HPV-ისა და კიბოს კავშირი — 10 სადავო მტკიცება და ფაქტები

ადამიანის პაპილომავირუსი (HPV) ძალიან გავრცელებულია, თუმცა მის შესახებ ინფორმაცია ხშირად არეულია. ვის შეიძლება ჰქონდეს HPV? როგორ გადადის? იკურნება? რამდენად უსაფრთხო და ეფექტიანია HPV ვაქცინები? ამ სტატიაში მსგავს კითხვებს ვუპასუხებთ და გაურკვეველ ინფორმაციას განვმარტავთ. HPV-თან დაკავშირებული კიბოს რეალობის ცოდნით ასეთი სიმსივნეების დიდი ნაწილის პრევენცია შესაძლებელია.

ადამიანის პაპილომავირუსები 200-ზე მეტი ვირუსის ჯგუფია. მათგან 40-ზე მეტი ადამიანიდან ადამიანს გადაეცემა. HPV-ის ტიპები ადვილად ვრცელდება უშუალო კონტაქტით — ინფიცირებული პირის კანიდან და ლორწოვანიდან პარტნიორის კანზე და ლორწოვანზე სქესობრივი და კანის შეხებით. გადაცემა შესაძლებელია ვაგინალური, ანალური და ორალური სექსით. ზოგი ტიპი კი არასქესობრივი გზით გადამდებ მეჭეჭებს იწვევს.

მტკიცება 1: HPV მხოლოდ ქალებს ემართებათ

ფაქტი: HPV ქალებსაც და მამაკაცებსაც გვხვდება. დაახლოებით % 80-ს ცხოვრების რომელიმე ეტაპზე აქვს HPV ინფექცია. ის შეიძლება თავისით გაქრეს ან დარჩეს. დარჩენილმა გენიტალურმა მეჭეჭებმა შეიძლება ჯანმრთელობის პრობლემები გამოიწვიოს, მათ შორის სხვადასხვა კიბო: საშვილოსნოს ყელის, ანალური, პენისის და თავისა და კისრის კიბოები ასეთებს მიეკუთვნება.

- დაკავშირებული თემა: რა არის HPV — ადამიანის პაპილომავირუსი და როგორ იწვევს კიბოს?

მტკიცება 2: HPV მხოლოდ სქესობრივი კავშირით გადადის

ფაქტი: HPV გადადის როგორც სქესობრივი კავშირით, ისე კანის შეხებით. უმეტეს შემთხვევაში გადაცემა სქესობრივია, მაგრამ სქესობრივი აქტის გარეშეც შესაძლებელია. პრეზერვატივი მნიშვნელოვნად აფერხებს გადაცემას, თუმცა სრულ დაცვას არ უზრუნველყოფს.

მტკიცება 3: HPV ინფექცია ყოველთვის სიმპტომურია

ფაქტი: HPV-ის მქონეთა უმეტესობამ არ იცის, რომ დაინფიცირებულია. შემთხვევების % 90-ში იმუნიტეტი ხანგრძლივად ებრძვის ინფექციას და ორ წელიწადში უმეტესად ამარცხებს.

- დაკავშირებული თემა: საშვილოსნოს ყელის კიბოს სიმპტომები და მკურნალობა

მტკიცება 4: HPV-ით გამოწვეული გენიტალური მეჭეჭებისა და კიბოს პრევენციის გზა არ არსებობს

ფაქტი: HPV ვაქცინებმა დაკავშირებული კიბოს %90-ზე მეტის პრევენცია შეიძლება უზრუნველყოს. მიიჩნევა, რომ ვაქცინა სულ მცირე 10 წელი მოქმედებს; მოსალოდნელია უფრო ხანგრძლივი დაცვაც. გოგონებისა და ბიჭებისთვის იდეალური ასაკია 11-12 წელი.

- დაკავშირებული თემა: HPV ვაქცინაციის სახელმძღვანელო განახლდა! გავიგოთ, რა არის HPV ვაქცინა

მტკიცება 5: ყველა HPV ვაქცინა ერთნაირია

ფაქტი: FDA -ის მიერ დამტკიცებულ სამ HPV ვაქცინას შორის რამდენიმე მნიშვნელოვანი განსხვავებაა. Cervarix ვაქცინა HPV-ის 16 და 18 ქვეტიპებს ებრძვის და მხოლოდ საშვილოსნოს ყელის კიბოსგან დაცვას ისახავს მიზნად; Gardasil 4, HPV-ის 6, 11, 16 და 18 ქვეტიპების წინააღმდეგაა და იცავს საშვილოსნოს ყელის, ანალური, ვულვის, საშოს, პენისის, თავისა და კისრის კიბოებისგან. ეს ვაქცინები საშვილოსნოს ყელის კიბოსგან % 70-ზე მეტ დაცვას იძლევა.

