Daratumumab

16 noyabr 2015 tarixində FDA-dan təsdiq alan Daratumumab (Darzalex®) əvvəllər proteazom (zülal parçalayan molekul) inhibitoru (əngəlləyici) və immunomodulyator (immun sistemini tənzimləyən) dərmanlar almış çoxsaylı miyelomalı xəstələrdə istifadə olunur. Daratumumab çoxsaylı miyeloma üçün təsdiq alan ilk monoklonal dərmandır. Qan hüceyrələri üzərində yerləşən CD38 adlı molekulun siqnal yaratma, toxumaya yapışma kimi bir çox funksiyası mövcuddur.

Daratumumab CD38-ə bağlanaraq onun işləməsinə mane olur və şiş hüceyrəsinin parçalanıb məhv edilməsini təmin edir. Ən çox görülən yan təsirləri inyeksiya zamanı bədənin verdiyi reaksiyalar, yorğunluq, ürəkbulanma, bel ağrısı, yüksək hərarət və öskürəkdir.