ამცირებს თუ არა კიბოთი გამოწვეული წონის კლება იმუნოთერაპიის ეფექტიანობას?

ბოლო წლებში წარმატებული შედეგების მქონე იმუნოთერაპიული მკურნალობა ავთვისებიანი მელანომის, ფილტვის, თირკმლის, შარდის ბუშტის, თავისა და კისრის კიბოებისა და ჰოჯკინის ლიმფომის მკურნალობის მნიშვნელოვან ნაწილად იქცა. კიბოს წინააღმდეგ იმუნური სისტემის გასააქტიურებლად შექმნილი იმუნოთერაპიებიყველა პაციენტში ერთნაირ ეფექტს არ იძლევა. მკვლევრებმა დაადგინეს, რომ კიბოს პაციენტებში წონის კლებამ შეიძლება იმუნოთერაპიის ეფექტიანობა შეამციროს.
კიბოს პაციენტებში წონის კლება და მადის დაქვეითება კიბოს კახექსიის სახელითაც ცნობილი მდგომარეობაა. კიბოს კახექსია ზოგი სახეობის, მაგალითად პანკრეასის კიბოს დროს უფრო ადრე ვლინდება. ბოლო წლების კვლევები სწავლობდა, თუ როგორ მოქმედებს კახექსია მკურნალობის პასუხზე.
2016 წლის ნოემბერში ავტორიტეტულ სამეცნიერო ჟურნალ Cell Metabolism-ში გამოქვეყნებული კვლევის თანახმად, მეტაბოლიზმის ცვლილებებმა შეიძლება იმუნოთერაპიის ეფექტიანობა შეამციროს . კვლევაში გამოიყენეს ადრეული სტადიის კიბოს მქონე თაგვები, რომლებსაც კახექსია ჯერ არ განვითარებოდათ. იმუნოთერაპიის ეფექტიანობა კახექსიამდე და მის შემდეგ შეადარეს.
კვლევის შედეგების თანახმად;
- კიბოს უჯრედებმა მათ მიერ გამოყოფილი ინტერლეიკინ 6-ის (IL-6) მოლეკულით ღვიძლის ფუნქციებზე იმოქმედა. როგორც ცნობილია, ღვიძლში ინახება ორგანიზმისთვის ენერგიის წარმოსაქმნელად საჭირო საკვები ნივთიერებები. IL-6 აჩერებს ღვიძლის მექანიზმებს, რომლებიც საკვების მცირე მიღებისას ენერგიის წარმოქმნას უზრუნველყოფს. ენერგიის წარმოების უკმარისობა ჰორმონულ პასუხს იწვევს და იმუნურ სისტემას კიბოს წინააღმდეგ რეაგირებაში უშლის ხელს.
რას ნიშნავს ეს კვლევა კლინიკური თვალსაზრისით?
- ადამიანებში მსგავსი ექსპერიმენტების ჩატარებით შეიძლება შემუშავდეს მეტაბოლური ცვლილებების გამოსასწორებელი ეფექტიანი მკურნალობის სტრატეგიები,
- ამ გზით შეიძლება შეიქმნას ტესტები იმის დასადგენად, რომელ პაციენტში იქნება იმუნოთერაპია ეფექტიანი,
- კვლევა გზამკვლევია ისეთი ეფექტიანი იმუნოთერაპიული წამლების შესაქმნელად, რომლებიც კიბოს კახექსიასაც აიღებს სამიზნედ.
წყაროები
Tumour induced IL-6 Reprograms Host Metabolism to Suppress Anti-tumour Immunity.
Cell Metabolism.2016, 24(5),672-684
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.