Gardasil 9, HPV-ის ცხრა ტიპისგან იცავს და საშვილოსნოს ყელის კიბოს დაახლოებით % 90-ს აფერხებს. Gardasil-ის ვაქცინები გენიტალურ მეჭეჭებსაც აცილებს. ექიმი თქვენთვის ან თქვენი ბავშვისთვის შესაფერის ვაქცინას გირჩევთ.

მტკიცება 6: HPV-ის მკურნალობა არსებობს

ფაქტი: სამწუხაროდ, თავად ვირუსის მკურნალობა არ არსებობს, მაგრამ ვაქცინით ეფექტიანი დაცვა შესაძლებელია. ასევე არსებობს HPV-ით გამოწვეული კიბოსწინარე დაზიანებებისა და გენიტალური მეჭეჭების მკურნალობის სხვადასხვა გზა.

- დაკავშირებული თემა: რას ნიშნავს პაპ-ტესტის პათოლოგიური პასუხი?

მტკიცება 7: HPV ორსულობაზე მოქმედებს

ფაქტი: უმეტესად HPV დაორსულების შანსს არ ცვლის. ორსულობისას HPV-ის შემთხვევაში შეიძლება გენიტალური მეჭეჭები ან საშვილოსნოს ყელის უჯრედული ცვლილებები განვითარდეს. რეგულარული სკრინინგით გამოვლენილი ცვლილებების მკურნალობაში მეან-გინეკოლოგებს გამოცდილება აქვთ. HPV ვაქცინის შემდეგ დაორსულება დასაშვებია; ვაქცინა ნაყოფზე არ მოქმედებს.

მტკიცება 8: HPV ვაქცინაციის შემდეგ პაპ-ტესტი საჭირო აღარ არის

ფაქტი: პაპ-ტესტი აუცილებლად უნდა ჩაიტაროთ. ვაქცინა საშვილოსნოს ყელის კიბოს გამომწვევ ყველა HPV ტიპს არ აფერხებს, ამიტომ ვაქცინირებულმა ქალებმაც 21-29 წლის ასაკში ნაცხი სამ წელიწადში ერთხელ უნდა აიღონ. ნაცხთან ერთად 30-64 წლის ქალებს HPV ტესტი ყოველ ხუთ წელიწადში უნდა ჩაუტარდეთ.

- დაკავშირებული თემა: კიბოს სკრინინგის თანამედროვე პროგრამები: რომელი ტესტით რომელი კიბოს ადრეული დიაგნოსტიკაა შესაძლებელი?

მტკიცება 9: HPV ვაქცინამ საშიში სამედიცინო პრობლემები შეიძლება გამოიწვიოს

ფაქტი: HPV ვაქცინა უსაფრთხო პრეპარატია და ჯანმრთელობის პრობლემებს არ ზრდის. სხვა ვაქცინებისა და წამლების მსგავსად, მსუბუქი ალერგიული რეაქცია შესაძლებელია. ყველაზე ხშირია ტკივილი ან სიწითლე აცრილ მკლავზე.

მტკიცება 10: HPV ვაქცინა სქესობრივ აქტივობას ზრდის

ფაქტი: HPV ვაქცინის სქესობრივ აქტივობაზე გავლენის კვლევა არ არსებობს. ვაქცინაცია არც იმას ნიშნავს, რომ დაუცველი სქესობრივი კავშირი დასაშვებია.

დაბოლოს;

მაღალი რისკის HPV ინფექციის კიბოდ გარდაქმნის ალბათობის გამზრდელი ყველაზე მნიშვნელოვანი ფაქტორია თამბაქოსა და მისი ნაწარმის მოხმარება.

HPV-ისგან დასაცავად და კიბოდ გარდაქმნის რისკის შესამცირებლად

რეკომენდებულია ამ ინფორმაციის გათვალისწინება, მონოგამიური და/ან დაცული სქესობრივი კავშირი და დროული ვაქცინაცია. HPV ვაქცინა მაღალი რისკის კიბოს გამომწვევი ტიპებისგან იცავს. 11-12 წლის ბიჭები და გოგონები უნდა აიცრან. ამ დროს იმუნიტეტი ვაქცინაზე პასუხის შექმნას ცდილობს. ქალები შეიძლება 26 წლამდე, მამაკაცები კი 21 წლამდე (ზოგჯერ 26-მდე) აიცრან.