ტკივილი (ართრალგია და მიალგია)

რა არის მიალგია და ართრალგია?

რა არის მიალგია?

ეს კუნთებში წარმოქმნილი ტკივილია. სახსრებისა და კუნთების ტკივილი მრავალი მიზეზით შეიძლება განვითარდეს, მაგალითად ტრავმით ან ტანდეგობის დარღვევით, თუმცა ჩვენ ყურადღებას ქიმიოთერაპიის გვერდით მოვლენად განვითარებულ სახსრებისა და კუნთების ტკივილზე გავამახვილებთ.

ამგვარი ტკივილები, ჩვეულებრივ, ქიმიოთერაპიის მიღებიდან 48-დან 72 საათის შემდეგ ხელებსა და ფეხებში ჩნდება. ეს გვერდითი მოვლენა შეიძლება ყოველ მკურნალობას არ ახლდეს. ერთი მკურნალობისას შესაძლოა ტკივილი იგრძნოთ, შემდეგისას კი — არა. ძლიერი ტკივილის დროს ქვემოთ აღნიშნულ საკითხებზე ყურადღება ცხოვრებას გაგიადვილებთ.

რა არის ართრალგია?

ართრალგია, სახსრები, ძვლების შეერთების ადგილებია. ამ ადგილებში, მაგალითად მხრებში, იდაყვებსა და მუხლებში, არსებობს სტრუქტურები, რომლებიც ძვლებს ერთმანეთზე ხახუნისგან იცავს. მათი ანთება, სახსართაშორისი სითხის შემცირება და დაზიანება ტკივილს იწვევს. სახსრებში წარმოქმნილ ამ ტკივილებს ართრალგია ეწოდება.

როგორ გავუმკლავდე ართრალგიასა და მიალგიას, როგორც კიბოს მკურნალობის გვერდით მოვლენებს?

• წამალი ექიმის დანიშნულების მიხედვით მიიღეთ.
• დაგეგმეთ ყველა აქტივობა, დასვენების დროის ჩათვლით, და კარგად დაისვენეთ.
• გამათბობელი ბალიში ან ცხელი წყლის ბოთლი მტკივნეული უბნის შემსუბუქებაში დაგეხმარებათ. კანზე დადებამდე გამათბობელი ბალიშის ან ბოთლის პირსახოცში გახვევა არ დაგავიწყდეთ. შეგიძლიათ დღეში 4-5-ჯერ, მოკლე 5-10 წუთიანი პერიოდებით გამოიყენოთ.
• იკვებეთ რეგულარულად და ჯანსაღად.
• ზოგიერთი შემოქმედებითი საქმიანობა (ხატვა, მუსიკა და სხვ.), მედიტაცია (იოგა) და მსგავსი მოდუნების ტექნიკები შეიძლება დაგეხმაროთ.
• მტკივნეულ უბანზე მასაჟი შეიძლება სასარგებლო იყოს ან შეგიძლიათ რეფლექსოლოგიის ტექნიკებით მიიღოთ სარგებელი.

ქიმიოთერაპიის ზოგმა სახეობამ (პაკლიტაქსელი, დოცეტაქსელი), ლეიკოციტების მომატების პრეპარატებმა (neupogen, granocyte და სხვ.) და ძვლის დამცავმა საშუალებებმა (zometa, zolenat, bondronat და სხვ.) ასეთი ტკივილები შეიძლება გამოიწვიოს.

ამგვარ ტკივილებთან შეხვედრისას ნუ შეგეშინდებათ და ნუ ჩავარდებით პანიკაში. გახსოვდეთ, რომ შესაფერისი წამლებით ჩივილების შემცირება შესაძლებელია.

შემდეგ შემთხვევებში ექიმს მიმართეთ

თუ ძლიერი ტკივილი ყოველდღიურ ცხოვრებაზე მოქმედებს, ექიმს უნდა მიმართოთ. ექიმის ინფორმირების გარეშე არასოდეს გამოიყენოთ თვითნებურად ყურმოკრული რჩევები. ექიმი საჭირო გამოკვლევებს ჩაატარებს და ტკივილის მოსაშორებლად აუცილებელ დამატებებსა და/ან ცვლილებებს შეიტანს.

- შეიძლება დაგაინტერესოთ: როგორ მკურნალობენ კიბოს ტკივილს?