ნივოლუმაბმა, იმუნოთერაპიულმა წამალმა, 4. სტადიის თავისა და კისრის კიბოს სამკურნალოდ FDA-ის თანხმობა მიიღო
ამ სტატიაში
ამერიკის წამლის ადმინისტრაციამ (FDA) 10 ნოემბერს, 4. სტადიის ან განმეორებული ბრტყელუჯრედოვანი თავისა და კისრის კიბოს სამკურნალოდ, იმუნოთერაპიულ წამალ Nivolumab-ის (Opdivo) გამოყენება დაამტკიცა. თავისა და კისრის კიბოს ყველაზე ხშირი უჯრედული ტიპია ბრტყელუჯრედოვანი (სქვამოზური) კარცინომა; ყველაზე ხშირად ეს კიბოები ჰაერთან შეხების მქონე ანატომიურ უბნებში მდებარეობს (პირის ღრუ, ხახა, ხორხი და სხვ.). Nivolumab დამტკიცდა განმეორებული ან გავრცელებული (მეტასტაზური = 4. სტადიის) ბრტყელუჯრედოვანი თავისა და კისრის კიბოსთვის, რომელიც პლატინაზე დაფუძნებული ქიმიოთერაპიის დროს ან შემდეგ უარესდება.
კვლევა
CheckMate 141-ის სახელით ცნობილმა 3 ფაზის კლინიკურმა კვლევამ Nivolumab-ს თავისა და კისრის კიბოს სამკურნალოდ გამოყენების თანხმობა მოუტანა. კვლევაში მონაწილეობდა ამ ჯგუფის სტანდარტული ქიმიოთერაპიის, პლატინაზე დაფუძნებული წამლების შემდეგ განმეორებული ან 4. სტადიის დაავადების მქონე 361 ბრტყელუჯრედოვანი თავისა და კისრის კიბოს პაციენტი. მათ ნაწილს სიმსივნის პროგრესირებამდე/გავრცელებამდე ახალი თაობის იმუნოთერაპიული წამალი Nivolumab (3 mg/kg დოზით ყოველ 2 კვირაში) ეძლეოდა, ნაწილს კი კლინიცისტის არჩევანის მიხედვით ერთ-ერთი სტანდარტული ქიმიოთერაპიული წამალი (ცეტუქსიმაბი, მეთოტრექსატი ან დოცეტაქსელი) უტარდებოდა.
დაფიქსირდა, რომ სტანდარტული ქიმიოთერაპიის მიმღებებთან შედარებით Nivolumab-ის მიმღებ პაციენტებში შედეგები უფრო დადებითი იყო. კვლევის უმნიშვნელოვანესი შედეგი — საერთო გადარჩენის მედიანა Nivolumab-ის მიმღებებში 7,5 თვე, ქიმიოთერაპიის მიმღებებში კი 5,1 თვე აღმოჩნდა.
წყაროები
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.