იმუნოთერაპიაზე პასუხის პროგნოზირება — შეუმჩნევლად დარჩენილი B უჯრედების მნიშვნელობა

როდესაც მკვლევარმა ექიმმა Florent Petitprez-მა დაიწყო მიზეზების შესწავლა, თუ რატომ ცოცხლობს რბილი ქსოვილების კიბოს (სარკომის) მქონე ზოგიერთი პაციენტი სხვებზე მეტხანს, ელოდა, რომ პასუხს T ლიმფოციტებიდან მიიღებდა.
T უჯრედებიუფრო კარგად არის შესწავლილი იმ სფეროში, რომელიც კიბოს წინააღმდეგ იმუნური სისტემის გამოყენებას ნიშნავს, ანუ იმუნოთერაპიაში და ამ უჯრედებზე უფრო მეტი კვლევა ჩატარდა.
როდესაც დოქტორმა Petitprez-მა Nature სახელწოდების სამედიცინო ჟურნალში ახლახან გამოქვეყნებული და სიმსივნეების დეტალური გენომური ანალიზების შემცველი კვლევის შედეგები გააანალიზა, გასაოცარი დაკვირვება შენიშნა: უფრო ხანგრძლივი გადარჩენის მქონე სარკომის პაციენტებში სიმსივნის მიკროგარემოში იმუნური უჯრედების თავმოყრით შექმნილ სპეციფიკურ ლიმფოიდურ სტრუქტურებში (რომლებსაც მესამეული ლიმფოიდური სტრუქტურები ეწოდება) ძლიერი B უჯრედების კვალი არსებობდა.
კვლევის ერთ-ერთმა წამყვანმა ავტორმა დოქტორმა Wargo-მ და კოლეგებმა წინა კვლევებში მაღალი რისკის რეზექტაბელურ (ოპერაციით ამოსაკვეთ) მეტასტაზურ მელანომაში ოპერაციამდე იმუნოთერაპიის ჩატარებით უკეთესი წარმატების მაჩვენებლები აჩვენეს. იმუნოთერაპიაზე უკეთესი პასუხის მქონე პაციენტებში უფრო ძლიერი B უჯრედული კვალის არსებობის დაკვირვებაც აღწერეს.
სხვა კვლევაში დოქტორმა Wargo-მ და მისმა გუნდმა მელანომასა და თირკმელუჯრედოვან კარცინომაში (თირკმლის კიბოში) ჩატარებულ გაერთიანებულ რნმ-ის სეკვენირების (თანმიმდევრობის) ანალიზში აღმოაჩინა, რომ იმუნური საკონტროლო წერტილების ინჰიბიტორების ტიპის იმუნოთერაპიაზე მაღალი პასუხის მქონე პაციენტებში B უჯრედების მაჩვენებლები მაღალი იყო.
მათ ივარაუდეს, რომ B უჯრედები სიმსივნეში ზემოხსენებულ, ლიმფურ კვანძებს მსგავს მესამეულ ლიმფოიდურ სტრუქტურებში ანტისხეულებისა და სხვადასხვა სიგნალის წარმოქმნით მოქმედებს, რათა T უჯრედები უფრო გააქტიურდეს.
Wargo აღნიშნავს, რომ მისი დაკვირვებების განმეორება მსოფლიოს სხვადასხვა მიმდინარე კვლევაშიც ამ მდგომარეობას ამყარებს და მიუთითებს, რომ ეს შემთხვევითობა არ არის.
შორსწასული სარკომის მქონე პაციენტებში კარგი პროგნოზის (დაავადების მიმდინარეობის) ჯგუფში კვლავ პემბროლიზუმაბირომ ახორციელებს PD-1 ბლოკადას, ის ერთ 2 ფაზის კლინიკურ კვლევაშიუფრო მაღალი აღმოჩნდა. მეტასტაზური მელანომის პაციენტების კვლევაშიც როგორც T, ისე B უჯრედების უფრო ხანგრძლივ გადარჩენასთან კავშირი დაფიქსირდა.
ამ კონტექსტში ზემოხსენებული კვლევების მიერ კიბოს იმუნოთერაპიაში T და B უჯრედების ურთიერთკავშირის განხილვა მომავალი მკურნალობებისთვის იმედის მომცემია. დოქტორი Petitrez-ის გამოქვეყნებული სტატია 2020 წლის დასაწყისში Nature-ის სამედიცინო ჟურნალში გამოქვეყნებული სამი კვლევიდან ერთ-ერთია. დოქტორი Petitrez-ის მიერ წამოჭრილმა ამ საკითხებმა შეიძლება ხელი შეუწყოს იმუნოთერაპიაში აქამდე ნაკლებად შესწავლილი B უჯრედების როლის უკეთ გაგებასა და იმის გარკვევას, თუ რატომ ვლინდება იმუნოთერაპიაზე პასუხი მხოლოდ %20-დან %30-მდე პაციენტში , და განსაკუთრებით სარკომების, თირკმელუჯრედოვანი კარცინომების (თირკმლის კიბოს) და ავთვისებიანი მელანომის მსგავსი კიბოების ახალი ეფექტური სამკურნალო მიდგომები წარმოშვას.
წყაროები
2. Helmink BA, Reddy SM, Gao J et al. B cells and tertiary lymphoid structures promote immunotherapy response. Nature. 2020;577(7791):549–555.
3. ClinicalTrials.gov. Sarcoma Alliance for Research through Collaboration. (2014). SARC028: A Phase II Study of the Anti-PD1 Antibody Pembrolizumab (MK-3475) in Patients With Advanced Sarcomas. NCT02301039. https://clinicaltrials.gov/ct2/show/NCT02301039. Accessed February 25, 2020.
4. Cabrita R, Lauss M, Sanna A, et al. Tertiary lymphoid structures improve immunotherapy and survival in melanoma. Nature. 2020;577(7791):561–565.
5. https://www.cancertherapyadvisor.com/home/cancer-topics/general-oncology/b-cells-immunotherapy-cancer-response-evidence-suggests/ Accessed February 25, 2020.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.