გრიპისა და COVID-19-ის გარჩევა შემოდგომის ერთ-ერთი უმნიშვნელოვანესი საკითხი იქნება

შემოდგომა დაიწყო, ზამთარი კი ახლოვდება; ამიტომ ინფლუენცის ვირუსებით გამოწვეული გრიპის განგაშის ზარები რეკავს. მთელ მსოფლიოში გავრცელებული COVID-19-ის სეზონის ცვლილებასთან ერთად გამოჩენილ გრიპთან გაერთიანება გვაშფოთებს.

ამერიკის პედიატრიის აკადემია 6 თვის და უფროს ბავშვებში არაუგვიანეს ოქტომბრის ბოლომდე გრიპის ვაქცინაციას კატეგორიულად ურჩევს. ექსპერტებმა აღნიშნეს, რომ ასაკის შესაბამისი, ლიცენზირებული ინტრანაზალური ან საინექციო გრიპის ვაქცინები შესაფერისია. მეცნიერებმა 2020-2021 წლის გრიპის ვაქცინებში გარკვეული ცვლილებები განმარტეს: „ბავშვებისთვის მომზადებული ვაქცინები ოთხვალენტიანად წოდებული ტიპისაა. ეს ვაქცინები სამი ახალი ინფლუენცის ვირუსის შტამის წინააღმდეგ ორგანიზმში შეძენილ იმუნურ პასუხს ქმნის. კვლევები აჩვენებს, რომ მხოლოდ აშშ-ში გასულ წელს ინფლუენცის გრიპის გამო 19 წელზე ნაკლები ასაკის 188 ბავშვი და ზრდასრული დაიღუპა. განსაკუთრებით აღსანიშნავია, რომ გარდაცვლილი ბავშვების დაახლოებით %80 გრიპის საწინააღმდეგოდ აცრილი არ ყოფილა . ეს შედეგები შთამბეჭდავია, მაგრამ წელს გაცილებით უფრო საშიშ მდგომარეობას ვხვდებით: ახალი კორონავირუსით გამოწვეულ COVID-19 დაავადებას. ჩვენთვის ყველაზე რთული საკითხი გრიპისა და COVID-19-ის ერთმანეთისგან ვერგარჩევა იქნება. თუმცა უნდა აღვნიშნოთ, რომ COVID-19-ის დიაგნოზის მქონე და გამოჯანმრთელებულ ადამიანებში გრიპის ვაქცინაციისგან თავის შეკავების მიზეზი არ არსებობს”.

- დაკავშირებული თემა: გრიპისა და პნევმონიის ვაქცინა — იცავს კორონავირუსისგან და ვის, როდის უნდა ჩაუტარდეს? (Türkçe)

COVID-19-ისა და გრიპის გარჩევა ძალიან რთულია

მრავალი მეცნიერი COVID-19-ისა და გრიპის გასარჩევად და ეფექტიანი მკურნალობის დასადგენად კვლევას აგრძელებს. რას გვეუბნება დღემდე მიღებული მონაცემები?

კვლევების შედეგები ვარაუდობს, რომ COVID-19-ის მქონე პაციენტებს დიაგნოზის მომენტში ცხელების, ხველის, კუჭ-ნაწლავის ჩივილებისა და სხვა კლინიკური ნიშნების შეტყობინების ალბათობა გრიპის პაციენტებზე მაღალი აქვთ, თუმცა ორივე ჯგუფში ბევრი კლინიკური სიმპტომი ერთმანეთს ემთხვევა.

COVID-19-ისა და გრიპის დიაგნოზის მქონე ბავშვების შემდარებელი კვლევა

კვლევაში ჩაერთო 25 მარტიდან 15 მაისამდე COVID-19-ის დიაგნოზის მქონე 315 ბავშვი და 1 ოქტომბერს, 2019 წელსა და 6 ივნისს, 2020 წელს შორის სეზონური ინფლუენცა A-თი და ინფლუენცა B-თი გამოწვეული გრიპის დიაგნოზის მქონე 1402 ბავშვი. ჰოსპიტალიზაციის, ინტენსიური თერაპიისა და სუნთქვის აპარატის საჭიროების მაჩვენებლებით ორივე ჯგუფმა მსგავსი შედეგები აჩვენა. COVID-19-ის გამო ჰოსპიტალიზებული ბავშვების ასაკობრივი დიაპაზონი გრიპით ჰოსპიტალიზებულებზე მაღალი იყო; კორონავირუსის დიაგნოზით ჰოსპიტალიზებულ ბავშვთა %65-ს კიდევ სხვა ჯანმრთელობის პრობლემაც ჰქონდა, გრიპის პაციენტებში კი ეს მაჩვენებელი %42-მდე მცირდებოდა.

მკვლევრები აღნიშნავენ, რომ ორივე ჯგუფში ცხელება და ხველა ყველაზე ხშირად შეტყობინებული სიმპტომები იყო; ისინი დასძენენ, რომ ცხელების, დიარეის, ღებინების, თავის, კუნთების ან გულმკერდის ტკივილის ჩივილებით მოსულ პაციენტებს უმეტესად COVID-19-ის დიაგნოზი უსვამდნენ.

