აღმოჩნდა, რომ ზოგი კიბოს პაციენტი COVID-ის შემდეგ ვირუსის გამოყოფას აგრძელებს

ფართო კიბოს მკურნალობის შემდეგ უკიდურესად იმუნიტეტის დათრგუნვის მქონე და COVID-19-ითდაავადებულ პირებს სიმპტომების დაწყებიდან მინიმუმ 2 თვის განმავლობაში ცოცხალი SARS-CoV-2 ვირუსის გამოყოფა შეუძლიათ და ხანგრძლივი იზოლაცია შეიძლება დასჭირდეთ.
ჰემატოპოეზური ღეროვანი უჯრედების ტრანსპლანტაციის ან ქიმერული ანტიგენის რეცეპტორის (CAR) T უჯრედული თერაპიის მქონე 18 პაციენტსა და ლიმფომის მქონე 2 პაციენტში ცოცხალი ვირუსის გახანგრძლივებული გამოყოფა გამოვლინდა.
კვლევა 1 დეკემბერს წამყვან სამედიცინო ჟურნალ NEJM-ში აღწერეს.
შეიძლება COVID-ის შემდეგ ვირუსის გავრცელება გაგრძელდეს?
ვიცით, რომ თანმხლები დაავადების / იმუნოსუპრესიის არმქონე პირები COVID-19-ის პირველი კვირის შემდეგ გადამდები აღარ არიან. თუმცა უნდა გავაცნობიეროთ, რამდენ ხანს შეიძლება იმუნოდათრგუნულმა პაციენტებმა სხვებისთვის ინფიცირების რისკი შექმნან.
მკვლევრების თქმით, წინა გამოცდილებით ნახეს, რომ მძიმედ იმუნოდასუსტებული პაციენტები სხვა ვირუსებს (რესპირატორულ სინციტიურ ვირუსს, პარაგრიპსა და გრიპს) ჯანმრთელ კონტროლებზე უფრო დიდხანს ავრცელებენ.
ბოლო მიგნებებზე დაყრდნობით მკვლევრები ვარაუდობენ, რომ COVID-19 იზოლაციის არსებული სახელმძღვანელოები იმუნოდათრგუნულთათვის გადასახედია. COVID-19-ის მქონე კიბოს პაციენტთა მცირე ნაწილიც რომ დიდხანს გადამდები დარჩეს, „ეს დამატებითი რისკია, რომელსაც უნდა ვუპასუხოთ".
განსაკუთრებით ჰემატოლოგიურ კიბოებთან მომუშავე ექიმებმა ტრანსპლანტირებული პაციენტის იზოლაციიდან გათავისუფლების დროის განსასაზღვრად კორონავირუსის ტესტზე დაფუძნებულ კრიტერიუმებს უნდა მისდიონ.
ცოცხალი ვირუსის გამოყოფა
კვლევისთვის COVID-19-ის მქონე (10 მარტსა და 20 აპრილს შორის COVID-19 დიაგნოზით), უკიდურესად დათრგუნული (თითქმის განულებული) იმუნური სისტემის 20 პაციენტის თანმიმდევრულ ნაზოფარინგულ და ნახველის ნიმუშებში ცოცხალი ვირუსის აღმოსაჩენად უჯრედული კულტურები გამოიყენეს.
ამ 20 პაციენტიდან 15 აქტიურ მკურნალობას ან ქიმიოთერაპიას იღებდა; 11-ს მძიმე COVID-19 განუვითარდა.
სულ 78 რესპირატორული ნიმუში შეგროვდა.
შედეგები
- სიმპტომების დაწყებიდან 78 დღემდე ვირუსული RNA ვლინდებოდა და
- პირველი ლაბორატორიული დღის 14 ნაზოფარინგული ნიმუშიდან 10-ში (% 71) ცოცხალი ვირუსი გამოვლინდა.
- 5 პაციენტს აკვირდებოდნენ და მათგან გუნდმა სიმპტომებიდან 61 დღემდე კულტურაში ვირუსი გაზარდა. ამ 5-პაციენტიანი პატარა ჯგუფიდან ორს ალოგენური ღეროვანი უჯრედების ტრანსპლანტაცია ჰქონდა, ერთს კი ბოლო 6 თვეში CAR T უჯრედული თერაპია ჰქონდა მიღებული. საინტერესოა, რომ ეს პაციენტი კორონავირუსის ანტისხეულებზე სერონეგატიური რჩებოდა.
- გუნდმა ასევე 11 პაციენტის თანმიმდევრული ნიმუშების გენომები მიიღო და აღმოაჩინა, რომ ხელახლა კი არ ინფიცირდებოდნენ, არამედ იგივე ვირუსს ატარებდნენ. მიგნებები მუდმივ ინფექციას შეესაბამება, აღნიშნავენ ისინი.
*
დაკავშირებული თემები
წყაროები
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.