ციფრული მოწყობილობების ხელოვნური LED სინათლე ძილის ხარისხს ამცირებს

დროისა და ადგილის მიუხედავად ციფრული მოწყობილობების მოხერხებულობა ყველას გვიყვარს. ვის არ ჩასძინებია ტელეფონით ხელში ან არ მოსურვებია საწოლში ტელევიზორის ყურება? კვლევები მიუთითებს, რომ ელექტრონული მოწყობილობების ლურჯი სინათლე სწრაფად მზარდი ძილის დარღვევების ძირითადი მიზეზი შეიძლება იყოს.

კვლევის 17-42 წლის მოხალისეებს სთხოვეს, ძილამდე 3 საათით ადრე მოკლე ტალღის სინათლის დამბლოკავი სათვალე გაეკეთებინათ, ჩვეული ციფრული ცხოვრება გაეგრძელებინათ და ეს რეჟიმი 2 კვირა დაეცვათ. ამ მცირე ექსპერიმენტშიც კი ადამიანს დასაძინებლად უნდა წახვიდე შეტყობინების მიმცემი მელატონინის ჰორმონი %58-მდე გაიზარდა. ზრდა ხელოვნური გზით მიღებულზეც მეტი იყო.

უმთავრესი დასკვნაა, რომ ლურჯი სინათლე ძილის ხარისხზე უარყოფითად მოქმედებს. ძილი კი სხეულის ძირითადი წესრიგის ერთ-ერთი უმთავრესი ფაქტორია.

კვლევის 22 მოხალისემ განაცხადა, რომ ექსპერიმენტის შემდეგ უფრო ადვილად იძინებდნენ, ძილში გადასვლა უადვილდებოდათ და საშუალოდ 24 წუთით მეტხანს ეძინათ.

ლურჯი სინათლის მთავარი ცნობილი წყარო მზეა. თუმცა მას ყველაზე ხშირად LED (Light Emitting Diode — სინათლის გამომსხივებელი დიოდის) ციფრულ პროდუქტებში ვხვდებით. ის სიფხიზლეს ასტიმულირებს და ბიოლოგიური საათის არევით ცირკადულ რიტმს (circadian rhythm), ანუ ძილისა და გაღვიძების დროის განმსაზღვრელ სისტემას არღვევს. ხელოვნური სინათლე თვალის ipRGC (intrinsically photosensitive retinal ganglion cell — შინაგანად ფოტომგრძნობიარე ბადურის განგლიური უჯრედების) აქტივაციით მელატონინს თრგუნავს და უძილობას ან ძილის დარღვევას იწვევს.

რეკომენდებულია ლურჯი სინათლის ზემოქმედების დროის შეზღუდვა ან ფილტრების გამოყენება, კომპიუტერის ლურჯი სინათლის დამბლოკავი სათვალე და განსაკუთრებით მავნე სხივების ამრეკლი სათვალე ან ლინზები.

ლურჯი სინათლის დამბლოკავი სათვალით ფოტორეცეპტორებამდე მისული სინათლის შეჩერება და საჭირო საქმეების ძილის რეჟიმის დაურღვევლად გაგრძელება შეგვიძლია.

უახლესი მონაცემებით აშშ-ის მოსახლეობის თითქმის %50 ამბობს, რომ უძილობა მათ საქმიანობაზე უარყოფითად მოქმედებს.