ონკოლოგიის გული ASCO 2018-ზე იფეთქებს
ყოველი წლის ივნისის პირველ კვირაში მსოფლიოს კიბოს ყველა პროფესიონალის ყურადღება მიმართულია აშშ-ის ჩიკაგოში გამართულ ამერიკის კლინიკური ონკოლოგიის საზოგადოების, სახელად ASCOყოველწლიურ კონგრესზე. წელს 39 ათასზე მეტი მონაწილით ASCO-ს კონგრესი მსოფლიოს ყველაზე ფართომასშტაბიანი ონკოლოგიური ღონისძიებაა. მას მხოლოდ ჯანდაცვის პროფესიონალები არ ადევნებენ თვალს; წელს 500-ზე მეტი პაციენტთა უფლებების დამცველიც დარეგისტრირდა, რათა კიბოს მედიცინის პროგრესს ახლოდან მიჰყოლოდა.
American Society of Clinical Oncology (ASCO) სამეცნიერო საზოგადოებაა, რომელიც 1964 წელს 7 ონკოლოგის გაერთიანებით დაარსდა.
ASCO 2018 კონგრესის მთავარი თემა გახდა აღმოჩენების მიწოდება: ზუსტ მედიცინაზე წვდომის გაზრდა . ადრე პერსონალურ ან ინდივიდუალურ მედიცინად წოდებულმა ზუსტმა მედიცინამ (precision medicine)კიბოს მკურნალობაში მრავალი წინსვლა მოიტანა, თუმცა ამ სფეროში ჯერ ბევრი რამაა შესასწავლი. ახალი მკურნალობის აღმოჩენის მსგავსად მნიშვნელოვანია ყველა პაციენტისთვის მისი მიწოდების შესაძლებლობის გაზრდაც.
თუმცა ASCO 2018 კონგრესი 1 ივნისს დაიწყება და 5 ივნისამდე გაგრძელდება, ზოგი მნიშვნელოვანი კვლევის შედეგი წინასწარ გამოქვეყნდა:
ASCO 2018-მდე ყურადღების მიმპყრობი თემები
- თავისა და კისრის კიბოს პაციენტებს, მობილური ტექნოლოგიებით მეთვალყურეობისას ჩივილები უმცირდებათ.
- HER2-დადებითი ძუძუს კიბოს მკურნალობაში გამოყენებული მიზნობრივი წამალი ტრასტუზუმაბი (სავაჭრო სახელი Herceptin), 12 თვის ნაცვლად 6 თვის განმავლობაში გამოყენებისასაც ეფექტიანი აღმოჩნდა და ნაკლები გულის პრობლემა გამოიწვია.
- T-უჯრედოვანი ლეიკემიისა და ლიმფომისთვის მკურნალობის ახალი პროგრამები ახალგაზრდა პაციენტების სიცოცხლეს ახანგრძლივებს.
- აღმოჩნდა, რომ ინტენსიური მწეველების მხოლოდ %1 იტარებს საჭირო ფილტვის კიბოს სკრინინგს .
- ფსიქოთერაპია და აკუპუნქტურაშეიძლება დაეხმაროს კიბოს მკურნალობის შემდეგ უძილობით შეწუხებულ ადამიანებს.
- ვრცელი გენომური ტესტები გავრცელებული ფილტვის კიბოს რუტინული მკურნალობის ნაწილად შეიძლება შეთავაზდეს.
ზემოთ ჩამოთვლილი თემებიდან, ფილტვის კიბოში ვრცელი გენეტიკური ტესტების გამოყენებასთუ დეტალურად განვიხილავთ;
მეტასტაზური, არაწვრილუჯრედოვანი ფილტვის კიბოს გენომური ტესტირების სხვადასხვა მიდგომის შემდარებელმა კვლევამ აჩვენა, რომ დიაგნოზისას ახალი თაობის სეკვენირების (NGS) გამოყენება ერთ ჯერზე 1 ან რამდენიმე გენის ტესტირებაზე სწრაფი და იაფია. მნიშვნელოვანი უპირატესობაა, რომ ახალი თაობის სეკვენირება ერთდროულად მრავალ გენში ცვლილებასა თუ მუტაციას ამოწმებს და ცალკეულ ტესტებზე ნაკლებ ქსოვილს მოითხოვს.
ბოლო წლებში გავრცელებული ფილტვის არაწვრილუჯრედოვანი კიბოს (KHDAK) მკურნალობის დაგეგმვაში გენომური ტესტები მნიშვნელოვან აუცილებლობად იქცა. ისინი სიმსივნის გენებს იკვლევს, რათა მისი ზრდისა და გავრცელების სისწრაფის პროგნოზირებას დაეხმაროს. EGFR, ALK, ROS1, BRAF, MET, HER2, RET და NTRK1 მათ შორის KHDAK-სთან დაკავშირებული რამდენიმე გენი არსებობს. იმუნოთერაპიის პასუხის პროგნოზისთვის გამოყენებული PD-L1 ასევე KHDAK-ის მკურნალობის მნიშვნელოვანი ბიომარკერი.
ფილტვის კიბოში თითქმის ყოველწლიურად აღმოაჩენენ კიბოს წარმოქმნის წამქეზებელ გენეტიკურ ცვლილებას და ზემოთ ჩამოთვლილი თითოეული ცვლილებისთვის მიზნობრივი წამლები ამჟამად ხელმისაწვდომია.
ASCO 2018-თან ერთად OncoTrust-ის გუნდი ინტენსიურ მუშაობაში ჩავერთეთ. ყველა სიახლეს მივადევნებთ თვალს და საკუთარი კომენტარებით გაგიზიარებთ...
წყაროები
cancer.net - 2018 ASCO Annual Meeting - May 16, 2018
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.