იმუნოთერაპია დურვალუმაბის წარმატება ფილტვის კიბოს 3. სტადიის მკურნალობაში
არაოპერაბელური 3. სტადიის ფილტვის არაწვრილუჯრედოვანი კიბოს მკურნალობა სფეროა, რომელშიც წლებია სირთულეებს ვაწყდებით და ახალ გამოსავალს ვეძებთ. პაციენტების ამ ჯგუფში სტანდარტული მკურნალობა სხივურ თერაპიასთან ერთდროული ქიმიოთერაპიაა. მიუხედავად იმისა, რომ ხელთ არსებული ორი ყველაზე მნიშვნელოვანი მკურნალობის მეთოდს ერთად ვიყენებთ, პაციენტების მხოლოდ %15 ცოცხლობს ხუთ წელს ან მეტხანს.
ბოლო წლებში იმუნოთერაპიების ეფექტიანობა შორსწასული სტადიის (მეტასტაზური) ფილტვის კიბოს ჩათვლით კიბოს მრავალი სახეობის დროს დადასტურდა. ESMO 2017 ევროპის ონკოლოგიის კონგრესზე იმუნოთერაპიების მოქმედება სხვადასხვა სახის კიბოს უფრო ადრეული სტადიის მქონე პაციენტებშიც შეფასდა. PACIFIC სახელწოდების კვლევაში არაოპერაბელური 3. სტადიის ფილტვის არაწვრილუჯრედოვანი კიბოს მქონე პაციენტებს, რომელთა დაავადებაც ერთდროული სხივური თერაპიისა და ქიმიოთერაპიის შემდეგ კონტროლდებოდა, 1 წლის განმავლობაში იმუნოთერაპიული პრეპარატი დურვალუმაბი ( Imfinzi ) მიეცათ.
იმუნოთერაპიული პრეპარატი დურვალუმაბი ბლოკავს ცილას PDL-1, რომელიც ჩვენი დამცავი უჯრედების კიბოს მიმართ სიბრმავეს იწვევს, და ამით დამცავ უჯრედებს კიბოს უჯრედის ამოცნობასა და განადგურებაში ეხმარება.
PACIFIC სახელწოდების 3 ფაზის რანდომიზებული კვლევა 26 სხვადასხვა ქვეყნისა და 235 ონკოლოგიური ცენტრის მონაწილეობით ჩატარდა. კვლევაში 713 პაციენტი, ფილტვის არაწვრილუჯრედოვანი კიბოს 3 სტადიით, 2-ის 1-თან თანაფარდობით ჩართეს. ყველა პაციენტს ერთდროული სხივური თერაპია და ქიმიოთერაპია ჩაუტარდა; 2/3-ს რადიოქიმიოთერაპიის შემდეგ დურვალუმაბი 10 mg/kg დოზით ორ კვირაში ერთხელ 12 თვის განმავლობაში ეძლეოდა, მეორე ჯგუფს კი პლაცებო.
იმუნოთერაპიის მიმღებ პაციენტებში დაავადების პროგრესირებამდე მედიანური დრო 16.8 თვე იყო, ხოლო მხოლოდ რადიოქიმიოთერაპიის მიმღებ ჯგუფში — 5.6 თვე.
დადგინდა, რომ დურვალუმაბი ფილტვის კიბოს პროგრესირებას %48-ით ამცირებდა. მიუხედავად იმისა, რომ დურვალუმაბის მიმღებ პაციენტებში მკურნალობის გვერდითი მოვლენები უფრო ხშირი იყო, ისინი მართვადად მიიჩნიეს.
PACIFIC კვლევაში, რომლის წინასწარი შედეგები მკურნალობის სტრატეგიის შესაცვლელად საკმარისად მნიშვნელოვანი აღმოჩნდა, ფილტვის არაწვრილუჯრედოვანი კიბოს 3 სტადიის მკურნალობაში მრავალი წლის შემდეგ პირველად მიიღეს იმედისმომცემი შედეგები. ვიმედოვნებთ, რომ გადარჩენის შედეგებიც ამ წარმატებულ წინასწარ მონაცემებს დაადასტურებს და ამ სფეროში პაციენტებისთვის უფრო სასარგებლო ახალ მკურნალობას მივიღებთ.
ველოდებით სიცოცხლის ხანგრძლივობის გრძელვადიანი შედარების შედეგებს და მათ თქვენც გაგიზიარებთ.
წყაროები
PACIFIC: A double-blind, placebo-controlled Phase III study of durvalumab after chemoradiation therapy (CRT) in patients with Stage III, locally advanced, unresectable NSCLC.
ESMO 2017 Abstract LBA1_PR
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.