რა არის Pet (შინაური ცხოველებით) თერაპია? ვისთვის არის შესაფერისი და როგორ ტარდება?
ამ სტატიაში
რა არის შინაური ცხოველებით თერაპია?
შინაური ცხოველებით თერაპია არის ადამიანის და გაწვრთნილი ცხოველის ხელმძღვანელობით მიმდინარე ურთიერთობა. მასში ცხოველის მწვრთნელიც მონაწილეობს. შინაური ცხოველებით თერაპიის მიზანია დაეხმაროს ადამიანს ჯანმრთელობის პრობლემის ან ფსიქიკური აშლილობის დაძლევაში ან მათთან გამკლავებაში.
შინაური ცხოველებით თერაპიაში ყველაზე ხშირად ძაღლებსა და კატებს იყენებენ. თუმცა შეიძლება დელფინის, ზღვის გოჭის, ცხენისა და შერჩევის კრიტერიუმების დამაკმაყოფილებელი სხვა ცხოველების გამოყენებაც. შერჩეული ცხოველის სახეობა ადამიანის მკურნალობის გეგმის მიზნებზეა დამოკიდებული.
ცხოველის დახმარებით მკურნალობა და ცხოველის დახმარებით საქმიანობა განსხვავებული რამ არის?
შინაური ცხოველებით თერაპიას ასევე ცხოველის დახმარებით მკურნალობას უწოდებენ. ცხოველის დახმარებით მკურნალობას ზოგჯერ ცხოველის დახმარებით საქმიანობებში ურევენ. ცხოველის დახმარებით მკურნალობა ოფიციალური და სტრუქტურირებული სეანსებია, რომლებიც ადამიანებს მკურნალობაში კონკრეტული მიზნების მიღწევაში ეხმარება. ცხოველის დახმარებით საქმიანობები უფრო ყოველდღიურ შეხვედრებს მოიცავს, რომლებზეც ცხოველი და მისი მომვლელი კომფორტის ან გართობის მიზნით ერთ ან მეტ ადამიანთან ურთიერთობენ.
რა სარგებელი აქვს შინაური ცხოველებით თერაპიას?
შინაური ცხოველებით თერაპია უკვე არსებულ ადამიანისა და ცხოველის კავშირს ეფუძნება. მეგობრულ ცხოველთან ურთიერთობა მრავალი ფიზიკური და ფსიქიკური პრობლემისას შეიძლება სასარგებლო იყოს. მას შეუძლია არტერიული წნევის შემცირებასა და ზოგადი გულ-სისხლძარღვთა ჯანმრთელობის გაუმჯობესებაში დახმარება.
მას ასევე შეუძლია დამამშვიდებელი ეფექტის გამომწვევი ენდორფინების გამოთავისუფლება. ეს ტკივილის შემსუბუქებას, სტრესის შემცირებასა და ზოგადი ფსიქოლოგიური მდგომარეობის გაუმჯობესებას შეიძლება დაეხმაროს. შინაური ცხოველებით თერაპია მრავალი განსხვავებული გზით გამოიყენება. განსაზღვრული მიზნები მკურნალობის მნიშვნელოვანი ნაწილია და თქვენი პროგრესი სტრუქტურირებულ სეანსებზე ჩაიწერება და გაკონტროლდება.
შინაური ცხოველებით თერაპიის პროგრამის მიზნები შეიძლება მოიცავდეს:
- მოტორული უნარებისა და სახსრების მოძრაობის გაუმჯობესებას
- დახმარებით ან დამოუკიდებლად მოძრაობის გაუმჯობესებას
- თავდაჯერებულობის ზრდას
- სიტყვიერი კომუნიკაციის გაზრდას
- სოციალური უნარების განვითარებას
- საქმიანობებში მონაწილეობის სურვილის გაზრდას
- სხვებთან ურთიერთობის გაუმჯობესებას
- ვარჯიშის სურვილს
შინაური ცხოველებით თერაპიის სხვა სარგებელი:
- ადამიანის გახარება, დეპრესიის შემცირება და ცხოვრებისადმი დამოკიდებულების გაუმჯობესება
- ადამიანისთვის მეგობრის მიცემით მარტოობისა და იზოლაციის შემცირება
- მოწყენილობის შემცირება
- დამამშვიდებელი ეფექტების გამო შფოთვის შემცირება
- ბავშვებისთვის თანაგრძნობისა და მზრუნველობის უნარების სწავლაში დახმარება
- ადამიანსა და ჯანდაცვის სპეციალისტებს შორის ურთიერთობის გაუმჯობესება
ვინ უნდა დაფიქრდეს შინაური ცხოველებით თერაპიაზე?
