Yumurtalıq (over) xərçəngi olan xəstələrdə ömür düşündüyümüzdən də uzanır

Yumurtalıq (over) xərçəngi ən çox rast gəlinən qadın xərçənglərindən biridir. İrəli mərhələli və xüsusilə şişi aqressiv xüsusiyyətlər daşıyan xəstələrdə müalicə uğurlarımız məhdud qala bilir. Xəstəliyin gedişinin mənfi olacağı proqnozlaşdırılan bu qrup xəstələrin də 5 ildən artıq sağlam yaşadığı görülmüşdür.

Sizinlə paylaşacağımız tədqiqatda yumurtalıq xərçəngi olmuş və müalicədən sonra xərçəngi təkrarlanmadan 5 ildən çox yaşamış xəstələr incələnmiş və bu tədqiqatın diqqətçəkici nəticələri Qadın Doğum və Ginekologiya Jurnalında dərc edilmişdir.

Aparılan tədqiqatda 1994-2001-ci illər arasında Amerikada yumurtalıq xərçəngi diaqnozu qoyulmuş və müalicə almış 11 mindən çox xəstə 2011-ci ilə qədər izlənmişdir. İrəli mərhələli yumurtalıq xərçəngi diaqnozu qoyulmuş və müalicə alıb sağalmış xəstələr 2 ildən az, 2 - 5 il arası, 5 - 10 il arası və 10 ildən çox yaşayanlar kimi qruplara ayrılmış və müqayisə edilmişdir. Tədqiqat nəticəsində ümumilikdə 11.541 xəstənin 3.582-sinin (% 31) 10 ildən çox yaşadığı müəyyən edilmişdir. Bu xəstələrin 954-ü yumurtalıq xərçəngi diaqnozu qoyulduqda xərçəngə bağlı həyatını itirmə riski yüksək olan xəstələr (yaşlı yaş, yüksək şiş dərəcəsi, metastatik mərhələ) imiş. Buna baxmayaraq, bu xəstələr proqnozun əksinə 10 ildən çox yaşamışdır.

Bu qədər aqressiv bir xərçəng növündə ömrün niyə gözləniləndən uzun olduğu araşdırılmış və bu vəziyyət BRCA 1 və BRCA 2 gen mutasiyası (süd vəzi-yumurtalıq xərçəngi geni) aşkar edilən xəstələrin kimyaterapiyaya daha yaxşı cavab vermiş ola bilməsi ilə əlaqələndirilmişdir. Həmçinin irəli mərhələli yumurtalıq xərçəngində bioloji fərqliliklər mühüm amildir. Bu fərqliliklər qiymətləndirilərək fərdiləşdirilmiş müalicələrin tətbiqinin əldə edilən nəticələrə müsbət təsir etdiyi, bunun da xəstələrin ömrünə töhfə verdiyi qənaətinə gəlinmişdir.

- Əlaqəli mövzu: Yumurtalıq xərçəngi irsidirmi? Genetik risk amilləri hansılardır?

Yumurtalıq xərçəngində yeni kimyaterapiya dərmanları, hədəflənmiş müalicələr və hazırda fəal istifadə edə bilməsək də, onkologiyanın parlayaraq gələcəyi işıqlandıran üzü olan immunoterapiyalarla bu uğurun daha da irəli aparılması mərhələsindəyik.

Əziz dostlarım, xərçəng sahəsində biliklər dəyişir, müalicələr dəyişir və hər keçən gün ümidimiz qat-qat artır!