შესაძლებელია კორონავირუსით მეორედ დაინფიცირება? სხვა საინტერესო საკითხები

ახალი ტიპის კორონავირუსით (SARS-CoV-2) გამოწვეული Covid-19 დაავადებაპირველად 2019 წლის დეკემბერში გამოვლინდა და მას შემდეგ მთელ მსოფლიოში გავრცელდა. ამ დროიდან 2021 წლის მარტამდე მსოფლიოში Covid-19-ის დაახლოებით 120 მილიონი შემთხვევა დაფიქსირდა და 90 მილიონზე მეტმა ადამიანმა გამოჯანმრთელება შეძლო. აქვთ თუ არა ამ დაავადებისგან გამოჯანმრთელებულ ადამიანებს ახალი ტიპის კორონავირუსით (SARS-CoV-2) ხელახლა ინფიცირებისა და Covid-19-ით დაავადების რისკი?
აშშ-ის დაავადებათა კონტროლისა და პრევენციის ცენტრის (US-CDC) 10 სექტემბრის, 2020 წლის მონაცემებით, იმ დროისთვის არ არსებობდა დადასტურებული ცნობა, რომ ადამიანი ინფიცირებიდან 3 თვის განმავლობაში SARS-CoV-2-ით ხელახლა დაინფიცირდა.
ადამიანების შესახებ მონაცემების ნაკლებობის გამო, Rhesus მაიმუნები პირველი ინფექციიდან 28 დღის შემდეგ ვირუსის იმავე შტამს ხელახლა დაუქვემდებარეს და განმეორებითი ინფექცია არ განვითარებულა.
თუმცა 21 სექტემბერს, 2020 წელს, ევროპულმა CDC-მ SARS-CoV-2-ით ხელახალი ინფიცირების შესახებ ანგარიში გამოაქვეყნა.
კორონავირუსით მეორედ დაავადება
რესპირატორული ვირუსების უმეტესობის, მათ შორის ადამიანის კორონავირუსების, შემთხვევაში ინფექციების განმეორება შეინიშნება. რესპირატორული ვირუსებით ხელახალი ინფიცირება:
- პირველადი იმუნური პასუხის სისუსტეს ან შესუსტებას,
- სხვა გენოტიპით / სახეობით ხელახლა ინფიცირებას,
- ვირუსების ვირუსული დატვირთვის ცვლილებას შეიძლება უკავშირდებოდეს.
SARS-CoV-1-ისა და MERS-CoV-ის (ახლო აღმოსავლეთის რესპირატორული სინდრომის კორონავირუსის) ეპიდემიების შემდეგ გადარჩენილ ადამიანებში კორონავირუსის საწინააღმდეგო გარკვეული ანტისხეულები, შესაბამისად, 24 და 34 თვემდე გამოვლინდა. ამ ვირუსებთან მეორედ შეხების უმნიშვნელო რისკმა ხელახალი ინფიცირების წინააღმდეგ იმუნიტეტის კლინიკური დახასიათების საშუალება ვერ მოგვცა.
ქვემოთ მოცემულ ცხრილში სხვადასხვა რესპირატორული ვირუსის შესახებ შეჯამებული ინფორმაციაა წარმოდგენილი.

ეპიდემიების გამომწვევი კორონავირუსებისთვის კი ნაჩვენებია, რომ იმუნიტეტი დროებითი მდგომარეობაა, რომელიც რამდენიმე თვიდან რამდენიმე წლამდე გრძელდება, და ხელახალი ინფექცია აღწერილია ბუნებრივი და ექსპერიმენტული ინფექციის შემდეგ. მიიჩნევა, რომ ბუნებრივი ვირუსული ინფექციის შემდეგ იმუნური პასუხი არასრულია და ხელახალი ინფექცია სავარაუდოა.
ამჟამად RNA და ვირუსული ვექტორის ვაქცინების მსგავსი, გამოცდის პროცესში მყოფი Covid-19 ვაქცინის პლატფორმები ანტისხეულებისა და T უჯრედული პასუხების გამოსაწვევად არის შექმნილი. ქვედანაყოფური ვაქცინები კი უფრო მეტად ანტისხეულების პასუხითაა შეზღუდული და აქტიური ეფექტორული T უჯრედებისა და მეხსიერების T უჯრედების მოქმედებას გამორიცხავს.
რას ნიშნავს სიმპტომების დაწყებიდან 90 დღის განმავლობაში განმეორებითი Covid-19 და ხელახლა დადებითი PCR ტესტები?
