ძროხის რძის კიბოსთან დამაკავშირებელი რეკლამა მოიხსნა

სექტემბერში ინგლისის ბრისტოლში ვეგანური ჯგუფის შეცდომაში შემყვანმა რეკლამებმა ყურადღება მიიპყრო. ავტობუსებზე განთავსებული რეკლამის ფაქტებთან შეუსაბამობისა და ადამიანების შეცდომაში შეყვანის გამო რეაქციები და საჩივრები მალევე დაიწყო. რეკლამაში სათაურით „რძის ინდუსტრიის ზოგი ფაქტი, რომელიც, ჩვენი აზრით, არ იცით“ ეწერა: „ძროხების უმეტესობა წველისას ორსულია. ამიტომ რძე ესტროგენის ჩათვლით 35 ჰორმონს შეიცავს. ზოგი მათგანი კიბოს უკავშირდება. რძე ჩვილებისთვისაა, შეწყვიტეთ!“

სარეკლამო სტანდარტების სააგენტომ რეაქციების შემდეგ გამოძიება დაიწყო და კამპანიის ვეგანურ ჯგუფს მტკიცებულებები მოსთხოვა. ინფორმაცია ხომ ძროხის რძის დალევით კიბოს შესაძლო გამოწვევას მიანიშნებდა.

ვეგანურმა ჯგუფმა „Viva“ დაიცვა თავი: მათი თქმით, ჰორმონებს კიბოს „მიზეზად“ კი არა, „კიბოსთან დაკავშირებულად“ მოიხსენიებდნენ. თუმცა კიბოს სპეციალისტებმა ეს თითქმის 100 წელია იციან (მაგალითად ესტროგენისა და ძუძუს კიბოს, ტესტოსტერონისა და პროსტატის კიბოს კავშირი). ამავე დროს ეს ჰორმონები ორივე სქესისთვის აუცილებელია და ჰორმონსა და კიბოს შორის კავშირიჰორმონის სიჭარბის მიერ კიბოს გამოწვევაზე მეტად უჯრედულ დონეზე ჰორმონის რეცეპტორებისადა უჯრედშიდა ზრდის გზების არანორმალურ აქტივაციას უკავშირდება.

Viva-მ დასასაბუთებლად მიუთითა სტატიები, რომლებიც, მათი აზრით, ესტროგენებისა და ინსულინისმაგვარი ზრდის ფაქტორის (IGF-1) ჩათვლით ძროხის რძეში 35-ზე მეტი ჰორმონის არსებობას აჩვენებდა. თუმცა სააგენტომ დაადგინა, რომ პოსტერი შეცდომაში შემყვანი რეკლამა იყო და მტკიცებულებები არავალიდური; განმეორებითი გამოქვეყნება აკრძალა.

სააგენტომ განაცხადა: „კვლევები Viva-ს მტკიცებას, რომ ძროხის რძე კიბოს უკავშირდება, არ ადასტურებდა“. ანუ Viva-მ სამეცნიერო პუბლიკაციები მოიტანა, თუმცა მათი შინაარსი ჯგუფის მტკიცებებს ეწინააღმდეგებოდა. შედეგად, დაჟინებული დაცვის მიუხედავად, რეკლამები აიკრძალა.

ინგლისის ზოგი სტატისტიკა ვეგანობის შესახებ

• ინგლისში ნახევარ მილიონზე მეტი ადამიანი ვეგანურ დიეტას იცავს.
• ვეგანი ქალები მამაკაცებზე ორჯერ მეტია.
• ვეგანთა %42 15-34 წლისაა.
• ვეგანთა მთელი მოსახლეობის %88 ქალაქში ცხოვრობს, ხოლო %12 — სოფლად.

შენიშვნა: ვეგეტარიანული კვება წითელი ხორცის, თევზის, ფრინველის და ზოგჯერ კვერცხის, რძისა და რძის პროდუქტების არმიღებას ნიშნავს. ვეგანური კვება კი არცერთ ცხოველურ პროდუქტს, მათ შორის კვერცხს, რძის პროდუქტსა და თაფლს არ მოიცავს.