- ქიმიოთერაპია და კიბოს სხვა მკურნალობა რომელსაც პაციენტები იტარებენ
- ხანგრძლივი მოვლის ცენტრებში მცხოვრებნი
- პალიატიური მოვლა პაციენტები
- გულის ქრონიკული უკმარისობით საავადმყოფოში მოთავსებული ადამიანები
- პოსტტრავმული სტრესული აშლილობის მქონე ვეტერანები
- ბავშვები, რომლებსაც ფიზიკური ან სტომატოლოგიური პროცედურები უტარდებათ
- დამბლით დაზარალებულნი და მოტორული უნარების აღსადგენად ფიზიოთერაპიაზე მყოფი ადამიანები
- ფსიქიკური ჯანმრთელობის დარღვევების მქონე ადამიანები
სამედიცინო პროცედურის დროს შინაური ცხოველის ყოფნისას ადამიანებს შეიძლება ნაკლები შფოთვა ჰქონდეთ. რეაბილიტაციისას საკუთარ შინაურ ცხოველებთან მუშაობისას ადამიანებს მკურნალობის გაუმჯობესებისა და შესრულების მეტი მოტივაცია შეიძლება ჰქონდეთ. სენსორული შეზღუდვების მქონე ადამიანებს ზოგჯერ ცხოველთან კომუნიკაცია უფრო უადვილდებათ. ეს ჯანდაცვის მომსახურების მიმწოდებლებსა და სხვა ადამიანებთან მეტ ურთიერთობას უწყობს ხელს.
- დაკავშირებული თემა: ჩვენი ერთგული მეგობრები, შინაური ცხოველები, კიბოს მკურნალობისას ჩვენ გვერდით არიან
რა რისკები აქვს შინაური ცხოველებით თერაპიას?
შინაური ცხოველებით თერაპიის უდიდეს რისკებს შორის უსაფრთხოება და სანიტარიაა (ჰიგიენისა და ჯანმრთელობის პირობების შექმნა და შენარჩუნება). ალერგიის მქონე ადამიანებს შინაური ცხოველებით თერაპიისას რეაქცია შეიძლება განუვითარდეთ. ამ პროგრამებში ცხოველებს, ჩვეულებრივ, ქცევისა და ჯანმრთელობის მხრივ ამოწმებენ. დადებითი გამოცდილების უზრუნველსაყოფად ცხოველის პატრონმა და მწვრთნელმაც უნდა გაიარონ სწავლება და შეფასება.
მიუხედავად იშვიათობისა, შეუსაბამო ცხოველების გამოყენებისას ადამიანები შეიძლება დაშავდნენ. ცხოველებიც შეიძლება დაშავდნენ ან ცუდ მოპყრობას დაექვემდებარონ, თუ მათ სათანადოდ არ იყენებენ. ზოგ შემთხვევაში ადამიანები შეიძლება მიეჯაჭვონ მათ დამხმარე ცხოველებს და სეანსის შემდეგ მათი დატოვება აღარ სურდეთ. ამან შეიძლება დაბალი თვითშეფასება და დეპრესია გამოიწვიოს.
როგორ ტარდება შინაური ცხოველებით თერაპია?
ცხოველებით თერაპიას თქვენი ექიმი ან მკურნალობის განმკარგავი თერაპევტი ჩაატარებს. გაწვრთნილი მწვრთნელი, რომელიც ჩვეულებრივ შინაური ცხოველის პატრონია, ცხოველს ყოველ შეხვედრაზე მიიყვანს და თქვენი მიზნების მიღწევაში დასახმარებლად ექიმის ან თერაპევტის ხელმძღვანელობით იმუშავებს. უმეტეს შემთხვევაში მწვრთნელები მოხალისეებად მუშაობენ. მკურნალობაზე მყოფი ადამიანისა და შინაური ცხოველის უსაფრთხოების უზრუნველსაყოფად საჭიროა ცხოველის სათანადო გამოყენების განხილვა.
