FDA-მ კანის კიბო მელანომისთვის ონკოლიზური ვირუსული თერაპია დაამტკიცა
ამერიკის სურსათისა და წამლის ადმინისტრაციამ (FDA) ავთვისებიანი მელანომის სამკურნალოდ პირველად ონკოლიზური ვირუსის ვაქცინა დაამტკიცა. Lmlygic (talimogene laherparepvec) დამტკიცებულია კანსა და ლიმფურ კვანძებში მელანომური დაზიანებების სამკურნალოდ.
აგრესიული კანის კიბო, მელანომა, პროგრესირებს და ხშირად სხეულის სხვა ნაწილებში ვრცელდება, ამიტომ მკურნალობა შეიძლება რთული იყოს. დამტკიცება პაციენტებსა და ექიმებს ახალ შესაძლებლობას აძლევს.
მელანომა იშვიათია, თუმცა ჩვენთანაც და მსოფლიოშიც ბოლო 30 წელიწადში 2-ჯერ მეტად გახშირდა. ჩვენთან ორივე სქესში ყველაზე ხშირ 10 კიბოში არ შედის, ამერიკაში კი მამაკაცებში 5., ქალებში 7. ადგილზეა.
გენეტიკურად შეცვლილი ცოცხალი ონკოლიზური ჰერპესის ვირუსის თერაპია Lmlygic გამოიყენება სრულად ამოუკვეთავი დაზიანებებისთვის. პირდაპირ მელანომაში შეყვანილი Imlygic უჯრედში მრავლდება და მის დაშლასა და სიკვდილს იწვევს.
კურსი დაზიანებაში პირდაპირი ინექციების სერიაა. მეორე დოზა პირველიდან 3 კვირის შემდეგ კეთდება, შემდეგ დამატებითი დოზები სულ მცირე 6 კვირის განმავლობაში ყოველ 2 კვირაში ერთხელ. ეს გრძელდება, თუ სხვა სასურველი მკურნალობა არ არის, ან დაზიანებები მკურნალობით არ გაქრება.
ეფექტიანობა და უსაფრთხოება არაოპერირებადი შორსწასული (მეტასტაზური) მელანომის 436 პაციენტში შეფასდა. Lmlygic-ის მიმღებთა დაახლოებით % 16-ში კანისა და კვანძების დაზიანებები შემცირდა სულ მცირე 6 თვით. კონტროლში შემცირება %2-ში იყო. თუმცა კვლევამ საერთო სიცოცხლის სარგებელი ან ტვინში, ძვლებში, ღვიძლში, ფილტვსა თუ სხვა შინაგან ორგანოში გავრცელებულ მელანომაზე დადებითი ეფექტი ვერ აჩვენა.
წინა სტატიაში კიბოს ვაქცინებს, მათ შორის Lmlygic-ს, დეტალურად შევეხეთ; წასაკითხად დააწკაპუნეთ.
წყაროები
FDA approves first-of-its-kind product for the treatment of melanoma.
https://www.fda.gov/NewsEvents/Newsroom/PressAnnouncements/ucm469571.htm
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.