Amerika Dərman İdarəsi (FDA) melanoma dəri xərçəngi üçün onkolitik virus müalicəsini təsdiqlədi

Amerika Qida və Dərman İdarəsi (FDA) bədxassəli melanoma dəri xərçənginin müalicəsi üçün ilk dəfə onkolitik virus peyvəndini təsdiqlədi. Lmlygic (talimogene laherparepvec) adlı peyvənd dəri və limfa düyünlərindəki melanoma lezyonlarının müalicəsi üçün təsdiqləndi.

Aqressiv dəri xərçəngi olan melanoma irəliləyən və tez-tez bədənin başqa sahələrinə yayılan, buna görə müalicəsi çətin ola bilən ciddi xərçəngdir. Təsdiq xəstə və həkimlərə yeni müalicə imkanı verir.

Melanoma nadir xərçənglərdən olsa da, tezliyi həm ölkəmizdə, həm dünyada son 30 ildə 2 dəfədən çox artmışdır. Ölkəmizdə qadın və kişilərdə ən çox görülən 10 xərçəngə daxil olmasa da, Amerikada kişilərdə 5-ci, qadınlarda 7-ci ən çox görülən növdür.

Genetik dəyişdirilmiş canlı onkolitik herpes (uçuq) virus müalicəsi Lmlygic əməliyyatla tam çıxarıla bilməyən melanoma lezyonlarında istifadə edilir. Birbaşa lezyona yeridilən Imlygic xərçəng hüceyrəsində çoxalır, parçalanıb ölməsinə səbəb olur.

Lmlygic müalicə kursu birbaşa lezyona vurulan inyeksiyalar seriyasıdır. İlk inyeksiyadan 3 həftə sonra ikinci doza verilir. Sonra ən az 6 həftə boyunca hər 2 həftədə əlavə doza tətbiq edilir. Başqa istənilən müalicə yoxdursa və ya lezyonlar müalicə ilə yox olanadək davam edir.

Effektivlik və təhlükəsizlik əməliyyat edilə bilməyən irəliləmiş (metastatik) melanomalı 436 xəstədə qiymətləndirilmişdir. Lmlygic alanların təxminən % 16-sında dəri və limfa düyünü lezyonları kiçilmiş və ən az 6 ay davam etmişdir. Nəzarət qrupunun isə %2-sində kiçilmə olmuşdur. Lakin iş ümumi ömrə müsbət töhfə və ya beyin, sümük, qaraciyər, ağciyər və başqa daxili orqanlara yayılan melanomaya müsbət təsir göstərməmişdir.

Əvvəlki yazımızda Lmlygic daxil xərçəng peyvəndlərindən ətraflı danışmışdıq, oxumaq üçün klikləyin.