიბოს ყველა ტიპის ცალ-ცალკე შესწავლისას, სამმაგად უარყოფით ძუძუს კიბოსა და მოწევას შორის არანაირი კავშირი არ გამოვლენილა.

ქალებში, რომლებიც მინიმუმ 15 წელი ეწეოდნენ ან ამჟამად ეწევიან, ER-დადებითი ძუძუს კიბოს განვითარების სიხშირე დაახლოებით %50-ით მეტი აღმოჩნდა, ვიდრე უფრო ხანმოკლე პერიოდის განმავლობაში მწეველ ქალებში. ამასთან, იმ ქალებში, რომლებიც 10 წლის განმავლობაში დღეში სულ მცირე 1 კოლოფ სიგარეტს ეწეოდნენ (10 კოლოფ-წელი), ER-დადებითი ძუძუს კიბოს განვითარების სიხშირე ნაკლებად მწეველ ქალებთან შედარებით დაახლოებით %60-ით მეტი იყო.

მკვლევარებმა ესტროგენ-დადებითი ძუძუს კიბოს განვითარების უფრო მაღალი სიხშირე იმით ახსნეს, რომ სიგარეტში შემავალი ზოგიერთი ნივთიერება ესტროგენის მსგავსად მოქმედებს . სიგარეტი შეიცავს ადამიანის ჯანმრთელობაზე უარყოფითად მოქმედ მრავალ ქიმიურ ნივთიერებას. სწორედ ამიტომ შეისწავლეს მოწევის გავლენა ძუძუს კიბოს რისკზე. მიღებულმა შედეგებმა აჩვენა, რომ მოწევა შესაძლოა ER-დადებითი ძუძუს კიბოს განვითარების რისკ-ფაქტორი იყოს.

ძვირფასო მკითხველებო, ყოველთვის უნდა გვახსოვდეს, რომ მოწევა, რომელიც მნიშვნელოვან როლს ასრულებს სიცოცხლისთვის საშიში მრავალი სერიოზული დაავადების განვითარებაში, ადამიანის ჯანმრთელობისთვის საფრთხის შემცველი ერთ-ერთი უმნიშვნელოვანესი მიზეზია. უნდა იცოდეთ, რომ თქვენს ხელშია ამ მავნე ჩვევისგან გათავისუფლება, რომელიც ცრუ ბედნიერებას განიჭებთ, თუმცა ამავდროულად ზიანს აყენებს თქვენს ჯანმრთელობას. ამიტომ, უფრო ჯანსაღი, ბედნიერი და საყვარელ ადამიანებთან ერთად ხანგრძლივი ცხოვრების გასატარებლად, დაანებეთ თავი მოწევას.

დაკავშირებული თემები: 

- როგორ დავანებო თავი მოწევას?

- ძუძუს კიბოს სიმპტომები, სტადიები და მკურნალობა