შინაური ცხოველებით თერაპიის პირველი ნაბიჯი შესაფერისი ცხოველის შერჩევაა
მრავალი ჯგუფი და ორგანიზაცია შინაური ცხოველების პატრონებსა და ცხოველებს ჯანდაცვის მომსახურების მიმწოდებლებთან აკავშირებს და ამზადებს. ცხოველის ამ თერაპიაში მონაწილეობამდე გუნდმა გარკვეული პირობები უნდა შეასრულოს. ეს პროცესი, ჩვეულებრივ, მოიცავს:
- ფიზიკურ გამოკვლევას ცხოველის აცრილობისა და დაავადების არქონის დასადასტურებლად
- მორჩილების სასწავლო კურსს ცხოველის სათანადო კონტროლის უზრუნველსაყოფად
- მწვრთნელისთვის სხვა ადამიანებთან ურთიერთობის კურსს
- ცხოველის ტემპერამენტისა და მწვრთნელთან ქცევის შეფასებას
- სპონსორი ორგანიზაციის სერტიფიკატის მიღებას
- ცხოველისა და მწვრთნელისგან შემდგარი გუნდის დამტკიცების შემდეგ ცხოველებს კონკრეტული ადამიანის საჭიროებების მიხედვით მკურნალობისთვის ანაწილებენ. ცხოველის ჯიში, ზომა, ასაკი და ბუნებრივი ქცევა განსაზღვრავს, ყველაზე მეტად სად იქნება ის სასარგებლო.
შედეგი
შინაური ცხოველებით თერაპიის წარმატება რეალისტური მიზნებისა და მოლოდინების განსაზღვრასა და მათ მიღწევაზეა დამოკიდებული. თქვენ და თქვენმა ექიმმა ან თერაპევტმა მკურნალობის დასაწყისში ეს მიზნები უნდა ჩამოაყალიბოთ და ასევე განიხილოთ, როგორ მიაღწევთ მათ და რამდენ ხანს გაგრძელდება ეს.
ექიმი ან თერაპევტი თქვენს პროგრესს აკონტროლებს და მიზნების მისაღწევად განსაზღვრულ გზაზე დარჩენაში გეხმარებათ. თუ პროგრესი მოსალოდნელზე ნელი ან სწრაფია, მათ მკურნალობის გეგმის შეცვლა შეუძლიათ.
შინაური ცხოველებით თერაპიას შეუძლია ბავშვებსაც და მოზრდილებსაც სხვადასხვა ფიზიკურ და ფსიქიკურ საკითხში დაეხმაროს. მას შეუძლია სტრესის, შფოთვისა და დეპრესიის შემცირება და პოზიტიურობისა და სოციალიზაციის გაზრდა. ამ თერაპიისა და თქვენთვის მისი შესაფერისობის შესახებ მეტი ინფორმაციისთვის ექიმს გაესაუბრეთ.
წყაროები
petpartners.org/AAA-Tinformation
2. ASPCA Animal-Assisted Therapy Programs. (n.d.). American Society for the Prevention of Cruelty to Animals (ASPCA). Retrieved October 5, 2013
aspca.org/nyc/aspca-animal-assisted-therapy-programs
3. Cole, K. M., Gawlinski, A., Steers, N., & Kotlerman, J. (2007, November). Animal-Assisted Therapy in Patients Hospitalized With Heart Failure. American Journal of Critical Care, 16(6), 575-585. Retrieved October 4, 2013
ajcc.aacnjournals.org/content/16/6/575.full
4. Guidelines for Animal Assisted Activity, Animal-Assisted Therapy and Resident Animal Programs. (2013). American Veterinary Medical Association. Retrieved October 1, 2013
https://www.avma.org/KB/Policies/Pages/Guidelines-for-Animal-Assisted-Activity-Animal-Assisted-Therapy-and-Resident-Animal-Programs.aspx
5. Halm, M.A. (2008, July). The Healing Power of the Human-Animal Connection. American Journal of Critical Care, 17(4) 373-376. Retrieved October 5, 2013
ajcc.aacnjournals.org/content/17/4/373.short
6. Pet Therapy: Man’s Best Friend as Healer. (2012, August 25). Mayo Clinic. Retrieved October 1, 2013
mayoclinic.com/health/pet-therapy/MY02122
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.