პაციენტის განათლება ხარისხიანი კიბოს მკურნალობის აუცილებელი ნაწილი გახდა

კიბოს მკურნალობაგავლილი და სიცოცხლის გამგრძელებელი მოსახლეობის ზრდამ, ადრე განუკურნებელი ზოგი კიბოს ხანგრძლივი მეთვალყურეობისა და მკურნალობის მომთხოვნ ქრონიკულ დაავადებად ქცევამ და მკურნალობის მრავალფეროვნების ზრდამ კიბოს პროცესში მეტი ინფორმირება გარდაუვალ საჭიროებად აქცია.

წლევანდელი ASCO 2018 კონგრესისერთ-ერთი საყურადღებო თემა კიბოს პაციენტისა და მისი ახლობლის განათლება იყო. საჭირო ინფორმაციის მიწოდება პაციენტისა და ოჯახის პატივისცემასაც გამოხატავს, ეხმარება მათ საკუთარი კითხვებისა და პრობლემების განსაზღვრასა და სწორი გადაწყვეტილებების მიღებაში.

რა მიზანს ემსახურება სამედიცინო გუნდის სიტყვები: „გაიღრმავეთ ცოდნა", "იმედსა და სიმამაცეს ნუ დაკარგავთ", "მიიღეთ მხარდაჭერა“? ცოდნა და განათლება პაციენტსა და ოჯახს რთული დროისთვის ამზადებს და მკურნალობის შერჩევაში უფრო გაცნობიერებული მონაწილეობის საშუალებას აძლევს. პაციენტის განათლება ეხმარება მას თავი საკუთარი მოვლის აქტიურ მონაწილედ იგრძნოს.

კარგი კომუნიკაცია ხარისხის სტანდარტად იქცა; რა ხდება პაციენტის განათლების მხრივ?

კვლევები აჩვენებს, რომ კარგი კომუნიკაცია უკეთეს ჯანმრთელობის შედეგებს იძლევა და გამკლავებას ეხმარება. კიბოს კვლევისა და მკურნალობის ცენტრებმა პაციენტისა და სპეციალისტის კომუნიკაციაში დიდი გზა გაიარა, მაგრამ განათლების ღირებულებასა და როლზე ცოტა იციან. ორივე ხარისხიანი ონკოლოგიური მოვლის საზომია და გაზომვადი შედეგების საშუალებად შეიძლება ჩაითვალოს.

ამერიკული კლინიკური ონკოლოგიის კონსენსუსის გაიდლაინის მიხედვით, ღია კომუნიკაციის ერთ-ერთი მიზანია საკმარისი ინფორმაციის მიწოდება . კომუნიკაციის ეს ფორმა განსაკუთრებით პაციენტის პატივისცემას უსვამს ხაზს და მას ცოდნის უფლებად განსაზღვრავს. ეს მხოლოდ დიაგნოზის ცოდნას კი არა, მკურნალობაზე გაცნობიერებული გადაწყვეტილების მიღების უფლებასაც ნიშნავს. ინფორმირების მიზანია პაციენტისა და ოჯახის მომზადება კიბოს მკურნალობისას მოსალოდნელი სირთულეებისა და საჭიროებებისთვის.

- დაკავშირებული თემა: როგორი უნდა იყოს პაციენტის, ახლობლისა და ექიმის კომუნიკაცია?

2012 წლიდან მოქმედი ჩვენი ვებსაიტის ერთ-ერთი მიზანია სანდო ონლაინ წყაროების მიწოდება, საიდანაც კიბოს პაციენტები და ახლობლები დაავადების ყველა საკითხზე ინფორმაციას მიიღებენ. მოგვიანებით შინაარსი კიბოსთან საერთო მიზეზების მქონე გულ-სისხლძარღვთა დაავადებებისგან, დიაბეტისა და დემენციისგან დაცვის მიზნით ჯანსაღი ცხოვრების სტატიებით გავამდიდრეთ. ონლაინ განათლების ფარგლებში განსახილველი ჩვენი ეს მცდელობები ქვეყანაში ჯანმრთელობის წიგნიერებისგანვითარებაში წვლილი შეაქვს, რასაც ვხედავთ.

