Yeni koronavirusu 5 dəqiqədə aşkarlayan test FDA təsdiqi aldı

ABŞ Qida və Dərman İdarəsi (FDA) yeni tip koronavirusu (SARS-CoV-2) aşkarlamaq üçün dəqiqələr ərzində müsbət, 13 dəqiqədə mənfi nəticə verən testə 28 martda təcili istifadə icazəsi verdiyini açıqladı.

Test həkim kabinetləri, təcili yardım klinikaları və xəstəxanaların təcili şöbələri kimi müxtəlif səhiyyə mühitlərində sürətli nəticə verə bilir.

ABŞ-də artıq digər ölkələrdən çox koronavirus halı var. Xəstəxanalar minlərlə insanın bu ölümcül virus üçün test tələbini qarşılamağa çalışır.

Abbott Laboratoriyaları (şirkətin adı) COVID-19 testlərini gələn həftə ABŞ-nin təcili yardım mühitlərindəki səhiyyə xidmətçilərinə təqdim edəcək. Abbott ayda təxminən 5 milyon test istehsal etməyi hədəfləyir. Test digər virus və ya patogenləri deyil, yalnız SARS-CoV-2-yə məxsus nuklein turşularını aşkarlamaq üçün icazələndirilib (yəni bir növ sürətli antigen testidir).

Abott açıqlamasında testi gələn həftə paylamağa başlayacağını və istehsalı gündə 50.000 testə çatdıracağını bildirdi.

Portativ test Abbott ID NOW platformasında aparılacaq. ID NOW yoluxucu xəstəliklərin keyfiyyətcə aşkarlanması üçün sürətli, cihaz əsaslı, izotermik sistemdir. İzotermik nuklein turşusu amplifikasiyası texnologiyası bir neçə dəqiqə ərzində molekulyar nəticələr verir və klinisistlərə xəstə ziyarəti zamanı sübuta əsaslanan qərar verməyə imkan yaradır.

Bu, birbaşa həkim kabinetlərində və digər ictimai səhiyyə xidmətlərində istifadə olunan, xəstələrə dərhal nəticə verən FDA təsdiqli ikinci testdir. Əvvəllər 45 dəqiqədə nəticə verən Xpert Xpress PCR sistemi təsdiq almışdı.

Testlərin genişləndirilməsi ilə ABŞ-də dəqiq COVID-19 diaqnozu qoyulmuş halların sayı əhəmiyyətli artıb.

• BÜTÜN KORONAVİRUS YAZILARIMIZ