ზოგიერთ პუბლიკაციაში აღწერილია შემთხვევები, როდესაც უარყოფითი ტესტებისა და კლინიკური გამოჯანმრთელების შემდეგ SARS-CoV-2-ის PCR ტესტი ხელახლა დადებითი გახდა, ან პაციენტებს Covid-19-თან თავსებადი სიმპტომები ჰქონდათ. ეს შემთხვევები მწვავე დაავადებიდან 90 დღის განმავლობაში აღწერეს და შესაძლოა, ნამდვილი განმეორებითი ინფექციის ნაცვლად, მდგრად ან რეციდიულ (განმეორებით) კლინიკურ დაავადებასთან ერთად ვირუსის მდგრად / მერყევ გავრცელებას ასახავდეს. სხვა ვირუსულმა ინფექციებმა ან ბაქტერიულმა / სოკოვანმა სუპერინფექციებმაც შეიძლება ახსნას თანმხლები სიმპტომური ეპიზოდი ზოგიერთ ასეთ შემთხვევაში, როდესაც ნარჩენი SARS-CoV-2 RNA არსებობს. გარდა ამისა, ხელახლა სუსტად დადებითი PCR შედეგები (ციკლის ზღვრული მნიშვნელობა (Ct) > 35), სავარაუდოდ, არა ნამდვილ აქტიურ ინფექციას, არამედ არარეპლიცირებად ვირუსს ასახავს.
გარდა ამისა, ჩინეთიდან მიღებულ დიდ მონაცემებში Covid-19-თან დაკავშირებული ჰოსპიტალიზაციის ხანგრძლივობის მედიანა 22 დღე იყო. ჰოსპიტალიზებულ შემთხვევებში ვირუსის გავრცელების მედიანური ხანგრძლივობა 20-დან 37 დღემდე აღწევდა. სხვა ანგარიშებში ზედა სასუნთქი გზების ნიმუშებიდან ვირუსის გავრცელება 12 კვირამდე გამოვლინდა. CDC-ის თანახმადაც, 90 დღის განმავლობაში დადებითი PCR, სავარაუდოდ, ხელახალი ინფექციის ნაცვლად ხანგრძლივ გავრცელებას წარმოადგენს. თუმცა რეპლიკაციის უნარის მქონე (თავის დამკოპირებელი) ვირუსი 10 – 20 დღემდე იშვიათად შეიძლება გამოვლინდეს და მძიმე Covid-19-ის შემთხვევებში ხშირად ამის შემდეგაც გამოვლენილა. იმუნოდათრგუნულ პაციენტებში კი ეს პერიოდი კიდევ უფრო ხანგრძლივი იყო აღწერილი. ხანგრძლივი გავრცელების გარდა, აღწერილია, რომ გაწერილი პაციენტების 14-17%-ს PCR ტესტები ხელახლა დადებითი ჰქონდა.
Covid-19-ით ხელახალი ინფიცირება
ჰონგ-კონგში აღწერეს პაციენტი, რომელსაც Covid-19-ის პირველი სიმპტომური (ნიშნების მქონე) ეპიზოდიდან 142 დღის შემდეგ უსიმპტომოდ (ნიშნების გარეშე) SARS-CoV-2 PCR ტესტის დადებითი შედეგი ჰქონდა. ეს შემთხვევა SARS-CoV-2-ის განმეორებით ინფექციად განისაზღვრა.
აშშ-შიც დაფიქსირდა სხვა შესაძლო განმეორებითი შემთხვევები. ამ შემთხვევებში დაავადება პაციენტების Covid-19-ის პირველი ეპიზოდიდან დაახლოებით 2 თვის შემდეგ, სახლში ხელახალი ექსპოზიციის შედეგად, უფრო მძიმედ გამოვლინდა. გენომის სეკვენირებამ ცალკეული ეპიზოდების ვირუსებს შორის რამდენიმე შესაძლო ვარიაცია (ცვლილება) გამოავლინა. შემთხვევები ხელახალ ინფიცირებად აიხსნა.
SARS-CoV-2-ით ხელახალი ინფიცირების წინააღმდეგ დამცავი იმუნიტეტის უზრუნველსაყოფად როგორც ჰუმორული, ისე უჯრედებით შუამავლობითი იმუნიტეტია საჭირო. უცნობია, ინფიცირებულთა უმეტესობა აყალიბებს თუ არა საკმარის და მდგრად იმუნურ მეხსიერებით პასუხებს, მაგალითად ნეიტრალიზებელ ანტისხეულებსა და მეხსიერების უჯრედებს.
ქვემოთ Covid-19 დაავადების სიმძიმის სხვადასხვა სცენარია გამოსახული.

