Psixoanaliz 1899 – Davranış anomaliyaları olan insanları dinləmək

Yazıçı Catherine Reefə görə, avstriyalı həkim Sigmund Freud "özündən əvvəl gələn hər kəsdən daha ətraflı şəkildə insan zehnini araşdırdı. Psixi pozuntuları müəyyənləşdirmək və müalicə etmək üçün yeni üsul olan psixoanalizə öncüllük etdi. Xəstələri ilə sadəcə danışdı və daha da əhəmiyyətlisi, onları dinlədi." 

Freud insan davranışlarını və duyğularını formalaşdırmaqda şüuraltı psixi proseslərin əhəmiyyətini vurğuladı və xəstələrini fantaziyalardan və ya yuxularından gələn təsvirlər haqqında "sərbəst əlaqələndirmə" etməyə təşviq etdi. Xəstələrinin sözlərinin gizli mesajları üzə çıxarmasını gözləyərkən Freud tez-tez özünü qədim şəhərlərdə qiymətli qalıqları ortaya çıxaran arxeoloq kimi hiss etdi. Məqsədi anormal qorxu və ya vəsvəsə kimi problemlərin ilkin əlamətlərinə səbəb olan şüuraltı ziddiyyətləri şərh edərək xəstələrə anlayış və həll yolları təmin etmək idi.

1899-cu ildə yayımlanan The Interpretation of Dreams ən mühüm əsəridir.

Freud tez-tez xəstələrin basdırılmış cinsi fantaziyalarının və erkən uşaqlıq təcrübələrinin sonrakı funksional pozuntularda mühüm rol oynadığını irəli sürdü. Ən məşhur psixoanalitik modelində zehni üç ayrı hissəyə ayırdı:

• İd, cinsi təminat kimi əsas meyillərlə bağlı zehin
• Supereqo, sosial olaraq qazanılmış nəzarət və əxlaq kodeksləri ilə bağlı zehin
• Eqo, id və supereqo arasındakı gərginliklə qərarlarımızı hərəkətə gətirən şüurlu zehin

Tez-tez mübahisəli olan fikirlərinin hansı hissəsinin həqiqətən doğru və ya faydalı qəbul ediləcəyini anlamaq hələ də çətin olsa da, psixologiya haqqında fikirləri yazıçı Michael Harta görə “(Freud) insan zehnini qavrayışımızda inqilab etdi." Davranış anomaliyaları olanları qınamaq və ya onlara istehza etmək əvəzinə Freud anlayış axtardı. 

Psixiatr Anthony Storr "Freudun uzun müddət narahatlıq keçirən insanları dinləmə texnikası – onlara əmr və ya məsləhət vermək əvəzinə – müasir psixoterapiyanın əksər formalarının əsasını təşkil etdi və həm xəstələrə, həm də tətbiq edənlərə fayda verdi" deyə yazmışdır.

Yazıdakı şəklin izahı: Londondakı Freud Muzeyində yerləşən, Freudun xəstələrinə psixoanaliz tətbiq etdiyi divan və Freudun oturduğu yaşıl stul.

Yazıda adı çəkilən tarixi şəxslər: Sigmund Freud (1856–1939)

• Əvvəlki mövzu: Eşitmə cihazları 1899 – Qulaq borularından müasir cihazlara
• Sonrakı mövzu: Caduceus 1902 – Tibb simvolu: İki ilan dolanmış əsa