Piylənmənin immun sisteminin xərçənglə savaşını necə əngəllədiyi tapıldı

Piylənməaparıcı xərçəng səbəblərindən biri olaraq aydın bilinir. Endometrium, qaraciyər, pankreas, yoğun bağırsaq və menopozsonrası süd vəzi daxil ən azı 13 növün riskini artırır. Əlaqə sübutlu olsa da xərçəngləşməyə necə töhfəsi tam bilinmirdi. Noyabr 2018-də Nature Immunologydə çıxan işdə, piylənmənin immun hüceyrələri şişə qarşı necə təsirsiz etdiyi kəşf edildi.

İmmun sistemimiz normalda xərçəngli və xərçəngləşən hüceyrəni tanıyıb məhv edir. Buna immun nəzarət deyilir. Lakin xərçəngləşmədə, xərçəng hüceyrələrinin 10 əsas xüsusiyyətindən biri immun sistemdən qaçış mexanizmidir. Görəsən, artıq çəki alıb qaçışa kömək edirikmi?

Yağ molekulları təbii öldürücü hüceyrələrə mane olur!

İşdə immun nəzarətə təsir yoxlanıldı. Xüsusilə təbii öldürücü hüceyrələrə (natural killer, NK) baxıldı. Bunlar ağ qan hüceyrələrinin bir növüdür və şişə qarşı immun cavabın təmin olunmasında vacib rol oynayır. Tədqiqatçılar insan və siçanlardan təbii öldürücü hüceyrələri götürərək təcrübələr apardılar.

Nəticələrə görə;

• Piylənməli şəxslərdə NK hüceyrələrinin yağla tıxandığı görüldü. Şişə bağlansa da öldürməyi itirdi.
• Bu hüceyrələrdə yağ toplanması önlənəndə yenidən şişlə mübarizə xüsusiyyəti qazandıqları tapıldı.

Bu iş sizə nə deyir?

• Piylənmənin immun təsirini göstərən ilk işlərdəndir
• «Piylənmə necə xərçəng yaradır»a yeni izah gəldi. Aktiv həyat, balanslı qida və ideal çəkinin riski azaltdığını unutmayaq.
• İmmun metabolik yollar mühüm dərman hədəfi ola bilər. NK metabolik yenidən proqramlama xərçəngəleyhinə təsiri artıra bilər.