აღმოაჩინეს, როგორ უშლის სიმსუქნე იმუნურ სისტემას კიბოსთან ბრძოლას

სიმსუქნეუკვე მკაფიოდ ცნობილია კიბოს ერთ-ერთ მთავარ მიზეზად. კვლევებით სულ მცირე 13 ტიპის, მათ შორის ენდომეტრიუმის (საშვილოსნოს), ღვიძლის, პანკრეასის, მსხვილი ნაწლავისა და მენოპაუზის შემდგომი ძუძუს კიბოს რისკს ზრდის. კავშირი დამტკიცებულია, თუმცა კიბოს განვითარებაში წვლილი ბოლომდე არ იყო გარკვეული. 2018 წლის ნოემბერში Nature Immunology-ში გამოქვეყნებულ კვლევაში სიმსუქნის მიერ იმუნური უჯრედების სიმსივნისადმი არაეფექტურად ქცევის მექანიზმი აღმოაჩინეს.

ჩვენი იმუნური სისტემა ჩვეულებრივ კიბოსა და კიბოდ ქცევად უჯრედებს ცნობს და ანადგურებს. ამას იმუნური მეთვალყურეობა ეწოდება. თუმცა კიბოს განვითარებისას კიბოს უჯრედის 10 მთავარი თვისებიდანერთ-ერთია იმუნური სისტემისგან გაქცევის მექანიზმის შექმნა. ნუთუ წონის მატებით კიბოს უჯრედებს იმუნიტეტისგან გაქცევაში ვეხმარებით?

ცხიმის მოლეკულები ბუნებრივი მკვლელების მუშაობას უშლის!

შეაფასეს სიმსუქნის გავლენა იმუნურ მეთვალყურეობაზე. განსაკუთრებით ბუნებრივი მკვლელი უჯრედები (natural killer, NK) შეისწავლეს. ისინი სისხლის თეთრი უჯრედების ტიპია და ანტისიმსივნურ პასუხში მნიშვნელოვან როლს ასრულებს. მკვლევრებმა თაგვებისა და ადამიანებისგან აღებული უჯრედებით ექსპერიმენტები ჩაატარეს.

ანალიზით:

• სიმსუქნის მქონეებში ბუნებრივი მკვლელები ცხიმით დახშული იყო. სიმსივნესთან დაკავშირებისასაც განადგურების უნარი დაკარგული ჰქონდათ.
• ცხიმის დაგროვების შეჩერებისას მათ ანტისიმსივნური თვისება კვლავ შეიძინეს.

რას ნიშნავს ეს თქვენთვის?

• სიმსუქნის იმუნიტეტზე გავლენის ერთ-ერთი პირველი კვლევაა
• მიიღეს კიდევ მნიშვნელოვანი ახსნა, როგორ იწვევს სიმსუქნე კიბოს. არ უნდა დაგვავიწყდეს, რომ აქტიური ცხოვრება, დაბალანსებული კვება და იდეალური წონა რისკს ამცირებს.
• იმუნურ სისტემაში მეტაბოლური გზები მნიშვნელოვანი წამლის სამიზნე შეიძლება იყოს. ბუნებრივი მკვლელების მეტაბოლურმა გადაპროგრამებამ ანტისიმსივნური ეფექტი შეიძლება გაზარდოს.