Eşitmə cihazları 1899 – Qulaq borularından müasir cihazlara

Eşitmə məhdudiyyəti olan şəxslərin eşitməsinə kömək etmək üçün səsləri gücləndirən cihazların tarixi qədim dövrlərə gedib çıxır. O vaxt insanlar səsləri gücləndirmək üçün qulağın yanına qoyulan içiboş heyvan buynuzlarından istifadə edirdilər. 

• İtalyan alim Giambattista della Porta 1558-ci il tarixli Natural Magick kitabında heyvan qulaqları formasındakı taxta eşitmə cihazlarını təsvir edir. 
• 1600-cü illərdən etibarən müxtəlif qıfşəkilli "qulaq boruları" səsi qulağa yönəltmək üçün istifadə olunurdu. 
• 1899-cu ildə amerikalı ixtiraçı Miller Hutchison karbon mikrofondan istifadə edərək bir neçə qulaqcıqdan ibarət ilk elektrik eşitmə cihazlarından birini hazırladı. 

1600-cü illərdə kiçik "qulaq borusu". Washington, D.C.-dəki Bolling Fielddə nəhəng ikibuynuzlu sistem (1921).

1900-cü illərdəki "faydalı" elektrik eşitmə cihazları səsin gücləndirilməsi üçün vakuum qurğusunun böyük olması səbəbindən əlverişsiz idi. 1950-ci illərdən etibarən tranzistorlar eşitmə cihazlarının daha kiçik və daha təkmil olmasına imkan verməklə yanaşı, səslərin emalı və ötürülməsində daha yüksək funksionallıq təmin etdi. Bəzi eşitmə cihazları hətta eynək çərçivələrinə yerləşdirilə bilirdi. 

Bu gün bir çox eşitmə cihazı üslubu var. Bunlara qulaq arxasına taxılan cihazlar da daxildir; bu növ cihazlarda korpus (gücləndirmə sistemi ilə birlikdə) qulaq seyvanının arxasında yerləşir və boru qulaq kanalına uzanır. Digər eşitmə cihazları isə tamamilə qulaq kanalının içində yerləşə bilər. Sümüyə bərkidilən eşitmə cihazları kəlləni və daxili qulağı titrədir.

Ümumiyyətlə, eşitmə cihazları səsi qəbul etmək (mikrofon), gücləndirmək və aydınlıq təmin etmək üçün istifadə olunan vasitələrdir. Müasir eşitmə cihazları olduqca təkmildir, səs-küyü azaltma dövrələri, proqramlaşdırılma və seçilə bilən rejimlər kimi xüsusiyyətlərə malik ola bilər. Eşitmə cihazlarında bir şəxslə ünsiyyət zamanı faydalı olan istiqamətli mikrofonlar da daxil olmaqla həm bütün istiqamətlərdən səs qəbul edən, həm də istiqamətli mikrofonlardan istifadə oluna bilər. 

Eşitmə cihazının içində çubuğa sarınmış kiçik tel olan “telecoil,” yerləşir. Bu, maqnit siqnallarını toplayan antena kimi işləyərək topladığı siqnalları səsə çevirir.

Yazıdakı şəklin izahı: 1940-cı ildə akustik yer təyinedicidən istifadə edən isveçli əsgərlərin fotosu. Belə cihazlar radar geniş yayılmamışdan əvvəl təyyarələrin yerini müəyyən etmək üçün istifadə olunurdu.

Yazıda adı çəkilən tarixi şəxslər: Giambattista della Porta (1535–1615), Thomas W. Graydon (1850–1900), Miller Reese Hutchison (1876–1944)

• Əvvəlki mövzu: Defibrilyator 1899 – Həyat qurtaran elektrik şoku
• Sonrakı mövzu: Psixoanaliz 1899 – Davranış pozuntuları olan insanları dinləmək