Xərçəng nədir? Xərçəngin səbəbləri nələrdir? Xərçəngin qarşısı alına bilərmi?

Xərçəng nədir?

“Xərçəng nədir və niyə yaranır” asanlıqla verilən, çox vaxt sadə cavabı olduğu düşünülən, lakin ətraflı cavabını bir neçə cildlik kitabda verə biləcəyiniz sualdır. Yenə də ən mürəkkəb görünən hadisələrin belə tərifi olmalıdır. Xərçəng üçün bu tərif belədir: Xərçəng hüceyrələrdə DNA zədələrinin toplanması nəticəsində hüceyrələrin nizamsız çoxalması ilə ortaya çıxan xəstəliklər qrupuna verilən ümumi addır.

Şiş nədir?

Neoplazma kimi də tanınan şiş bərk və ya maye ilə dolu ola bilən anormal toxuma kütləsidir. Hər şiş xərçəng demək deyil. Şişlər; - benign (xoşxassəli = selim), - premalign (hazırda xərçəng olmayan, lakin gələcəkdə xərçəngə çevrilmə potensialı olan törəmə), və ya - malign (xərçəng = bədxassəli = habis) ola bilər. Çox müxtəlif şiş növləri və onların fərqli adları var; adları adətən formalarını və toxumadakı görünüşlərini əks etdirir. Sadə desək, şiş bir növ düyün və ya şişkinlikdir, bu, mütləq sağlamlıq təhlükəsi yaratmır.

Nəzarətdən çıxmış şəkildə həddindən artıq çoxalan, yerləşdiyi bölgədə yayılan və ya metastaz verə bilən hüceyrə qruplarına xərçəng deyilir.

Xərçəngin necə yarandığını daha ətraflı şəkildə XƏRÇƏNG NƏDİR? Niyə və necə yaranır? adlı yazımızda tapa bilərsiniz.