COVID-dən sonra bəzi xərçəngli xəstələrin virus ifrazına davam etdiyi aşkarlandı

Əhatəli xərçəng müalicəsindən sonra həddindən artıq immuniteti basdırılmış və COVID-19-a yoluxmuş şəxslər əlamətlərin başlanmasından ən azı 2 ay canlı SARS-CoV-2 virusunu yaya bilər və uzun təcridə ehtiyac duya bilər.
Hematopoetik kök hüceyrə transplantasiyası və ya ximerik antigen reseptorlu (CAR) T hüceyrə müalicəsi almış 18 xəstədə və limfomalı 2 xəstədə uzunmüddətli canlı virus yayılması aşkarlandı.
Bu iş 1 dekabrda aparıcı tibb jurnalı NEJM-də bildirildi.
COVID-dən sonra virus yayılması davam edə bilərmi?
Yanaşı xəstəliyi olmayan / immun sistemi basdırılmayanların COVID-19-un ilk həftəsindən sonra artıq yoluxucu olmadığını bilirik. Lakin immuniteti basdırılmış xəstələrin başqaları üçün nə qədər uzun infeksiya riski yarada biləcəyini bilməliyik.
Tədqiqatçılar əvvəlki təcrübədə ciddi immunçatışmazlıqlı xəstələrin digər virusları (respirator sinsitial virus, paraqrip və qrip kimi) sağlam nəzarət qrupundan daha uzun yaydığını müşahidə etdiklərini bildirdilər.
Son tapıntılara əsasən tədqiqatçılar COVID-19 təcrid tədbirləri üzrə cari təlimatların immuniteti basdırılmış xəstələr üçün yenilənməli ola biləcəyini deyirlər. COVID-19-lu xərçəng xəstələrinin yalnız az hissəsi uzun yoluxucu qalsa belə, “Bu, nəzərə almalı olduğumuz əlavə riskdir".
Xüsusilə hematoloji xərçənglərlə məşğul həkimlər transplantasiya olunmuş xəstənin təcriddən nə vaxt çıxacağını müəyyənləşdirmək üçün koronavirus testinə əsaslanan meyarları izləməlidirlər.
Canlı virusun ifrazı
Bu işdə tədqiqatçılar COVID-19-lu (10 mart ilə 20 aprel arasında COVID-19 diaqnozu qoyulmuş) və immun sistemi həddindən artıq basdırılmış (sanki sıfırlanmış) 20 xəstədən ardıcıl toplanmış nazofaringeal və bəlğəm nümunələrində canlı virusu tapmaq üçün hüceyrə kulturalarından istifadə etdilər.
Bu 20 xəstədən 15-i aktiv müalicə və ya kimyaterapiya alırdı; 11-də ağır COVID-19 inkişaf etdi.
Ümumilikdə 78 tənəffüs nümunəsi toplandı.
Nəticələr
- Əlamətlər başlayandan 78 gün sonrayadək virus RNA-sı aşkarlandı və
- Laborator testin ilk günündən mövcud 14 nazofaringeal nümunənin 10-da (% 71) canlı virus tapıldı.
- 5 xəstə izləndi və komanda əlamətlərdən 61 gün sonrayadək onların kulturasında virus yetişdirdi. Bu 5 xəstəli kiçik qrupdan ikisi allogen kök hüceyrə transplantasiyası almış, bir xəstə son 6 ayda CAR T-hüceyrə müalicəsi keçirmişdi. Maraqlıdır ki, həmin xəstə koronavirus anticisimləri üçün seroneqativ qalırdı.
- Komanda 11 xəstə üçün ardıcıl nümunə genomları da əldə edib xəstələrin təkrar yoluxmadığını, eyni virusu daşımağa davam etdiyini tapdı. Bunların davamlı infeksiyaya uyğun olduğunu bildirirlər.
*
ƏLAQƏLİ MÖVZULAR
Mənbələr
Bu məqalə sizə faydalı oldu?
Rəyiniz məzmunumuzu yaxşılaşdırmağa kömək edir.





Oxucu şərhləri
Şərhinizi paylaşın
Adınız və şərhiniz yalnız administrator təsdiqindən sonra dərc olunur. E-poçt ünvanınız ziyarətçilərə heç vaxt göstərilmir.
İlk şərhi siz yazın.