ახალგაზრდა ასაკში კიბოს მკურნალობაგავლილი ადამიანები თანატოლებზე უფრო სოციალურები არიან
დადგინდა, რომ კიბოს მკურნალობაგავლილ მოზარდებსა და ახალგაზრდა ზრდასრულებს ჩვეულებრივ უფრო ძლიერი სოციალური ურთიერთობები აქვთ, ვიდრე კიბოს არმქონე თანატოლებს. გვინდა გაგიზიაროთ პირველი კვლევის მონაცემები, რომელმაც კიბოს მკურნალობაგავლილი ადამიანების ჯანსაღი სოციალური ურთიერთობები თანატოლებისას შეადარა.
ეს კვლევა წარმოადგენს კიბოს მკურნალობის შემდეგ სოციალური კავშირების შესაფასებლად შემუშავებულ და დადასტურებულ მეთოდს.
მკვლევრებმა აჩვენეს, რომ მეთოდი, რომელსაც ფუნქციური სოციალური ქსელის ინდექსი უწოდეს, კიბოს მკურნალობაგავლილებში სოციალური ურთიერთობების გასაზომად ადრე გამოყენებულ ორ ტრადიციულ მეთოდზე უკეთ ზომავს ცხოვრების სირთულეებთან გამკლავების უნარებს.
ქორწინებითი მდგომარეობის ან საზოგადოების წევრობის მსგავსი სოციალური კავშირების სტრუქტურის გაზომვის ნაცვლად, ეს მეთოდი სოციალურ ქსელებს ზომავს როგორც ემოციური მხარდაჭერის წყაროს, როგორიცაა მეგობრები და ნათესავები, ასევე წონის მართვასა და ფიზიკურ აქტივობასთან დაკავშირებულ მიდგომებსაც.
ამ კვლევაში ასევე დადგინდა, რომ კიბოს მკურნალობაგავლილი მოზარდები და ახალგაზრდა ზრდასრულები კიბოს დიაგნოზის არმქონე თანატოლებთან შედარებით უფრო მიდრეკილნი არიან უმოძრაო ცხოვრებისა და სიმსუქნისადმი .
კვლევაში შეისწავლეს 18-დან 30 წლამდე მოზარდი და ახალგაზრდა ზრდასრული 102 კიბოს პაციენტისა და კიბოს ისტორიის არმქონე 102 ახალგაზრდა ზრდასრულის სოციალური ურთიერთობები. მონაწილეებმა დაახლოებით 25 მეგობარსა და ნათესავთან დეტალური სოციალური ურთიერთობების შესახებ ინფორმაცია ონლაინ კითხვარით მიაწოდეს. კიბოგამოვლილი ადამიანები დიაგნოზისას 15-დან 30 წლამდე იყვნენ. უმეტესობას მკურნალობიდან სულ მცირე ხუთი წელი ჰქონდა გასული. კიბოს არგამოვლილ ადამიანებთან შედარებით, დიაგნოზნამყოფებმა მეგობრებთან, ექიმებსა და ნათესავებთან უფრო ძლიერი სოციალური კავშირების დამყარება შეძლეს.
თუმცა ეს მიღებული დიაგნოზის მიხედვითაც განსხვავდებოდა. ლიმფომის მკურნალობაგავლილი ადამიანები სოციალური ურთიერთობების დამყარებაში პირველ ადგილზე იყვნენ, მათ მაშინვე ლეიკემიები და სოლიდური (ორგანოს) სიმსივნეები მოსდევდა. ტვინისა და ცენტრალური ნერვული სისტემის კიბოს მკურნალობაგავლილებსაც კიბოს არმქონე თანატოლებზე უფრო მჭიდრო სოციალური კავშირების დამყარება შეუძლიათ.
ძლიერი სოციალური ქსელები უკავშირდებოდა ცხოვრებაში მეტ მხარდაჭერას, უფრო კონსტრუქციულ დამოკიდებულებას, სამომავლო გეგმების შედგენის უნარსა და ემოციურად უფრო დადებით განცდებს. ეს ხაზს უსვამს წუხილისა და მარტოობის მსგავსი პრობლემების მოგვარების მნიშვნელობას.
ამავდროულად მკვლევრები ცდილობენ იპოვონ სოციალური კავშირები და მათი გამაძლიერებელი ალტერნატივები და უკეთ გაიგონ, როგორ მოქმედებს ეს ჯანმრთელობის შედეგებზე. ისინი ფიქრობენ, რომ მეგობრებსა და ნათესავებთან სოციალური კავშირების ნაკლებობა შეიძლება ცხოვრების ხარისხის დაქვეითებას, სარისკო ჯანმრთელობის ქცევებს, ქრონიკულ მდგომარეობებსა და ნაადრევ სიკვდილს უკავშირდებოდეს. სოციალურ კავშირებსა და ჯანმრთელობის შედეგებს შორის ურთიერთობის გარკვევის შემდეგ იგეგმება კიბოს მკურნალობის შემდგომ ჯანმრთელობის გასაუმჯობესებლად სოციალური ქსელების გამოყენების ჩარევების შემუშავების დაწყება.
შეიძლება დაგაინტერესოთ:
- ლურჯი ზონებიაღმოჩენის შემდეგ გამოქვეყნდა სოციალური ინტეგრაციის მნიშვნელობის დამადასტურებელი კვლევაც. ამ კვლევით ძლიერი სოციალური ინტეგრაცია სიცოცხლის ხანგრძლივობაზე ყველაზე დადებითად მოქმედი ფაქტორია
წყაროები
Development of the functional social network index for adolescent and young adult cancer survivors.
Cancer, 2018
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.