რანდომიზებული კონტროლირებული კვლევები 1948 – უფრო სანდო შედეგები
სამედიცინო მკურნალობის ეფექტიანობის დასადგენად ტესტების დაგეგმვა მრავალი მიზეზის გამო საოცრად რთული შეიძლება იყოს. მაგალითად, ექიმებმა შედეგები შესაძლოა მიკერძოებულად და არაობიექტურად შეაფასონ. მკურნალობის ეფექტი შეიძლება გაურკვეველი იყოს და პაციენტებმა დადებითი პასუხი მხოლოდ პლაცებოს ეფექტის გამო აჩვენონ. პლაცებოს ეფექტი მოქმედებს იმიტომ, რომ პაციენტს ცრუ "მკურნალობის" (მაგალითად, ინერტული შაქრის აბის) მიღების შემდეგ ჰგონია, რომ მისი მდგომარეობა გაუმჯობესდა.
დღეს შესაძლო სამედიცინო მკურნალობების გამოსაცდელად ერთ-ერთი ყველაზე სანდო მიდგომა რანდომიზებული კონტროლირებული კვლევებია (Randomized Controlled Trials - RCT). შემთხვევითი შერჩევით თითოეულ პაციენტს კვლევაში შემავალი თითოეული მკურნალობის მიღების თანაბარი შანსი აქვს. RCT შეიძლება ორმაგად ბრმა იყოს, რაც ნიშნავს, რომ არც მთავარმა მკვლევრებმა და არც პაციენტებმა არ იციან, რომელი პაციენტები არიან სამკურნალო ჯგუფში (ახალი პრეპარატის მიმღებნი) ან საკონტროლო ჯგუფში (სტანდარტული მკურნალობის მიმღებნი). ეთიკური მიზეზების გამო RCT ჩვეულებრივ მაშინ ტარდება, როდესაც მკვლევრებსა და ექიმებს სასურველი მკურნალობის შესახებ ნამდვილად არ აქვთ ჩამოყალიბებული არჩევანი.
RCT-ის შემცველი ყველაზე ცნობილი ადრეული კლინიკური კვლევა ბრიტანელი სტატისტიკოსის Bradford Hill-ის "ფილტვის ტუბერკულოზის სტრეპტომიცინით მკურნალობა” სახელწოდების კვლევაა. ამ კვლევაში პაციენტები შემთხვევით ირჩევდნენ შემდეგ ბარათებს;
- დახურული კონვერტი, რომელშიც იყო "S" ნიშნით მონიშნული ბარათი (ანტიბიოტიკი სტრეპტომიცინი და წოლითი რეჟიმი)
- კონვერტი, რომელშიც იყო "C" ნიშნით მონიშნული ბარათი (მხოლოდ წოლითი რეჟიმი)
ექსპერიმენტის შედეგად სტრეპტომიცინის ეფექტიანობა დანამდვილებით დადასტურდა.
კლინიკური ეპიდემიოლოგი Murray Enkin: “ეს ექსპერიმენტი სამართლიანად მიიჩნევა გარდამტეხ მომენტად და მედიცინის ახალი ეპოქის დასაწყისია. [RCT] კონცეფცია, რომელიც მტკიცებულებებზე დაფუძნებულ მედიცინას დაედო საფუძვლად, კლინიკური გადაწყვეტილებების მიღების მიდგომაში შეტანილი ცვლილებების გამო სამართლიანად დაიმსახურა ქება.”
სტატიაში ნახსენები ისტორიული პირები: Austin Bradford Hill (1897–1991)
წყაროები
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.