ხანგრძლივმა კვლევებმა, რომლებშიც SARS-CoV-ისა და MERS-CoV-სპეციფიკური IgG ანტისხეულების პასუხის ინფექციიდან 1 წელზე მეტხანს შენარჩუნებას აფასებდნენ, აჩვენა, რომ ანტისხეულების არსებობა დროთა განმავლობაში მცირდება. თუმცა ანტისხეულების არსებობა აუცილებელი არ არის დამცავ იმუნიტეტს ნიშნავდეს, განსაკუთრებით მაშინ, თუ მათი ნეიტრალიზების აქტივობა უცნობია ან ცნობილია, რომ დაბალია ან არ არსებობს. კონკრეტულად SARS-CoV-2-ისთვის ზოგიერთი ადრინდელი კვლევა 90 დღის შემდეგ შესუსტებული ანტისხეულების პასუხის სწრაფ შემცირებას აღწერდა. თუმცა ახლახან ჩატარებულმა უფრო ხანგრძლივმა დაკვირვებამ აჩვენა, რომ ანტისხეულების არსებობა 4 თვის განმავლობაში სტაბილური რჩებოდა.
მუტირებული Covid-19
SARS-CoV-2-ის საერთო წინაპრის მქონე რამდენიმე განსხვავებული ხაზი და მათი ქვეჯგუფები გამოვლენილია გეოგრაფიული მდებარეობის მიხედვით განსხვავებული გავრცელებით. აღწერილია ვირუსის ათასობით მკაფიო ვარიანტი სხვადასხვა მუტაციით, მათ შორის სპაიკ ცილის 400-ზე მეტი ვარიანტით (ცვლილებით). შესაძლებელია, იმუნურმა წნეხმა შეარჩიოს ახალი ვარიანტები, რომლებსაც წინა ინფექციის მიმართ წარმოქმნილი იმუნური პასუხისთვის თავის არიდება შეუძლია.
შენიშვნა: ვარიანტიარის მუტაციები, რომლებიც ვირუსის ზოგად იდენტობას არ ცვლის. შტამიარის მუტაციები, რომლებიც ვირუსს სხვა იდენტობას ანიჭებს. ანუ, თუ ეს მოხდება, ყველაფერი თავიდან დაიწყება. ვირუსში თითოეული ნუკლეოტიდის ცვლილება მის განსხვავებულად ქცევას არ ნიშნავს.
დარწმუნებით არ არის ცნობილი, ხელახალი ინფიცირება უფრო მძიმე იქნება თუ მსუბუქი. უფრო მძიმე ეპიზოდი შეიძლება ანტისხეულზე დამოკიდებული გაძლიერების შედეგი იყოს ან ვარიანტის / შტამის სიმძიმესა და ვაქცინაციაში გამოყენებულ მასალაზე იყოს დამოკიდებული. უფრო მძიმე შემთხვევების დაკვირვება შეიძლება სიმპტომური შემთხვევების ტესტირების მიმართ შერჩევის მიკერძოებასაც ასახავდეს. ხელახალი ინფექციის უფრო მსუბუქი მიმდინარეობა პირველი ეპიზოდის დროს ადაპტაციური იმუნური პასუხის დაწყებით აიხსნა.
ევროპული CDC ადრე დადასტურებულ COVID-19 შემთხვევებში განმეორებითი ინფექციის შესაფასებლად ალგორითმს გვთავაზობს; თუმცა შეფასება მოიცავს ხელმიუწვდომელ ტესტებს, მაგალითად მთელი გენომის სეკვენირებასა და ფილოგენეტიკურ ანალიზს (შეჯამებისთვის იხილეთ ქვემოთ მოცემული ცხრილი).
|
ცვლადი |
დადასტურებული ხელახალი ინფიცირება |
კლინიკურად განსაზღვრული ხელახალი ინფიცირება (a) |
ეპიდემიოლოგიურად განსაზღვრული ხელახალი ინფიცირება |
|
კლინიკური ნიშნები |
დამახასიათებელი კლინიკური ნიშნები |
დამახასიათებელი კლინიკური ნიშნები |
უსიმპტომო / სიმპტომური |
|
PCR (ერთ-ერთი უნდა ჩატარდეს) |
დადებითი |
დადებითი |
დადებითი |
|
ვირუსული კულტურა (ერთ-ერთი უნდა ჩატარდეს) |
დადებითი |
დადებითი |
დადებითი |
|
პირველი ინფექციის შემდეგ გასული დრო |
> 90 დღე (b) |
|
|
|
იზოლაციის ზომები |
რეკომენდებულია |
რეკომენდებულია |
რეკომენდებულია |
|
დამატებითი მიგნებები |
ორივე ეპიზოდიდან ვირუსული RNA-ის სეკვენირება განსხვავებულ სახეობებს აჩვენებს |
ეპიდემიოლოგიური რისკფაქტორი (ცნობილი ექსპოზიცია ან ეპიდემიური სიტუაცია), სხვა მიზეზი არ არის |
ეპიდემიოლოგიური რისკფაქტორი (ცნობილი ექსპოზიცია ან ეპიდემიური სიტუაცია), სხვა მიზეზი არ არის |
(a) 2019 წლის კორონავირუსული დაავადების (Covid-19) დამახასიათებელი კლინიკური ნიშნები.
