შესაძლებელია ფილტვის კიბოს ადრეული დიაგნოზი? სკრინინგის გაიდლაინი 2017
ამ სტატიაში
ფილტვის კიბოს ადრეული დიაგნოსტიკისთვის ჩატარებული დაბალდოზიანი გამოსხივებით გადაღებული ფილტვის კომპიუტერული ტომოგრაფია მნიშვნელოვანი სკრინინგული მეთოდია, რომელიც შესაბამის ადამიანებში და სწორ დროს ჩატარებისას სიცოცხლეს იხსნის. მომზადდა სარეკომენდაციო გაიდლაინი, თუ ვის და რა პირობებში უნდა ჩაუტარდეს კიბოს ეს სკრინინგი. ცოტა ხნის წინ ახალი მტკიცებულებების საფუძველზე სარგებლის, ზიანისა და გამოყენების პირობების გათვალისწინებით გაიდლაინი განახლდა და ამერიკის კლინიკური ონკოლოგიის საზოგადოებამ (ASCO) გამოაცხადა.
ფილტვის კიბოს ადრეული დიაგნოსტიკისთვის სკრინინგის რეკომენდაციების შეჯამება ასეთია;
- ფილტვის კიბოზე მიმანიშნებელი ჩივილების არმქონე (ასიმპტომურ) ადამიანებს, რომლებიც არიან 55-77 წლის და სულ მცირე 30 წელი ეწეოდნენ — თუნდაც ბოლო 15 წლის განმავლობაში მოწევა შეწყვეტილი ჰქონდეთ — წელიწადში ერთხელ დაბალდოზიანი ფილტვის კომპიუტერული ტომოგრაფიით (კტ) სკრინინგი ჩაუტარდეთ,
- ასიმპტომურ ყოფილ და ამჟამინდელ მწეველებს, რომლებიც ზემოთ მოცემული რეკომენდაციის მოწევისა და ასაკის კრიტერიუმებს არ აკმაყოფილებენ, მაგრამ ფილტვის კიბოს გადატანის / განვითარების მაღალი რისკის მქონედ მიიჩნევიან, ყოველწლიური დაბალდოზიანი კტ სკრინინგი არ ჩაუტარდეთ,
- ადამიანებს, რომლებიც 30 წელზე ნაკლებს ეწეოდნენ ან 55 წელზე ახალგაზრდები ან 77 წელზე უფროსები არიან, ან 15 წელზე მეტია აღარ ეწევიან და ფილტვის კიბოს განვითარების მაღალი რისკი არ აქვთ, დაბალდოზიანი ფილტვის კტ არ ჩაუტარდეთ,
- რეკომენდებულია, დაბალდოზიანი კტ სკრინინგი არ ჩაუტარდეთ მძიმე თანმხლები დაავადებების მქონე ადამიანებს, რომელთა ადრეული სტადიის ფილტვის კიბოს მკურნალობის შესაძლებლობა მცირეა ან მოსალოდნელი ხანგრძლივი სიცოცხლე შეზღუდულია.
კიბოთი სიკვდილიანობის შესამცირებლად ადრეული დიაგნოსტიკის სკრინინგული ტესტები მნიშვნელოვანია. თუმცა მაღალი რისკის ადამიანებში დაბალდოზიანი ფილტვის კტ-ის დადებითი შედეგიც არ ნიშნავს, რომ არსებული რისკი შემცირდა. სიგარეტისა და სხვა თამბაქოს ნაწარმის არგამოყენება, პასიური მწეველობისგან თავის არიდება, რადონის აირისა და აზბესტის მსგავსი სხვა ქიმიკატების ზემოქმედებისგან დაცვა — უნდა გვახსოვდეს, რომ ფილტვის კიბოს რისკის გამზრდელი ყველა ფაქტორისგან თავის არიდება კიბოსთან ბრძოლაში გაცილებით მნიშვნელოვანია.
დაკავშირებული თემა
წყაროები
American Society of Clinical Oncology.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.