ლენვატინიბისა და პემბროლიზუმაბის კომბინაცია მრავალი ტიპის კიბოში ეფექტიანობას აჩვენებს

ESMO 2020-ის ვირტუალურ კონგრესზეწარდგენილი LEAP-005 კვლევის საწყისი შედეგები აჩვენებს, რომ ადრე ნამკურნალები შორსწასული კიბოები მიზნობრივი პრეპარატისა და იმუნოთერაპიის (ლენვატინიბი + პემბროლიზუმაბი) კომბინირებულ მკურნალობას პასუხობს.
ლენვატინიბისა და პემბროლიზუმაბის ადრე ნამკურნალები ენდომეტრიუმის (საშვილოსნოს) კიბოსთვის დამტკიცებიდანერთი წლის შემდეგ, II ფაზის LEAP-005 კვლევა აჩვენებს, რომ მანამდე მრავალი მკურნალობის მიმღები სხვა შორსწასული კიბოებიც, სავარაუდოდ, ამ კომბინაციას უპასუხებს.
ლენვატინიბი (Lenvima) უჯრედის მემბრანაზე არსებული ტიროზინკინაზური რეცეპტორის სახელწოდების რეცეპტორის მუშაობის შეფერხებით მოქმედებს. ტიროზინკინაზური რეცეპტორები ზოგადად კიბოს უჯრედის ზრდაში, გამრავლებაში, ახალი სისხლძარღვების წარმოქმნასა და შორეულ ქსოვილებში გავრცელებაში მონაწილეობს. ლენვატინიბმა აშშ-ის სურსათისა და წამლის ადმინისტრაციის თანხმობა ადრე მიიღო 2015 წელს ფარისებრი ჯირკვლის, 2016 წელს თირკმლის, 2018 წელს ღვიძლისა და 2019 წელს საშვილოსნოს კიბოში (FDA).
პემბროლიზუმაბი (Keytruda) კიბოს წინააღმდეგ იმუნური სისტემის დამთრგუნველი ერთ-ერთი იმუნური საკონტროლო წერტილის, PD-1-ისა და PD-L1-ის ურთიერთქმედებისას PD-1-ს უკავშირდება და T-უჯრედებს ააქტიურებს; ის მონოკლონური ანტისხეულის სტრუქტურის იმუნოთერაპიული პრეპარატია. პემბროლიზუმაბს დღემდე 16 სხვადასხვა ტიპის კიბოში FDA-ს თანხმობა აქვს მიღებული.
LEAP-005 კვლევის დეტალები
- ამ ღია, მულტიცენტრულ კვლევაში 6 სხვადასხვა ტიპის სიმსივნის მქონე 187 პაციენტი ჩაერთო:
- სამმაგად უარყოფითი ძუძუს კიბო,
- საკვერცხის კიბო,
- კუჭის კიბო,
- კოლორექტალური (მსხვილი ნაწლავის) კიბო (MSI-H-ის ან შეუსაბამობის რეპარაციის დეფიციტის გარეშე),
- მულტიფორმული გლიობლასტომა (GBM) და
- სანაღვლე გზების კიბო (ამპულის სიმსივნის გარდა)
- პაციენტები ყოველდღიურად 20 mg ლენვატინიბსა და ყოველ 3 კვირაში 200 mg პემბროლიზუმაბს იღებდნენ.
- მკურნალობა 35 კვირის განმავლობაში, დაავადების პროგრესირების დადასტურებამდე ან მიუღებელი გვერდითი მოვლენის განვითარებამდე გრძელდებოდა.
- სიმსივნურ ჯგუფებში წინა მკურნალობის ისტორია ასეთი იყო: სამმაგად უარყოფით ძუძუს კიბოში მანამდე სისტემური მკურნალობის 1 ან 2 ხაზი; საკვერცხის კიბოში 3 ხაზი; კუჭის კიბოში 2 ხაზი; კოლორექტალურ კიბოში 2 ხაზი; GBM-ში 1 ხაზი და სანაღვლე გზების კიბოში 1 ხაზი.
- კვლევაში შესაფასებელი პირველადი საბოლოო წერტილები იყო ობიექტური პასუხის მაჩვენებელი და უსაფრთხოება.
შედეგები
- მონაცემთა შუალედური ანალიზისას, 10 აპრილს, 2020 წელს, კვლევაში დაკვირვების მედიანა 8.6 თვე იყო (დიაპაზონი 1.9-13.1).
- ობიექტური პასუხის მაჩვენებლები კიბოს ტიპის მიხედვით შემდეგი იყო:
- კუჭის კიბო %10 (% 95 სანდოობის ინტერვალი [CI] 2-26)
- სანაღვლე გზების კიბო %10 (% 95 CI 2-26)
- GBM %16 (% 95 CI 6-34)
- კოლორექტალური კიბო %22 (95% CI 9–40)
- სამმაგად უარყოფითი ძუძუს კიბო %29 (% 95 CI 14-48) და
- საკვერცხის კიბო %32 (% 95 CI 17-51).
- დაავადების კონტროლის მაჩვენებლები
- კუჭის კიბოში %48,
- სანაღვლე გზების კიბოში %68,
- GBM-ში %58,
- კოლორექტალურ კიბოში %47,
- სამმაგად უარყოფით ძუძუს კიბოში %58 და
- საკვერცხის კიბოში %74 იყო.
- პასუხის მქონე პაციენტებში პასუხის ხანგრძლივობის მედიანა იყო:
- GBM-ში 3.2 თვე,
- სანაღვლე გზების კიბოში 5.3 თვე, ხოლო სხვა ტიპის კიბოებში ეს ხანგრძლივობა ჯერ მიღწეული არ იყო.
- დაკვირვებული პასუხის ყველაზე ხანგრძლივი მედიანა კოლორექტალური კიბოს მქონე ერთ პაციენტში 10.4 თვეზე მეტი იყო.
- გვერდითი მოვლენების შეფასებისას ლენვატინიბი + პემბროლიზუმაბის კომბინაციის გვერდითი მოვლენები მართვადი აღმოჩნდა. მკურნალობასთან დაკავშირებული მძიმე (3 ხარისხის) გვერდითი მოვლენები ყველაზე ხშირად საკვერცხის კიბოს ჯგუფში (%68), ყველაზე იშვიათად კი GBM ჯგუფში (%35) დაფიქსირდა. სხვა სიმსივნეებში 3 ხარისხის გვერდითი მოვლენების მაჩვენებლები იყო: კუჭის კიბოში %42, სანაღვლე გზების კიბოში %48, კოლორექტალურ კიბოში %50 და სამმაგად უარყოფით ძუძუს კიბოში %55. მკურნალობასთან დაკავშირებული გვერდითი მოვლენების გამო შეწყვეტის მაჩვენებელიც საკვერცხის კიბოს ჯგუფში (%13) ყველაზე მაღალი იყო; მას მოსდევდა სამმაგად უარყოფითი ძუძუს კიბო (%10) და კოლორექტალური კიბო (%9); დანარჩენ სამ ჯგუფში შეწყვეტის მაჩვენებელი %6 იყო.
ამ კომბინირებული მკურნალობის იმედისმომცემი მონაცემების გათვალისწინებით შორსწასულ და ადრე ნამკურნალებ ორგანოთა კიბოებში, გავრცელდა ინფორმაცია ყველა პაციენტურ ჯგუფში მეტი პაციენტის ჩართვის გადაწყვეტილების შესახებ.
წყაროები
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.