Yalnız 1 dəqiqəlik qaçış belə sümük əriməsindən qoruyur

Sümük toxuması insan həyatı boyunca davamlı parçalanıb yenidən qurulan toxumadır. Sümük əriməsi kimi tanınan osteoporoz sümükdə qurulma sürətinin azalmasının yaratdığı sıxlıq itkisidir. Bu sıxlıq itkisi nəticəsində sümüklər daha məsaməli, zəif və kövrək olur.
Tədqiqat nəticələrinə görə Amerikada 54 milyon insanda sümük sıxlığı itkisi və osteoporoz görülür. 50 yaşdan yuxarı qadınların yarısında, kişilərin isə 1/4-də osteoporoza bağlı sümük sınıqları yaşanır.
Qadınlarda olan estrogen hormonu sümüklərdə qurulma sürətini artıraraq sümük sağlamlığına müsbət təsir göstərir. Menopauzadan sonra estrogenin azalmasına görə qadınlarda osteoporoz yaranma riski artır. Həmçinin hərəkətsiz (oturaq) həyat da osteoporozun risk amillərindəndir.
İngiltərədə aparılan tədqiqatın nəticəsinə görə yalnız 1 dəqiqəlik intensiv (ağırlıqla edilən) məşqin qadınlarda sümük sağlamlığına müsbət təsir etdiyi tapılmışdır. Qısa müddətdə partlayıcı tərzdə olan bu məşqin qarşılığı kimi menopauzadan əvvəlki qadınlara orta templə qaçış, menopauzadan sonrakı qadınlara isə yavaş templə qaçış tövsiyə olunur.
Sümüklərə kənardan tətbiq olunan təzyiq nəticəsində sümüyün yenilənmə sürəti artır. Ağırlıq daşıyan məşqlər isə bədən ağırlığının sümük və əzələlərin köməyi ilə cazibə qüvvəsinə qarşı daşınmasıdır. Belə məşqlərə rəqs, futbol, basketbol, qaçış, tennis, dırmanma kimi idmanlar nümunə ola bilər.
Məşqin sümük sağlamlığına faydası sübut edilmişdir
Dr. Stiles və komandası məşq etməyən, 1 dəqiqə və 2 dəqiqə ağır templə ağırlıq daşıyan məşq edənlər olmaqla 3 qrupda cəmi 2500 qadın üzərində tədqiqat aparmışdır. Hər gün 1 dəqiqə məşq edən qadınların sümük sağlamlığının %4, 2 dəqiqə edənlərin isə %6 daha yaxşı olduğu nəticəsinə gəlinmişdir.
Dr. Stiles hələ hər gün az miqdarda ağır templə məşqin, yoxsa həftədə bir neçə dəfə orta intensivlikdə daha çox məşqin daha yaxşı olduğu nəticəsinə gəlmədiklərini, lakin ağırlıq daşıyan məşqlərin sümük sağlamlığına qəti şəkildə müsbət təsir etdiyini bildirir.
Məşq etməyin osteoporozdan başqa metabolik xəstəliklər kimi də tanınan ürək-damar xəstəlikləri, piylənmə və yüksək təzyiq kimi xəstəliklərdən də qoruduğu sübut edilmişdir. Ən sadə ifadə ilə məşqin bu xəstəliklərə bağlı erkən ölüm riskini azaltdığını, həyat keyfiyyətini artırdığını deyə bilərik. Buna görə daha uzun və keyfiyyətli həyat üçün fiziki məşqin əvvəl özümüzün, sonra da kiçik yaşlardan uşaqlarımızın gündəlik vərdişinə çevrilməsini təmin etməliyik.
Marağınızı çəkə bilər:
Mənbələr
A small amount of precisely measured high-intensity habitual physical activity predicts bone health in pre- and post-menopausal women in UK Biobank.
International Journal of Epidemiology, 2017.
Bu məqalə sizə faydalı oldu?
Rəyiniz məzmunumuzu yaxşılaşdırmağa kömək edir.





Oxucu şərhləri
Şərhinizi paylaşın
Adınız və şərhiniz yalnız administrator təsdiqindən sonra dərc olunur. E-poçt ünvanınız ziyarətçilərə heç vaxt göstərilmir.
İlk şərhi siz yazın.