(b) შეიძლება განხილულ იქნეს 90 დღეზე ნაკლებ პერიოდშიც, თუ გამოჯანმრთელება დადასტურებულია ამჟამად ცნობილი Covid-19 ექსპოზიციითა და ორი თანმიმდევრული უარყოფითი PCR ტესტით.
SARS-CoV-2-ით ხელახალი ინფექციის დადასტურებულ დიაგნოზს შემდეგი სჭირდება
- ნამდვილი პირველი ეპიზოდის დადასტურება – პირველი ეპიზოდის ვირუსული დატვირთვის აღწერა აუცილებელია. ნაჩვენებია საწყისი ნიმუშის ხელახალი ტესტირება, როდესაც შესაძლებელია. (Ct მნიშვნელობები> 35 შეიძლება ნამდვილი ინფექციის ნაცვლად შესაძლო კონტამინაციაზე მიუთითებდეს)
- ხელახალი ინფექციის მტკიცებულება სხვადასხვა დროს ჩატარებული SARS-CoV-2 RT-PCR-ის ორი დადებითი ტესტით, რომელთა Ct >35-ია. (ან ვირუსის რეპლიკაციის მტკიცებულება უჯრედული კულტურით ან სუბგენომური RNA-ის გამოვლენით)
- ადგილობრივ ეპიდემიოლოგიასთან შესაბამისი ორი განსხვავებული ფილოგენეტიკური შტამით ინფექციის დადასტურება მაღალი გამტარობის სეკვენირებით. (ორ ეპიზოდს შორის ნებისმიერი თანმიმდევრობის ვარიაციით ორი განსხვავებული ვირუსული ვარიანტის მტკიცებულება)
შენიშვნა: პირველ და მეორე ეპიზოდს შორის აღებულ ორ განსხვავებულ ნიმუშზე სულ მცირე ერთი და, იდეალურ შემთხვევაში, ორი უარყოფითი RT-PCR ტესტი უნდა იყოს დოკუმენტირებული.
- დაკავშირებული თემა: რა ხანგრძლივი ეფექტები აქვს Covid-19 ინფექციას? 50 სიმპტომი
განმეორებითი Covid-19
- Covid-19-ის რეციდივს (ლიტერატურაში აღწერილია, როგორც „recrudescence“, „recurrence“ ან „რეაქტივაცია“) – Covid-19-თან თავსებადი სიმპტომების კლინიკურ დაბრუნებას – პირველი ინფექციიდან 90 დღის განმავლობაში თან ახლავს დადებითი / მდგრადი RT-PCR და ამყარებს ეპიდემიოლოგიური ექსპოზიციის არარსებობა ან დაავადების სხვა მიზეზი.
- ვირუსული კულტურა შეიძლება დადებითი იყოს.
- მთელი გენომის სეკვენირებით იმავე შტამის ჩვენებამ შეიძლება ეს მდგომარეობა ხელახალი ინფიცირებისგან ერთმნიშვნელოვნად განასხვაოს. ამიტომ საჭიროა დამატებითი კვლევა იმის გადასაწყვეტად, განიხილონ თუ არა ეს შემთხვევები იზოლაციისთვის.
SARS-CoV-2 RT-PCR ტესტის ხელახლა დადებითობა
- SARS-CoV-2 RT-PCR-ის ხელახლა დადებითობა ნიშნავს პირველი ეპიზოდიდან 90 დღის განმავლობაში უსიმპტომო პაციენტში უარყოფითი ტესტების შემდეგ დადებით RT-PCR-ს.
- ეს შემთხვევები დიდი ალბათობით არ წარმოადგენს რეპლიკაციურ (თავის დამკოპირებელ) ვირუსებს და იზოლაციას არ საჭიროებს.
- დაბალი ვირუსული დატვირთვა, როგორც წესი, ხელახლა დადებითობის ერთ-ერთი მახასიათებელია.
დასკვნა
მომდევნო რამდენიმე თვე, სავარაუდოდ, ხელახალი ინფიცირების მასშტაბს გამოავლენს. საბედნიეროდ, ჯერჯერობით ხელახალი ინფიცირება იშვიათ მდგომარეობად ჩანს. საჭიროა დამატებითი კვლევები, რათა დროის ინტერვალის, გენეტიკური ცვლილების განსაზღვრებისა და სეროლოგიური მდგომარეობის თვალსაზრისით უფრო ზუსტი განსაზღვრებები ჩამოყალიბდეს.
დაკავშირებული თემები
- Covid-19: მსოფლიოსა და თურქეთის მიმდინარე სტატისტიკა
- კორონავირუსის შესახებ უახლესი ამბები და სამეცნიერო მიღწევები
წყაროები
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.