კვლევები აჩვენებს, რომ არაორგანიზებული და არაეფექტიანი კლინიკები ექიმებისადმი ნდობას ართულებს. მნიშვნელოვანი ინფორმაციის მიწოდება პატივისცემას გამოხატავს, პაციენტსა და ოჯახს საკუთარი კითხვებისა და შიშების განსაზღვრაში ეხმარება და მნიშვნელოვან გადაწყვეტილებებს უზრუნველყოფს.

ინფორმირებული მკურნალობისა და შემდგომი პერიოდის პროცესი როგორც პაციენტის, ისე ახლობლისა და სამედიცინო პერსონალის თანამშრომლობას აუმჯობესებს.

პაციენტებმა იციან, რომ ვიზიტისას სასაუბრო დრო ღირებული და შეზღუდულია. როდესაც ექიმის ახსნილ ცნებებზე საბაზისო ცოდნა აქვთ, უფრო სწორად ურთიერთობენ და დიალოგი ორივე მხარისთვის ეფექტიანია. კარგად ინფორმირებული პაციენტები ორივეს მეტ კმაყოფილებასა და ნაყოფიერ პარტნიორობას აძლევს.

პრაქტიკული რჩევები პაციენტის განათლების გასაუმჯობესებლად

ინფორმირებულ პაციენტებთან ექიმები უკეთეს კომუნიკაციასა და ურთიერთობას ამყარებენ.

ამისთვის ექიმებმა და დაწესებულებებმა შეიძლება შემდეგი რჩევები გამოიყენონ:

• პაციენტს აუხსნან საჭირო მნიშვნელოვანი ინფორმაცია (ქიმიოთერაპიის სქემები, გვერდითი მოვლენები, პრეპარატებს შორის და პრეპარატისა და საკვების ურთიერთქმედებები და სხვ.).
• დაეხმარონ ვიზიტებზე ხშირად გამოყენებული სამედიცინო ტერმინების განმარტებაში.
• წაახალისონ ჩანაწერების გაკეთება; ეს პაციენტსა და ონკოლოგიურ გუნდს შიშებისა და სიმპტომების თვალყურის დევნებაში შეიძლება დაეხმაროს.
• დარწმუნდნენ, რომ ინფორმირებულია არა მხოლოდ პაციენტი, არამედ ოჯახის წევრებიც. ერთი ოჯახის წევრთა სამეცნიერო წიგნიერება შეიძლება მნიშვნელოვნად განსხვავდებოდეს.
• მკურნალობის ვარიანტების განხილვისას მონაცემები წერილობით მიაწოდონ.
• პაციენტებს შესთავაზონ სანდო ინფორმაციის წყაროები, სადაც ცხოვრების წესის, ჯანსაღი კვების, ვარჯიშისა და ცხოვრების ხარისხის მსგავს მნიშვნელოვან კითხვებზე პასუხებს იპოვიან.
• შეარჩიონ და დაავალონ განათლებით დაინტერესებულ გუნდის წევრს რესურსების ფაილის შექმნა, რომელსაც ექიმი ვიზიტისას ადვილად გადასცემს პაციენტს ან ციფრულად გაუგზავნის.

ზემოთ ჩამოთვლილი საგანმანათლებლო მომსახურებების თითქმის ყველა ონლაინ მოდულებით ან მათი მხარდაჭერით შეიძლება განხორციელდეს.

დასკვნის სახითდღეს ონკოლოგიური მოვლის აუცილებელ ნაწილად ქცეული პაციენტებისა და ახლობლების განათლება როგორც პროცესს, ისე მკურნალობის შემდგომ პერიოდს ძალიან დადებითად ცვლის.

დაკავშირებული თემა:

- კიბოს პაციენტთა მომვლელები არ უნდა დავივიწყოთ – ახლობლების მხარდაჭერის 4 გზა