ნუთუ კიბოს პაციენტის ტკივილთან გამკლავება ნამდვილად შეუძლებელია?
ამ სტატიაში
ტკივილი კიბოს პაციენტების ერთ-ერთი ყველაზე ხშირი და საშიში ჩივილია. ონკოლოგიის პროგრესის მიუხედავად, კიბოსთან დაკავშირებული ტკივილის სიხშირე წლების განმავლობაში არ შემცირებულა. პაციენტების საშუალოდ %60-ს დაავადების რომელიმე პერიოდში ასეთი ტკივილი აქვს.
მსოფლიოში კიბოს ტკივილს საკმარისი ყურადღება არ ეთმობა. თანამედროვე მედიცინაში მრავალი ტკივილგამაყუჩებელი წამლისა და ინტერვენციული მეთოდის მიუხედავად, კიბოსთან დაკავშირებული ტკივილის მქონე პაციენტთა ნახევარი არასაკმარისად მკურნალობს.
რატომ არ ეთმობა კიბოს ტკივილს საკმარისი მნიშვნელობა?
არსებობს ბარიერები, რომლებიც შესაბამის ტკივილგამაყუჩებელ მკურნალობას აფერხებს. ზოგი ჯანდაცვის პროფესიონალს უკავშირდება, ზოგი — პაციენტს ან ახლობელს.
- ჯანდაცვის პროფესიონალებთან დაკავშირებული ყველაზე ხშირი ბარიერია ტკივილის არასაკმარისი შეფასება და მისი მკურნალობის სუსტი ცოდნა.
- პაციენტთან დაკავშირებული ბარიერის მაგალითებია ტკივილგამაყუჩებლებზე უარყოფითი აზრები და გვერდითი მოვლენების შიში.
- ტკივილის სათანადო მკურნალობის ზოგი ხელშემშლელი გარემოება პროფესიონალსაც და პაციენტსაც უკავშირდება. ესენია სუსტი კომუნიკაცია, კიბოს დიაგნოზსა და სიცოცხლის დასრულებაზე საუბრის შეუძლებლობა და ნარკოტიკული ანალგეტიკებისადმი წინასწარგანწყობა, ე.წ. ოპიოფობია.
ტკივილზე წარსულზე ბევრად მეტი ვიცით და შემსუბუქების იმდენი ვარიანტი გვაქვს, რამდენიც არასდროს გვქონია. მიუხედავად ამისა, პაციენტები სათანადო მკურნალობას ვერ იღებენ, რადგან კიბოს ტკივილის მკურნალობა მარტივი და სწორხაზოვანი არ არის; მის მართვაზე მრავალი ფაქტორი მოქმედებს: ცოდნა, არჩევანი, რწმენა, კულტურა და გენეტიკა.
შედეგად, კიბოს ტკივილთან ბრძოლის პირველი პირობაა საკმარისი შეფასება. მანამდე კი პაციენტმა დაავადება უნდა იცოდეს და თავისუფლად გამოხატვა შეეძლოს. მრავალ პაციენტზე გამოცდილ ონკოლოგიურ კლინიკებში ჰოსპიტალიზებულთა ტკივილი, შეიძლება ითქვას, საკმარისად ფასდება; თუმცა მსოფლიოში აქამდე საავადმყოფოს გარეთ ტკივილის შემფასებელი საშუალებები არ არსებობდა. ბოლო წლებში შექმნილი კომპიუტერული პროგრამები და მობილური აპლიკაციები ამ მნიშვნელოვანი ხარვეზის შევსების კანდიდატებია.
წყაროები
To be in pain (or not): a computer enables outpatients to inform their physician.
Ann Oncol (2016). doi: 10.1093/annonc/mdw250. First published online: July 20, 2016
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.