Prostat xərçənginin risk təsnifatı nədir?

1. Aşağı riskli prostat xərçəngi: T1-T2a mərhələ və Gleason balı ≤6 və PSA ≤10
2. Orta riskli prostat xərçəngi: T2b mərhələ və/və ya Gleason balı =7 və/və ya 10< PSA ≤20
3. Yüksək riskli prostat xərçəngi: ≥T2c mərhələ və ya Gleason balı 8–10 və ya PSA >20

PSA və Gleason balı nədir?

PSA (prostata spesifik antigen); prostat hüceyrələrinin istehsal etdiyi zülaldır. Bu zülalın qandakı səviyyəsinin ölçülməsi prostat xərçənginin diaqnozunda və müalicədən sonrakı izləməsində istifadə olunur. PSA üçün normal dəyər 4-dən aşağı olmasıdır.

Gleason balı; xərçəng hüceyrələrinin çoxalma və yayılma sürəti haqqında təsəvvür verən, xərçəngli hüceyrələrin normal hüceyrələrdən fərqlənmə dərəcəsini qiymətləndirən ballandırmadır. Gleson balı 2-10 arasında dəyişir və artdıqca xərçəngin daha aqressiv, irəliləməsinin daha sürətli olduğunu bildirir.

T mərhələləndirməsi; şişin ölçülərinə görə aparılan mərhələləndirmədir:

• T1 - T2a mərhələ: Şiş prostatın bir tərəfinin yarısından azındadır
• T2b mərhələ: Şiş prostatın bir tərəfinin yarısından çoxundadır
• T2c mərhələ: Şiş prostatın hər iki payındadır
• T3 və daha yuxarı mərhələ: Şiş prostat kapsulunu aşmışdır

Prostat xərçənginin həm diaqnoz, həm müalicə prosesi digər xərçənglərdən fərqlənir; bu xərçəng həm hormona həssasdır həm də əsasən yavaş gedir. Bu xəstəliyə tutulan və ya prostat xərçəngi şübhəsi olan xəstələr xüsusilə müalicəyə başlamaqda tələsməməli, əvvəlcə tibbi onkoloqları ilə xərçəngin mərhələsini və risk qrupunu müəyyən etmək üçün plan hazırlamalıdırlar. Çox düzgün və diqqətli radioloji və patoloji qiymətləndirmə ilə xəstənin hansı risk qrupunda olduğunun müəyyən edilməsi müalicə qərarının ən mühüm göstəricisidir.

Xarici məzmunu görmək üçün seçimləri tənzimləyin