კიბოსგან გამოჯანმრთელებული პაციენტები მეტაბოლურ სინდრომს საკმარისად არ იცნობენ

ივნისში, 2018 წელს, PLoS One-ში გამოქვეყნებულმა კვლევამ აჩვენა, რომ კიბოსგან გამოჯანმრთელებული პაციენტების მეტაბოლური სინდრომისა და დაკავშირებული მდგომარეობების შესახებ ცოდნა არასაკმარისია. საინტერესო იყო ის, რომ ამ გამოჯანმრთელებულთა 3 ნაწილიდან 1-ს მეტაბოლური სინდრომი უკვე ჰქონდა, თუმცა ამის შესახებ არ იცოდნენ.

მეტაბოლური სინდრომის დიაგნოზისთვის შემდეგი 5 კრიტერიუმიდან სულ მცირე 3 უნდა არსებობდეს:

• წელის გარშემოწერილობა მამაკაცებში >102 cm და ქალებში >88 cm
• სისხლის ცხიმის, ტრიგლიცერიდის, დონე 150 mg/dL-ზე მეტი ან ამ მიზნით წამლის გამოყენება
• კარგ ქოლესტერინად ცნობილი HDL მამაკაცებში < 40 mg/dL და ქალებში <50 mg/dL
• არტერიული წნევა ≥130/85 mmHg ან წნევის წამლის მიღება
• უზმოზე სისხლის შაქარი 100 mg/dL-ზე მეტი ან წამლის მიღება (ინსულინი ან დიაბეტის აბები)

მსოფლიოში კიბოსგან გამოჯანმრთელებულთა რაოდენობა ყოველდღე იზრდება. ამავდროულად მიმდინარეობს ახალი კვლევები მათი უფრო ხანგრძლივი სიცოცხლისა და გადარჩენისთვის.

გულ-სისხლძარღვთა დაავადებებიმეტაბოლური სინდრომის შემადგენელ დაავადებებსა და კიბოგადატანილებში სიკვდილის ყველაზე ხშირ მიზეზებს შორისაა. სხვა კვლევაში გამოჯანმრთელებულ პირებში, კიბოს დიაგნოზის არმქონეებთან შედარებით, 2-დან 4-ჯერ მეტი მეტაბოლური სინდრომი გამოვლინდა.

კორეაში ჩატარებულ ამ კვლევაში კიბოსგან გამოჯანმრთელებულ პაციენტებში მეტაბოლური სინდრომის ცნობიერება, ცოდნა და სიხშირე შეისწავლეს. 20 წელზე უფროსი, კიბოს დიაგნოზის მქონე სულ 88 პაციენტის გამოკითხვის მიხედვით:

• მონაწილე პაციენტების ნახევარზე მეტს მეტაბოლური სინდრომი ადრე სმენოდა
• პაციენტთა %6.8-მა იცოდა, რომ მეტაბოლური სინდრომი ჰქონდა, მაშინ როცა რეალურად ეს რაოდენობა %34 იყო
• მონაწილეთა %70-მა, მიუხედავად წონის, წნევისა და წელის გარშემოწერილობის მსგავსი ფიზიკური გაზომვების ცოდნისა, არ იცოდა, რომ მეტაბოლური სინდრომის დიაგნოზისთვის სისხლის ტესტები ტარდება.
• მეტაბოლურ სინდრომზე ცოდნის შესაფასებელი კითხვების სწორ პასუხთა წილი შესაბამისად იყო: ქოლესტერინის დონე %37; მიოკარდიუმის ინფარქტი (გულის შეტევა) %38; დიაბეტი % 39; არტერიოსკლეროზი (სისხლძარღვის დახშობა) %46; ჰიპერტენზია %47; გაცხიმოვნება %47; ინსულტი (ტვინის დამბლა) %63.

შედეგები აჩვენებს, რომ მიუხედავად კიბოგადატანილთა მესამედზე მეტში მეტაბოლური სინდრომის არსებობისა, მასზე ცოდნა ზოგადად არასაკმარისია. გამოჯანმრთელებულებმა განსაკუთრებით კარგად უნდა იცოდნენ სიკვდილის გამომწვევი შესაძლო დაავადება, როგორიცაა მეტაბოლური სინდრომი. არ უნდა დაგვავიწყდეს უფრო ხანგრძლივი და კარგი ცხოვრებისათვის საჭირო ცხოვრების წესის ცვლილებისა და რეგულარული სამედიცინო კონტროლის როლი არსებული რისკების შემცირებაში.

• ცუდი სურათის მაუწყებელი: მეტაბოლური სინდრომი! (დაწვრილებით)