ახალი კორონავირუსის 5 წუთში გამომვლენმა ტესტმა FDA-ს დამტკიცება მიიღო

აშშ-ის სურსათისა და წამლის ადმინისტრაციამ (FDA) ახალი ტიპის კორონავირუსის (SARS-CoV-2) გამოსავლენად წუთებში დადებითი და 13 წუთში უარყოფითი შედეგის მომცემ ტესტს 28 მარტს გადაუდებელი გამოყენების ნებართვა მისცა, განაცხადა უწყებამ.

ტესტს სწრაფი შედეგების მოცემა მრავალფეროვან სამედიცინო გარემოში შეუძლია, მაგალითად ექიმის კაბინეტებში, გადაუდებელი მოვლის კლინიკებსა და საავადმყოფოთა გადაუდებელ განყოფილებებში.

აშშ-ში ახლა სხვა ქვეყნებზე მეტი კორონავირუსის შემთხვევაა. საავადმყოფოები ათასობით ადამიანის ამ მომაკვდინებელ ვირუსზე ტესტირების მოთხოვნის დასაკმაყოფილებლად იბრძვიან.

Abbott Laboratories (კომპანიის სახელწოდება) COVID-19 ტესტებს მომავალ კვირაში აშშ-ის გადაუდებელი მოვლის დაწესებულებების სამედიცინო მომსახურების მიმწოდებლებს მიაწვდის. Abbott თვეში დაახლოებით 5 მილიონი ტესტის წარმოებას ისახავს მიზნად. ტესტი მხოლოდ SARS-CoV-2-ის ნუკლეინის მჟავების გამოსავლენადაა ნებადართული და არა სხვა ვირუსებისა თუ პათოგენებისთვის (ანუ სწრაფი ანტიგენული ტესტის ერთგვარი სახეობა).

Abott-მა განაცხადა, რომ ტესტის გავრცელების დაწყებას მომავალ კვირაში გეგმავს და წარმოებას დღეში 50.000 ტესტამდე გაზრდის.

პორტატიული ტესტი Abbott ID NOW პლატფორმაზე ჩატარდება. ID NOW ინფექციური დაავადებების თვისებრივი გამოვლენის სწრაფი, ხელსაწყოზე დაფუძნებული იზოთერმული სისტემაა. იზოთერმული ნუკლეინის მჟავების ამპლიფიკაციის ტექნოლოგია მოლეკულურ შედეგებს სულ რამდენიმე წუთში იძლევა და კლინიცისტებს პაციენტის ვიზიტისას მტკიცებულებებზე დაფუძნებული კლინიკური გადაწყვეტილებების მიღების საშუალებას აძლევს.

ეს FDA-ს მიერ დამტკიცებული მეორე ტესტია, რომლის უშუალოდ ექიმის კაბინეტებსა და სხვა საზოგადოებრივი ჯანდაცვის დაწესებულებებში გამოყენება და პაციენტისთვის დაუყოვნებლივი შედეგის მიცემა შეიძლება. ადრე დამტკიცდა 45 წუთში შედეგის მომცემი Xpert Xpress PCR სისტემა დამტკიცდა.

ტესტირების გაფართოებასთან ერთად აშშ-ში COVID-19-ის ზუსტად დადასტურებული შემთხვევების რაოდენობა მნიშვნელოვნად გაიზარდა.

• ყველა ჩვენი სტატია კორონავირუსის შესახებ