ორი დაავადების გასარჩევად ექიმებმა სიმპტომების, გასინჯვისა და ტესტების კომბინაცია უნდა გამოიყენონ

როგორც გრიპი, ისე COVID-19 PCR ტესტებით დიაგნოსტირებადი ვირუსული დაავადებებია. COVID-19-ით გამოწვეული ვირუსული პნევმონიისთვის აგრეთვე ფილტვის ტომოგრაფიაც საკმაოდ ეფექტიანი დიაგნოსტიკური საშუალებაა.

ცხელებით, დიარეით, ღებინებით, თავის, კუნთების, გულმკერდის ტკივილით ან მადის დაქვეითებით საავადმყოფოში მოსულებში, რადგან სეზონური გრიპის პერიოდიც იწყება, COVID-19-იც და გრიპიც უნდა განვიხილოთ. ამიტომ ექიმებმა ორივე ვირუსული დაავადების PCR ტესტები შეიძლება მოითხოვონ. თუმცა წელს სოციალური იზოლაციისა და ნიღბის წესების ფართოდ დაცვის გამო სეზონურმა გრიპმა წინა წლებთან შედარებით ნაკლები ადამიანი შეიძლება მოიცვას.

რაც პნევმოკოკის ვაქცინის შესახებ გვაინტერესებს

პნევმოკოკის სახელწოდების ბაქტერიისშესახებ ცნობილია, რომ განსაკუთრებით 65 წელს გადაცილებულებში პნევმონიას და სხვა ინფექციებს, მაგალითად მენინგიტსა და შუა ყურის ანთებას, შეიძლება იწვევდეს. ამიტომ ამ ინფექციებისგან დასაცავად 65 წელზე უფროსებს პნევმოკოკის ვაქცინას ურჩევენ.

ვერ ვიტყვით, რომ გრიპისა თუ პნევმოკოკის ვაქცინებიდან ერთი მეორეზე მნიშვნელოვანია. თუმცა თამამად შეიძლება ითქვას, რომ ინფლუენცის ვირუსით გამოწვეული გრიპი პნევმოკოკის ბაქტერიით გამოწვეულ პნევმონიაზე ბევრად უფრო ხშირია.

ამასთან, პნევმოკოკის ვაქცინაზე ორი დიდი მცდარი წარმოდგენა არსებობს:

• პირველია ვარაუდი, რომ პნევმოკოკის ვაქცინა ყველა პნევმონიისგან იცავს, რაც არასწორია; ეს ვაქცინა მხოლოდ პნევმოკოკის ბაქტერიით გამოწვეული პნევმონიისგან იცავს და არა სხვა ბაქტერიებითა თუ ვირუსებით გამოწვეულისგან.
• მეორე: პნევმოკოკის ვაქცინა COVID-19-ით გამოწვეული პნევმონიისგანაც არ იცავს. ჯვარედინი დაცვის შესახებ ყველა მტკიცება ან ჭორია, ან სუსტი მტკიცებულების მქონე კვლევის შედეგი.

მთელი საზოგადოების ინფლუენცისა თუ პნევმოკოკის წინააღმდეგ აცრა აუცილებელი არ არის და არც შესაძლებელია. წლევანდელი ახალი გრიპის ვაქცინა ჯერ ბაზარზე არ გამოსულა. ბავშვებს ისედაც 1 წლამდე კონიუგირებული პნევმოკოკის ვაქცინა 3-ჯერ უკეთდებათ. ამიტომ გრიპისა და პნევმოკოკის ვაქცინები რისკის ქვეშ მყოფებს ოჯახის ექიმის ან მეთვალყურე ექიმის რეკომენდაციით უნდა ჩაუტარდეთ. ვაქცინებზე წვდომის ყველაზე შესაფერისი და უსაფრთხო გზა ოჯახის ექიმებია.

დასკვნა

თუ ზემოხსენებული სიმპტომების მქონე ადამიანებს ჰოსპიტალიზაცია სჭირდებათ, მის წინ ან მის დროს გრიპისა და COVID-19-ის ტესტირებას, სითხისა და ჟანგბადის მხარდაჭერას და სასიცოცხლო მაჩვენებლების ცვლილების მსგავსი კლინიკური ფაქტორებით მკურნალობის პროტოკოლის განსაზღვრას გავაგრძელებთ. ამ ეტაპზე ყველა ბავშვის, ჯანდაცვის მუშაკის, 65 წელზე უფროსისა და ექიმის რეკომენდაციით ქრონიკული დაავადების მქონეთა გრიპის ვაქცინაციით უზრუნველყოფაუაღრესად მნიშვნელოვანი იქნება. 2020-2021 წლისთვის დაგეგმილი ახალი გრიპის ვაქცინები ჯერ ბაზარზე მზად არ არის, თუმცა მალე გამოჩნდება. ვაქცინაციის შესაფერისი დრო ოქტომბრის ბოლომდეა. ასევე ნიღბის ტარების, სოციალური დისტანციისა და ხელის ჰიგიენის მსგავსი ზომებიCOVID-19-ისა და გრიპის მსგავსი მრავალი ვირუსის გავრცელების შესაფერხებლად უნდა გაგრძელდეს.

• ყველა ჩვენი COVID-19 სიახლე

გარე შინაარსის სანახავად მართეთ პარამეტრები

გარე შინაარსის სანახავად მართეთ პარამეტრები